Both 2:34 - Sơ̆p Hlabơar Nơ̆r 'Bok Kei-Dei

³⁴ Kơplah noh bơ̆n iŏk đĭ lu pơlei tih sư, pơrăm đĭ lu pơlei tih păng pơrăm đĭ-đăng drŏ-nglo, drŏ-kăn păng lu kon hơ'lơ̆p, ưh kơ đei lê̆ minh 'nu bu.

Both 2:34 Iomraidhean Croise

Both 3:6

Lu bơ̆n pơrăm goh đĭ lu sư, kư̆m thoi lu bơ̆n pơm boih kơ Sihôn, pơtao đe Hesbôn, pơrăm đĭ lu pơlei tih, lu bơngai drŏ-nglo, drŏ-kăn păng lu kon hơ'lơ̆p.

Both 7:2

Layơ Kră Yang 'Bok Kei-Dei jao lu adrĕch noh kơ iĕm păng iĕm blah pơrăm đĭ lu sư jei iĕm, kơplah noh iĕm athei pơlôch đĭ lu sư, 'nĕ kơ pơgơ̆p hơdai hăm lu sư păng kư̆m 'nĕ kơ mơnat kơ lu sư mơ̆n.

Both 7:26

'Nĕ kơ chĕp ba tơmơ̆t lăm hnam iĕm tơmam mă trŏ areh dêh noh, kơnh hli kơ iĕm wang dai lôch răm. Iĕm athei lăng areh krưp, yua kơ tơmam noh trŏ kơ wă pơrăm.

Jôsuê 10:28

Kơplah năr noh, Jôsuê đei blah iŏk pơlei Makkêđa, iŏk đao pơlôch pơtao, sư pơlôch đĭ lu bơngai lăm pơlei noh, ưh kơ đei bu oei arih, lu sư pơm kơ pơtao pơlei Makkêđa kư̆m thoi sư pơm kơ pơtao pơlei Jêrikô.

Jôsuê 10:40

Thoi noh Jôsuê blah iŏk đĭ pơlei đĭ tơring char, tơ gah tơring groi kông, tơring gah gơal, tơring gah groi bơmơ̆t. Tơring tơter kông krang gah hơlĕch păng lu pơtao kơ tơring noh, ưh kơ đei lê̆ bu oei arih, kiơ̆ thoi đơ̆ng nơ̆r Kră Yang 'Bok Kei-Dei Isơrael đei pơkă.

Jôsuê 11:14

Kon pơlei Isơrael iŏk kơdih lu tơmam păng sem dơrong mă lu sư đei blah iŏk đơ̆ng lăm pơlei noh, pơlôch pơrăm đĭ lu bơngai hăm đao gưm, pă đei lê̆ minh sem dơrong oei kiơ arih.

Jôsuê 6:21

Iŏk đao pơlôch đĭ bơngai lăm pơlei noh, drŏ-nglo, kră, hơ'lơ̆p, truh tơ sem dơrong: Rơmo, triu păng aseh iĕ.

Jôsuê 7:11

Bơngai Isơrael đei pơm tơdrong yoch boih, lu sư ưh kơ wă pơm kiơ̆ tơdrong pơgơ̆p mă Inh đei pơkă ăn kơ lu sư athei răk, lu sư iŏk bơih tơmam trŏ kơ pơyơ̆r păng pơrăm pơma hơlĕnh, lu sư tơtông iŏk tơmam noh tah lê̆ lăm kơdŭng lu sư kơdih,

Jôsuê 9:24

Lu sư tơl Jôsuê. Noh tơdrong mă lu đĭch đam ih băt hơđăl boih, Kră Yang 'Bok Kei-Dei iĕm đei khan kơ Môis, đĭch đam Sư gô ăn đĭ char âu kơ lu iĕm păng gô pơlôch đĭ-đăng kon pơlei 'bơ̆t anăp iĕm, na lu nhôn hli dêh, kơ iĕm pơrăm tơdrong arih lu nhôn, lei na lu nhôn pơm thoi noh.

I Sam 15:3

Thoi noh, na năm bĕ blah kon pơlei Amalek păng pơlôch pơđĭ lu sư sem dơrong lu sư. Lu iĕm ưh kơ gơh mơnat kơ lu sư, athei pơlôch đĭ drŏ-nglo drŏ-kăn, păng lu 'lơ̆p lu nge oei mŏm, rơmo triu, lăk-đa păng aseh iĕ.