Both 21:21 - Sơ̆p Hlabơar Nơ̆r 'Bok Kei-Dei

²¹ Đơ̆ng noh đĭ-đăng, lu drŏ-nglo lăm pơlei klơ̆m pơlôch sư păng tơmo; iĕm pơm rơgoh tơdrong kơnê̆ đơ̆ng lăm kon pơlei păng đĭ-đăng kon pơlei Isơrael gô kơtơ̆ng tơdrong noh na hli tơrơ.

Both 21:21 Iomraidhean Croise

II Sam 18:17

Đe iŏk akâu Apsalôm klơ̆m lê̆ tơ lăm sơlŭng jrŭ tơ lăm bri, na dan hơdrom tơmo tơ kơpal sư minh pôi tih. Đĭ-đăng lu linh Isơrael kơdâu ôn brŏk tơ hnam lu sư kơdih.

Le 21:17

Bơngai bu blei hiap 'bă dah mĕ sư kơdih, đe gô sek pơlôch sư,

Tơdrông Pơđơk 30:17

Măt blei hiap 'bă, Kuă kơ chu yom nơ̆r mĕ sư, Sem ak đơ̆ng thŭng gô choh iŏk măt noh, Păng sem grơ̆ gô sa măt noh.

Lêwi 20:2

Ih athei khan kơ kon pơlei Isơrael. Tơdah bơngai bu lăm kon pơlei Isơrael dah bơngai tơmoi oei lăm char Isơrael jao minh 'nu kon hơ'lơ̆p sư ăn kơ yang Mơlŏk, a bơngai noh đe gô pơlôch sư, kon pơlei lăm char noh gô klơ̆m pơlôch sư hăm tơmo.

Lêwi 20:27

Bơngai drŏ-nglo dah drŏ-kăn pơm pơjâu dah pơm pơma hăm yang kơnê̆, đe gô pơlôch sư, klơ̆m sư păng tơmo, pham lu sư gô tuh tơ lu sư kơdih.

Lêwi 24:14

Chông ba bĕ bơngai mă hiap pơtê̆ lĕch tơ 'nguaih kơ gơđông, đĭ-đăng đe bu mă kơtơ̆ng sư athei dan ti lu sư 'bơ̆t kơ̆l bơngai noh păng ăn đĭ-đăng kon pơlei pơla klơ̆m pơlôch sư păng tơmo.

Lêwi 24:16

Bu pơma blông kơ anăn Kră Yang; đe gô pơlôch sư, kon pơlei gô klơ̆m sư păng tơmo. Mă khan bơngai đơ̆ng tơmoi nai, dah bơngai kon pơlei sư kơdih, mưh pơma blông kơ Anăn Kră Yang đe gô pơlôch đĭ.

Jo 15:25

'Bok soi gô soi sơmah huai iŏk đơ̆ng tơdrong yoch ăn kơ đĭ-đăng tơpôl kon pơlei Isơrael, lei na tơdrong yoch đĭ tơpôl kon pơlei noh gô mơnat ăn, yua kơ noh tơdrong yoch glăi hơch 'bơm păng kon pơlei đei anhăk ba 'bơ̆t anăp Kră Yang tơmam soi kơdih, wă khan tơmam soi yua ŭnh soh pơyơ̆r, hơdai hăm tơmam soi huai tơdrong yoch.

Jo 15:35

Kră Yang khan kơ Môis thoi âu: Bơngai 'nâu athei pơlôch, đĭ-đăng khŭl tơpôl akŭm athei klơ̆m tơmo kơ sư tơ đaih kơđông.

Jo 15:36

Thoi noh, na khŭl tơpôl akŭm chông sư tơ đaih kơ kơđông linh na klơ̆m sư păng tơmo, na sư lôch, thoi Kră Yang đei khan kơ Môis.

Both 13:12

Tơdah iĕm đei kơtơ̆ng ang minh lăm lu pơlei tih Kră Yang 'Bok Kei-Dei iĕm ăn kơ iĕm,

Both 13:5

Athei pơlôch bơngai khan lê̆ adrol dah bơngai juăt apo noh, yua kơ sư pơhlŭ pơtơm iĕm iung blah Kră Yang 'Bok Kei-Dei lu iĕm, Tơ'ngla mă chông ba lu iĕm lĕch đơ̆ng dêh Êyiptơ, dŏng pơklaih lu iĕm đơ̆ng pơm đĭch, bơngai noh kư̆m chă đon wă pơm kơ iĕm achăng lê̆ trong Kră Yang 'Bok Kei-Dei iĕm tơhlâu tơ'bôh ăn kơ iĕm trong wă rok kiơ̆, athei pơlôch lu bơngai pơm kơnê̆ wă tơhiong lê̆ tơdrong yoch đơ̆ng lăm lu iĕm.

Both 13:6

Tơdah đei 'nhŏng oh pôm mĕ 'bă, kon drŏ-nglo dah kon drŏ-kăn iĕm, akăn iĕm mă 'mêm kơeng, dah buăl juăt iĕm năm pơtơm pơhlŭ iĕm, khan: Bĕ bơ̆n năm kơkuh kơ yang nai, mă iĕm hăm lu 'bok iĕm kư̆m ưh tam băt,

Both 17:5

Na Iĕm athei chông ba bơngai drŏ-nglo dah drŏ-kăn mă pơm tơdrong kơnê̆ krưp noh 'bơ̆t 'măng jang pơlei, klơ̆m pơlôch sư păng tơmo.

Both 17:7

Lu bơngai drơ̆ng athei yơ̆r ti adrol hloh pơlôch bơngai noh, pơtrơp đơ̆ng rŏng kơ noh ti lu kon pơlei. Thoi noh, gô pơlôch pơgoh lê̆ lu tơdrong kơnê̆ đơ̆ng lăm kon pơlei iĕm.

Both 21:20

Mĕ 'bă gô roi ăn kơ lu kră pơlei khan: 'Nâu kon lu nhôn kơchu păng arăng kơ̆l dêh, ưh kơ mơ̆ng nơ̆r lu nhôn, bơtho khan, jing bơngai thông kư̆ kă, chă et suai ling-lang.

Both 22:21

Lei lu kră pơlei athei chông ba drŏ-kăn noh truh 'bơ̆t 'măng hnam 'bă sư, kon pơlei gô klơ̆m pơlôch drŏ-kăn noh hăm tơmo, yua kơ bơngai drŏ-kăn noh đei pơm tơdrong yoch kơnê̆ lăm Isơrael. Pơm pơyô ngôi kư̆ kă adrol kơ chă klo, kơplah sư oei lăm hnam 'bă sư. Thoi noh. Lu iĕm gô pơm rơgoh hŭt lê̆ tơdrong yoch kơnê̆ đơ̆ng lăm lu iĕm.

Both 22:24

Lu iĕm athei chông ba đĭ 'bar 'nu bơngai noh lĕch năm 'bơ̆t 'măng jang pơlei, na iŏk tơmo klơ̆m pơlôch măr sư; bơngai drŏ-kăn glăi yua kơ ưh kơ đei ôr krao lăm pơlei dŏng sư, bơngai drŏ-nglo glăi yua kơ pơm yoch hăm akăn bơngai nai; iĕm gô pơm rơgoh hŭt lê̆ tơdrong yoch kơnê̆ đơ̆ng lăm lu kon pơlei iĕm.