Both 20:20 - Sơ̆p Hlabơar Nơ̆r 'Bok Kei-Dei

²⁰ Lu iĕm athei pơrăm păng kăl lu 'long ưh kơ đei plei sa; yua bĕ lu 'long noh pơm kơđông anih wă tơblah hăm pơlei, dĭng mă lu iĕm gơh mơ̆t blah iŏk.

Both 20:20 Iomraidhean Croise

II Pot 3:19

Gô jei iĕm pơrăm đĭ-đăng lu pơlei tih, kơđông kơjăp, lu pơlei tih rŏ kăl pơđĭ dôm lu 'long sa plei 'lơ̆ng, bơ̆ găn lê̆ lu tu đak păng iŏk tơmo hơtat pơrăm đĭ dôm lu chŭn teh 'lơ̆ng.”

II Ho 26:15

Lăm pơlei Jêrusalem pơtao athei lu bơngai hơgei hơjơ̆m pơm kơmăi wă prah 'brơ̆m păng prah tơmo tih, tah tơ rim hnam thôt păng tơ rim mum pơlei. Đe ư-ang kơ sư tơ jơ̆p dêh char tơ tơring ataih; yua kơ sư đei Kră Yang tơgŭm sư hlĭch chrơp tơpă dĭng sư pran kơtang tơpă.

Bôk Bơthô 9:14

Đei minh pôm pơlei iĕ, bơngai oei tŏ sĕt đĕch, đei minh 'nu pơtao mơdrŏng pran kơtang năm wă wang blah pơlei noh.

Êsai 37:33

Thoi noh Kră Yang khan gah pơtao Asiri thoi âu: “Sư gô ưh kơ mơ̆t ôh lăm pơlei tih âu, ưh kơ đei prah minh găr 'brơ̆m hră, tơ noh ưh kơ đei chĕp khêl kư̆m ưh kơ pơm anih kơjăp tăp dăr kơ pơlei wă tơblah hăm sư.

Je 33:4

'Nâu Kră Yang 'Bok Kei-Dei Isơrael khan: “Gah lu hnam lăm pơlei tih, hnam pơtao đe Juđa, pơrăm lê̆ boih, wă yua găn tơblah hăm đao gưm lu bơngai Babilôn.

Je 6:6

Kră Yang Tih Hloh đei khan: Kăl bĕ 'long, tuh teh bơ̆ dur na blah pơlei Jêrusalem! 'Nâu boih pơlei tih trŏ kơ phak bơtho sư; lăm pơlei tă kơ đei bơngai pơjuă pơđep ngăl,

Êsêkiên 17:17

Pơtao Pharaôn hăm lu linh nuih kơtang păng lu linh lơlang ưh kơ năm tơgŭm sư kơplah đei tơdrong tơblah, kơplah lu đe bơ̆ bơnơ̆, pơm dur tăp dăr wă wang blah pơlôch lơ bơngai.

Both 1:28

Lu bơ̆n wă năm tơ yơ? 'Nhŏng oh lu bơ̆n pơm kơ lu bơ̆n hli na khan: Adrĕch noh tih păng kơjung hloh kơ lu bơ̆n; pơlei lu sư ei tih păng man dur kơjăp kơjung truh tơ plĕnh; tơ noh lu nhôn kư̆m 'bôh lu kon sâu kon pơlei Anakim tih kơjung.

Both 20:19

Mưh lu iĕm wang dăr pơlei ayơ đunh wă 'maih tơgar iŏk, 'nĕ kơ iŏk sung kăl lu 'long plei sa pơlei noh, yua kơ lu iĕm gô phĕ sa plei 'long noh 'nĕ kơ kăl tŭk lê̆ lu 'long, yua kơ lu 'long 'nâu chăt lăm mir, ưh kơ bơngai mă lu iĕm wang;

Both 21:1

Tơdah lăm teh mă Kră Yang 'Bok Kei-Dei iĕm ăn kơ lu iĕm iŏk oei, đei 'bôh minh 'nu bơngai đe pơlôch, tơ'bĭch lăm chŭn, ưh kơ băt bơngai bu pơlôch,