Both 19:6 - Sơ̆p Hlabơar Nơ̆r 'Bok Kei-Dei

⁶ Dah bơngai wă tơiung kơting, blĕk dêh na druh bơngai mă pơlôch đe noh, yua kơ trong ataih dêh, druh tam na koh pơlôch hloi bơngai noh, mă khan bơngai noh ưh tam trŏ pơlôch ră, ưh kơ đei tơdrong đơ̆ng adrol ki sơ̆, sư tam lah chă tơhil areh băl hăm lu rông 'bôt sư.

Both 19:6 Iomraidhean Croise

II Sam 14:7

Na dang ei đĭ-đăng lu 'nhŏng oh lu sư iung ayăt hăm inh đam drŏ-kăn ih, lu sư khan: ‘Pơjao ăn bơngai pơlôch oh sư lê̆ kơ nhôn pơlôch sư, wă iung kơting pham kơ oh sư, mă khan sư bơngai pơtrơp ioi, lu bơ̆n kư̆m gô pơlôch sư!’ Na sư gô pĭt tŭk ngar ŭnh ngŭr oei oei, wă kơ klo inh ưh pă đei anăn păng bơngai pơtrơp ioi, adrĕch adrung kơpal teh.”

Jo 35:12

Lu pơlei tih noh wă yua pơm pơlei ăn kơ lu bơngai mă đe wă pơlôch kơdâu ôn kơ lu bơngai wă pơlôch 'mong tơiung kơting, wă kơ lu bơngai đe wă pơlôch noh huay kơ lôch dĭng truh tơ năr năm 'bơ̆t anăp khŭl tơpôl sek tơlang.

Both 19:5

Pơtih gia thoi bơngai noh năm hơdai buăl sư mơ̆t tơ lăm bri kăl 'long ŭnh, ti sư oei kăl 'long ŭnh, na pla sung tơgloh 'bơm buăl sư, lôch hloi, na sư kơdâu ôn kơ'nơp akâu sư minh lăm pêng tŏ pơlei 'nâu, wă pơklaih tơdrong arih sư;

Both 19:7

Yua kơ thoi noh inh bơtho khan kơ iĕm: Klah lê̆ pêng tŏ pơlei âu.

Both 21:22

Tơdah minh 'nu bơngai bu pơm yoch tih trŏ kơ lôch, na đe pơlôch sư hloi păng hrek atol sư tơ 'long gơ̆ng,

Jôsuê 20:5

Tơdah lu bơngai mă wă pơlôch 'mong iung kơting druh 'moi sư, lu kră pơlei noh ưh kơ rôp jao bơngai mă pơlôch đe noh ôh, yua kơ bơngai noh pơlôch tơduă rông 'bôt sư, hăm tơdrong ưh kơ đei hơch 'bơm, ưh kơ đei chă tơhil klai areh băl adrol ôh,