Both 20:8 - Sơ̆p Hlabơar Nơ̆r 'Bok Kei-Dei

⁸ Lu yŏng pơgơ̆r linh khan dơ̆ng hăm lu linh: Bơngai bu hli tơrơ? Brŏk bĕ tơ hnam sư, kơnh jơhngơ̆m 'nhŏng oh wang hơdai hli thoi sư mơ̆n,

Both 20:8 Iomraidhean Croise

Le 15:15

Lu kră pơgơ̆r Eđôm hli tơrơ rŭng răng dêh. Dôm lu kră pơgơ̆r char Môap dai hli tơtơ̆; Đĭ-đăng kon pơlei lăm char Kanaan jơhngơ̆m rŭng răng đĭ.

Tơdrông Pơđơk 24:10

Tơdah ih rơdu klai lăm năr đei tơdrong gleh, Noh tơdrong pran kơtang ih iĕ dêh.

Jo 13:31

Mă-lei lu bơngai drŏ-nglo năm hơdai Kalep khan: Lu bơ̆n ưh kơ kĕ năm blah iŏk char 'nâu đơ̆ng lu kon pơlei noh ôh, lu sư pran hloh kơtang hloh kơ lu bơ̆n.

Jo 32:9

Lu yă 'bok iĕm tŏk năm truh tơ thŭng kuĕl Êskôl, lăng 'bôh tơring char, na pơhlŭ pơm ăn kơ adrĕch Isơrael tơplih jơhngơ̆m kuă kơ năm mơ̆t tơ lăm dêh char mă Kră Yang ăn.

Luka 9:62

Na Yêsu khan kơ sư: “Bơngai bu wă rơuơ mir sư wă kơ tơpăt, sư 'noh ưh kơ hue-huo 'ma 'ngiĕo ôh. Na bơngai bu wă kiơ̆ Inh kư̆m athei adrin thoi noh mơ̆n. Tơ̆ng sư hue-huo 'ma 'ngiĕo lei sư ưh kơ trŏ kơ bơtho tơdrong 'Bok Kei-Dei pơgơ̆r kon bơngai ôh.”

I Kor 15:33

Iĕm 'nĕ kơ lui kơ lu bơngai wă pơlung iĕm, khan 'Bok Kei-Dei ưh kơ wă tơiung arih bơngai lôch, kơnh đơ̆ng bơngai 'lơ̆ng oei hơdai bơngai kơnê̆ sư jing kơnê̆ lei-lăi.

Both 1:28

Lu bơ̆n wă năm tơ yơ? 'Nhŏng oh lu bơ̆n pơm kơ lu bơ̆n hli na khan: Adrĕch noh tih păng kơjung hloh kơ lu bơ̆n; pơlei lu sư ei tih păng man dur kơjăp kơjung truh tơ plĕnh; tơ noh lu nhôn kư̆m 'bôh lu kon sâu kon pơlei Anakim tih kơjung.

Both 20:9

Lu yŏng pơgơ̆r linh pơma đang boih hăm lu linh, lu sư chă rơih pơm yŏng pơgơ̆r đĭ-đăng linh.

Both 23:9

Kơplah iĕm năm tơblah hăm lu bơngai ayăt kơ iĕm, athei kơchăng kơ tơdrong kơnê̆ 'mê̆-'mach.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”

Tơdrông Tơ'bôh 3:16

Yua kơ iĕm thoi đak tŏ lăp ŏ-ŏr na Inh gô kơ'môch tŭk đơ̆ng 'bơ̆r Inh.

Lu 7:3

Thoi noh lei na ih roi bĕ kơ kon pơlei pơla khan: Bơngai bu hli tơtăm weh bĕ đơ̆ng kông Gileat na wih bĕ tơ hnam. Thoi noh đei 'bar-jĭt 'bar-rơbâu 'nu bơngai wih brŏk oei pă mơjĭt-rơbâu 'nu bơngai.