Both 2:14 - Sơ̆p Hlabơar Nơ̆r 'Bok Kei-Dei

¹⁴ Thoi noh, măng năr lu nhôn, lĕch đơ̆ng Kades Barnêa, truh tơ năm hlôi kơ đak glung Sêret, đunh đei pêng-jĭt tơhngam sơnăm đĭ lăm minh chăl dĭng mah đĭ lu bơngai drŏ-nglo mă gơh pơm linh lôch đĭ đơ̆ng lăm kơđông, kư̆m thoi Kră Yang đei pơkă boih.

Both 2:14 Iomraidhean Croise

Horiso 106:26

Na Kră Yang yơ̆r ti pơkăm khan: “Sư gô pơrăm lu sư pơ̆k lôch tơ lăm char 'blach,

Horiso 90:15

Apinh Ih ăn kơ lu nhôn đei jơhngơ̆m chơt hiôk hơtŏ hơnơ̆ng kiơ̆ kơ năr mă Ih đei ăn kơ nhôn pơmat, Păng hơtŏ hơnơ̆ng kiơ̆ kơ sơnăm mă lu nhôn đei tơdrong hơnat hơnot

Horiso 90:3

Ih ăn kơ kon bơngai wih brŏk tơ 'mui teh, Ih khan: “Ơ kon bơngai, brŏk bĕ tơ 'mui teh.”

Horiso 90:9

Đơ̆ng ih hil, na măng năr lu nhôn hiong tôch đĭ. Sơnăm lu nhôn arih tôch thoi nơ̆r tơhôih dui jơhngơ̆m.

Horiso 95:11

Yua kơ noh na Inh hil păng pơkă khan: “Lu sư ưh kơ đei layơ mơ̆t pơdơh lăm tơdrong hiôk Inh.”

Êsêkiên 20:15

Mă-lei, Inh đei yơ̆r ti pơkăm pơkă hăm lu sư tơ lăm char glă thoi âu Inh ưh kơ chông ba lu sư năm tơ teh mă Inh wă ăn kơ lu sư, teh đak toh păng đak sut, noh teh ư-ang hloh kơ đĭ-đăng lăm char.

Jo 1:1

Năr mônh khei 'bar, sơnăm mă 'bar, đơ̆ng rŏng kơ adrĕch bơngai Isơrael lĕch hlôi đơ̆ng char Êyiptơ, Kră Yang khan kơ Môis oei lăm Bơsŭn Anih Akŭm tơ Thŭng glă Sinai:

Jo 13:26

Brŏk truh boih lu sư năm tơ Môis, Arôn păng đĭ khŭl adrĕch bơngai Isơrael, tơ Kades lăm char glă Pharan, lu sư roi ăn kơ bre sư păng đĭ-đăng kon pơlei băt păng tơ'bôh ăn plei 'long sa đơ̆ng lăm char noh.

Jo 32:11

Lu bơngai mă lĕch đơ̆ng dêh char Êyiptơ, iŏk đơ̆ng 'bar-jĭt sơnăm tơ kơpơ̆ng, gô ưh kơ 'bôh ôh dêh char mă Inh đei pơkă pơ'ngam wă ăn kơ Abraham, Isăk, Jakôp, yua kơ lu bơngai noh ưh kơ kiơ̆ Inh tơnăp,

I Kor 10:5

'Bok Kei-Dei tơgŭm lu sư dang noh ră mă-lei lu sư ưh kơ lui tơpă ôh, na 'Bok Kei-Dei ưh kơ lăp đon kơ lu sư. Thoi noh na 'Bok Kei-Dei ăn kơ lu sư lôch rah kơplah lu sư oei tơ char glă.

Both 1:19

Lu bơ̆n yak đơ̆ng Hôrêp năm rok hlôi kơ char glă să păng krưp dêh mă lu iĕm 'bôh boih. Rok tơklă kông groi kon pơlei Amôrit, kiơ̆ thoi Kră Yang 'Bok Kei-Dei bơ̆n đei pơkă kơ bơ̆n, đơ̆ng noh lu bơ̆n truh tơ Karđes Parnêa.

Both 1:2

Yak năm mơjĭt-mônh năr kơ trong đơ̆ng Hôrêp truh tơ Kades Barnêa, rok trong kông Seir.

Both 1:46

Thoi noh lu iĕm oei tơ Kades đunh ưh kơ băt dang yơ!

Both 2:13

Dang ei, iung bĕ năm tŏk thong đak glung Sêret. Thoi noh lu nhôn năm hlôi boih kơ thong đak glung Sêret.

Both 2:16

Đơ̆ng rŏng kơ lu bơngai pơm linh hlôi tôch hiong đĭ boih đơ̆ng kon pơlei;

Both 2:7

Yua kơ Kră Yang 'Bok Kei-Dei iĕm ăn pŭn hiôk dôm tơdrong jang đơ̆ng tơpang ti iĕm pơm; Sư băt boih kơ tơdrong lu iĕm năm rok char glă să âu, lăm puăn-jĭt sơnăm 'nâu, Kră Yang 'Bok Kei-Dei iĕm oei hăm iĕm boih; huay kơ kơ'bah kiơ ôh.

Jôsuê 24:7

Mă-lei, 'bok yă lu iĕm krao apinh Kră Yang dŏng, Kră Yang ăn đei măng mu lăm lu kon pơlei Êyiptơ hăm lu iĕm, Kră Yang ăn đak dơsĭ lơ̆p bơngai Êyiptơ păng măt lu iĕm 'bôh boih Inh pơm kơ lu bơngai Êyiptơ. Păng lu iĕm mă oei arih đunh tơ lăm char glă.

Jôsuê 5:4

Jôsuê kăt tơdra akar kơ lu sư yua kơ lu kon tơdăm trŏ kơ pơm linh lei, kơplah lu sư lĕch đơ̆ng dêh Êyiptơ, lôch rah rok trong lăm char glă đơ̆ng rŏng kơ lu sư lĕch hlôi đơ̆ng char Êyiptơ.

Jôsuê 5:6

Kon pơlei Isơrael hlôi yak năm wih wơ̆t lăm char glă puăn-jĭt sơnăm, dĭng mah truh tơ kon drŏ-nglo lôch đĭ noh lu bơngai trŏ kơ pơm linh kơplah lu sư 'nao lĕch đơ̆ng char Êyiptơ, yua kơ ưh kơ chu kiơ̆ kơ nơ̆r Kră Yang. Yua kơ Kră Yang đei pơkă khan lu sư ưh kơ gơh 'bôh dêh char mă Kră Yang đei pơkă wă ăn kơ lu 'bok sư păng wă ăn kơ lu sư teh, đak sut đak toh.

Ju 1:5

Dôm tơdrong lu kră sơ̆ iĕm băt boih, mă inh wă tơ'blŏk kơ iĕm dơ̆ng. Sơ̆ 'Bok Kei-Dei dŏng pơklaih lu bơngai Isơrael đơ̆ng dêh Êyiptơ, mă-lei đơ̆ng rŏng kơ noh, Sư kư̆m đei pơlôch lu bơngai Isơrael mơ'nah ưh kơ chu lui.