Both 2:25 - Sơ̆p Hlabơar Nơ̆r 'Bok Kei-Dei

²⁵ Năr âu Inh gô pơm ăn kơ lu kon pơlei pơla mă oei lăm kơpal teh âu gô hli păng krưp dêh đei kơtơ̆ng roi gah iĕm, lu kon pơlei noh gô tơtơ̆ păng hli krưp dêh kơ iĕm.

Both 2:25 Iomraidhean Croise

Bl 35:5

Đơ̆ng noh lu sư pơtơm yak, Kră Yang 'Bok Kei-Dei pơm ăn kơ rim pơlei tăp dăr kơ noh đei tơdrong hli krưp, na lu đe huay kơ druh lu đe Jakôp.

I Ho 14:17

Anăn Đawit kơtơ̆ng ư-ang jơ̆p-jang kơ teh đak; Kră Yang pơm ăn kơ lu khŭl kon pơlei pơla hli kơ Đawit.

Horiso 105:38

Bơngai Êyiptơ chhôk hal dêh kơ Isơrael weh năm, Yua kơ lu sư hli krưp dêh kơ bơngai Isơrael.

Le 23:27

inh gô ăn tơdrong hli krưp Inh năm adrol, pơm kơ lu teh đak hơwơ̆l hơwang, pơm kơ lu ayăt kơ iĕm kơdâu đĭ mưh iĕm năm truh tơ yơ pơm kơ đe hli tơrơ.

Je 33:9

Pơlei âu gô ba anăn Inh đei ư-ang hiôk chơt, tơdrong bơnê, 'bơ̆t anăp đĭ adrĕch adrung kon bơngai lăm teh đak; lu sư gô kơtơ̆ng tơdrong 'lơ̆ng mă Inh ăn pŭn hiôk kơ lu bơngai Juđa păng bơngai Isơrael. Lu dêh noh gô tơrơ lăng krưp kơ tơdrong pŭn hiôk păng tơdrong hiôk-hian Inh ăn kơ pơlei âu.”

Jo 22:3

Lu bơngai Môap hli dêh kơ lu bơngai Isơrael yua kơ kon pơlei Isơrael lơ tơpă.

Both 11:25

Ưh kơ đei bơngai bu kĕ iung dơ̆ng blah 'bơ̆t anăp lu iĕm; Kră Yang 'Bok Kei-Dei lu iĕm gô pơm ăn kơ đe hli tơrơ kơ lu iĕm lăm jơ̆p kơ dêh lu iĕm juă, thoi Sư đei pơkă khan boih kơ lu iĕm.

Both 28:10

Lu kon bơngai kơpal teh gô 'bôh anăn Kră Yang păng lu sư gô hli kơ iĕm.

Jôsuê 10:2

Pơtao păng đĭ kon pơlei hli dêh, yua kơ pơlei Gibeôn pơlei tih, pơlei pơtao yŏng mơng tih hloh kơ pơlei Ahi, lu kon drŏ-nglo kon pơlei lu sư nuih pran kơtang.

Jôsuê 9:24

Lu sư tơl Jôsuê. Noh tơdrong mă lu đĭch đam ih băt hơđăl boih, Kră Yang 'Bok Kei-Dei iĕm đei khan kơ Môis, đĭch đam Sư gô ăn đĭ char âu kơ lu iĕm păng gô pơlôch đĭ-đăng kon pơlei 'bơ̆t anăp iĕm, na lu nhôn hli dêh, kơ iĕm pơrăm tơdrong arih lu nhôn, lei na lu nhôn pơm thoi noh.

Tơdrông Tơ'bôh 3:9

Lu đe mơ'nah khan lu sư bơngai Juđê, mă tơpă lu sư ưh kơ trŏ bơngai Juđê ôh, lu sư hơlĕnh đĕch; tơdrong lu sư chă akŭm, lu sư akŭm tơdrong yang Satan. Thoi noh na Inh gô ăn kơ lu sư sơtơ̆p kŭl-tăng 'bơ̆t anăp iĕm, na Inh gô bơtho lu sư tơdrong Inh 'mêm kơ iĕm.