Both 2:7 - Sơ̆p Hlabơar Nơ̆r 'Bok Kei-Dei

⁷ Yua kơ Kră Yang 'Bok Kei-Dei iĕm ăn pŭn hiôk dôm tơdrong jang đơ̆ng tơpang ti iĕm pơm; Sư băt boih kơ tơdrong lu iĕm năm rok char glă să âu, lăm puăn-jĭt sơnăm 'nâu, Kră Yang 'Bok Kei-Dei iĕm oei hăm iĕm boih; huay kơ kơ'bah kiơ ôh.

Both 2:7 Iomraidhean Croise

Bl 12:2

Inh gô ăn kơ ih jing minh adrĕch adrung tih, Inh gô ăn kơ ih pŭn hiôk, đe kư̆m gô ư-ang kơ ih, păng ih gô jing tơm kơ tơdrong pŭn hiôk,

Bl 24:35

Kră Yang đei ăn kơ yŏng tơ'ngla inh pŭn hiôk dêh, jing keh 'lơ̆ng; Kră Yang ăn kơ sư đei triu, Rơmo, hu hăm jên maih, đĭch đam drŏ-nglo drŏ-kăn, aseh lăk-đa hăm aseh iĕ.

Bl 26:12

Isăk choh jang lăm tơring noh; sơnăm noh sư đei kĕch yuă iŏk lơ hloh kơ adrol hrĕng wơ̆t, yua kơ Kră Yang ăn đei tơdrong pŭn hiôk.

Bl 30:27

La'ban tơl sư: Apơi rŏ kơ inh đei pŭn hiôk đơ̆ng mon! Inh tơchĕng băt nhen yua kơ đơ̆ng mon mă Kră Yang đei ăn kơ inh pŭn hiôk noh.

Bl 39:3

Yŏng tơ'ngla sư 'bôh đei Kră Yang tơgŭm tôm tơdrong jang sư, na tơdrong jang sư pơm keh 'lơ̆ng ngăl.

Bl 39:5

Đơ̆ng năr sư jao kơ Jôsep đĭ-đăng mŭk tơmam lăm hnam sư, na Kră Yang ăn hnam sư đei pŭn hiôk; yua kơ đơ̆ng Jôsep wei-lăng ei, Kră Yang kư̆m ăn pŭn kơ rim mŭk tơmam sư đei noh mơ̆n, mă khan tơmam lăm hnam dah tơ lăm mir chŭn.

Ne 9:21

Tơpă, Ih wei rong lu sư puăn-jĭt sơnăm lăm char glă; lu sư huay kơ lah kiơ ôh; hơbĕn ao lu sư kư̆m huay kơ so hiah păng jơ̆ng lu sư kư̆m huay kơ pơ'ngeh.

Jop 23:10

Mă-lei Kră Yang băt trong inh nơnăm; kơplah Kră Yang pơlong lăng inh, inh gô lĕch thoi maih.

Horiso 1:6

Yua kơ Kră Yang băt trong lu bơngai tơpăt, Mă-lei trong lu bơngai kơnê̆ gô hiong răm.

Horiso 107:4

Lu sư oei chă yak tơ lăm char 'blach. Yak trong bri brah chă trong wă mơ̆t oei tơ pơlei ưh kơ 'bôh,

Horiso 31:7

Inh gô chơt hiôk păng 'nă hal, Lăm tơdrong Ih 'mêm mơnat. Yua kơ Ih 'bôh boih tơdrong pơmat-tat inh, Băt boih kơ tơdrong bơhngol inh sơ'ngon.

Horiso 90:17

Apinh tơdrong mơnat đơ̆ng Kră Yang 'Bok Kei-Dei lu nhôn, oei hơdai lu nhôn; Apinh Ih pơm ăn mă kơjăp dôm tơdrong jang đơ̆ng ti lu nhôn. Tơpă, apinh Ih pơm ăn mă kơjăp tơdrong jang đơ̆ng ti lu nhôn pơm.

Le 16:35

Kon pơlei Isơrael sa mana lăm puăn-jĭt sơnăm, tơ̆p truh tơ lu sư mơ̆t oei tơ dêh Kanaan.

Je 2:2

“Năm roi bĕ tơ lăm đon kon pơlei Jêrusalem: ‘Inh 'blŏk kơ iĕm kơplah iĕm oei 'lơ̆p sơ̆, iĕm oei hơyuh 'mêm kơ Inh kơjăp thoi mŏ mai iĕm kiơ̆ Inh lăm char 'blach, tơ teh mă ưh kơ đei rei pơtăm.

Hôsia 13:5

Inh boih wei rong iĕm lăm char glă păng anih hrĕng kro sơ̆.

Am 2:10

Inh kư̆m chông iĕm lĕch đơ̆ng dêh Êyiptơ păng chông ba lu iĕm kơplah puăn-jĭt sơnăm lăm char glă wă ăn kơ lu iĕm đei teh jang sa đơ̆ng bơngai Amôrit.

Jo 1:1

Năr mônh khei 'bar, sơnăm mă 'bar, đơ̆ng rŏng kơ adrĕch bơngai Isơrael lĕch hlôi đơ̆ng char Êyiptơ, Kră Yang khan kơ Môis oei lăm Bơsŭn Anih Akŭm tơ Thŭng glă Sinai:

Jo 14:33

Lu kon sâu iĕm gô wei triu lăm char glă 'nâu lăm puăn-jĭt sơnăm lu sư gô pŭ iŏk tơdrong phak đơ̆ng lu iĕm ngôi kư̆ kă ưh kơ wă lui dĭng truh tơ lu iĕm pơ̆k lôch đĭ lăm char glă 'nâu.

Jo 14:34

Lu iĕm gô yak dăr lăng hơdôm năr wă khan puăn-jĭt năr păng lu iĕm gô pŭ iŏk tơdrong phak đơ̆ng yoch lu iĕm kơdih dôm yơ, wă khan puăn-jĭt sơnăm, minh sơnăm jô̆ thoi minh năr; kơplah noh lu iĕm băt boih kơ Inh achăng lê̆ iĕm.

Jo 22:12

Kră Yang 'Bok Kei-Dei khan kơ Balaam thoi âu: “Ih 'nĕ kơ năm hơdai lu sư, 'nĕ kơ hiap khŭl kon pơlei 'nâu yua kơ adrĕch kon pơlei 'nâu lu sư đei tơdrong pŭn hiôk.”

Jo 32:13

Thoi noh, tơdrong Kră Yang hil mĭl dêh kơ lu adrĕch bơngai Isơrael, na sư ăn kơ lu đe noh yak thông huang lăm char glă noh puăn-jĭt sơnăm, dĭng mă đĭ-đăng jơhnơr lu bơngai pơm kơnê̆ 'bơ̆t anăp Kră Yang lôch đĭ.

Luka 22:35

Na Yêsu khan kơ lu sư dơ̆ng: “Sơ̆ Inh wơh iĕm năm chă bơtho đe, na Inh khan kơ iĕm 'nĕ kơ chĕp ba jên, mă kơdŭng tah tơmam, dah chơkhŏ, na iĕm hăm kơ'bah kơ tơdrong kiơ ưh sơ̆?” Lu sư tơl: “Nhôn ưh kơ đei kơ'bah tơdrong kiơ ôh sơ̆.”

Yo 10:27

Dah iĕm triu Inh tơpă lei iĕm băt kơ 'bơ̆r Inh pơma hloi păng Inh kư̆m băt kơ iĕm mơ̆n, na iĕm kiơ̆ Inh hloi.

Both 1:19

Lu bơ̆n yak đơ̆ng Hôrêp năm rok hlôi kơ char glă să păng krưp dêh mă lu iĕm 'bôh boih. Rok tơklă kông groi kon pơlei Amôrit, kiơ̆ thoi Kră Yang 'Bok Kei-Dei bơ̆n đei pơkă kơ bơ̆n, đơ̆ng noh lu bơ̆n truh tơ Karđes Parnêa.

Both 1:46

Thoi noh lu iĕm oei tơ Kades đunh ưh kơ băt dang yơ!

Both 2:14

Thoi noh, măng năr lu nhôn, lĕch đơ̆ng Kades Barnêa, truh tơ năm hlôi kơ đak glung Sêret, đunh đei pêng-jĭt tơhngam sơnăm đĭ lăm minh chăl dĭng mah đĭ lu bơngai drŏ-nglo mă gơh pơm linh lôch đĭ đơ̆ng lăm kơđông, kư̆m thoi Kră Yang đei pơkă boih.

Both 2:6

Lu iĕm gô răt tơmam sa đơ̆ng lu sư hăm jên hu thoi noh lu iĕm đei tơmam sŏng sa, lu iĕm kư̆m gô răt đak nhă đơ̆ng lu sư hăm jên hu na lu iĕm đei đak nhă.

Both 29:4

Mă-lei truh tơ dang ei Kră Yang ưh tam ăn kơ lăm jơhngơ̆m lu iĕm hlôh băt, măt iĕm 'bôh păng đon iĕm kơtơ̆ng.

Both 29:5

Inh chông lu iĕm puăn-jĭt sơnăm boih lăm char glă ao lu iĕm ưh kơ so hiah, chơkhŏ lu iĕm 'bot tơ jơ̆ng ưh kơ huach luih.

Jôsuê 5:6

Kon pơlei Isơrael hlôi yak năm wih wơ̆t lăm char glă puăn-jĭt sơnăm, dĭng mah truh tơ kon drŏ-nglo lôch đĭ noh lu bơngai trŏ kơ pơm linh kơplah lu sư 'nao lĕch đơ̆ng char Êyiptơ, yua kơ ưh kơ chu kiơ̆ kơ nơ̆r Kră Yang. Yua kơ Kră Yang đei pơkă khan lu sư ưh kơ gơh 'bôh dêh char mă Kră Yang đei pơkă wă ăn kơ lu 'bok sư păng wă ăn kơ lu sư teh, đak sut đak toh.