Both 19:5 - Sơ̆p Hlabơar Nơ̆r 'Bok Kei-Dei

⁵ Pơtih gia thoi bơngai noh năm hơdai buăl sư mơ̆t tơ lăm bri kăl 'long ŭnh, ti sư oei kăl 'long ŭnh, na pla sung tơgloh 'bơm buăl sư, lôch hloi, na sư kơdâu ôn kơ'nơp akâu sư minh lăm pêng tŏ pơlei 'nâu, wă pơklaih tơdrong arih sư;

Both 19:5 Iomraidhean Croise

II Pot 6:4

Thoi noh sư năm hĭ hăm lu đĭch đam sư. Truh tơ krong Jôrđăn, lu sư 'nao pơtơm wă kăl 'long.

Tơdrông Pơđơk 27:12

Bơngai gơh hơgei đei tơdrong gleh băt weh ôn. Bơngai kơtul kơwao kư̆ năm tơ anăp, răp pŭ răm.

Êsai 32:2

Rim 'nu bơngai nhen thoi anih kơ'nơp kơ kial, thoi anih pĕng kơ hơbŭt, nhen glung đak ro lăm anih hrĕng kro, nhen thoi yơ̆p tơmo tih lăm teh đak kro krĕnh.

Jo 35:25

Khŭl tơpôl kon pơlei athei dŏng tơgŭm pơklaih lu bơngai mă pơlôch đe đơ̆ng ti lu bơngai wă iung kơting păng athei bơngai noh brŏk tơ pơlei tih ôn kơ'nơp, tơ anih mă sư đei kơdâu ôn akâu; păng bơngai noh athei oei tơ noh hloi dĭng truh tơ năr 'bok soi tơm mă đe đei tuh đak rơmă tơ kơ̆l sư noh lôch 'mơ̆i.

Both 19:4

'Nâu boih tơdrong juăt kơ lu bơngai pơlôch bơngai ôn kơ'nơp tơ noh wă kơ gơh pơklaih tơdrong arih sư kơdih, bơngai bu hơch 'bơm pơlôch ưh kơ pơrơ̆ng, ưh kơ đei chă areh băl adrol.

Both 19:6

Dah bơngai wă tơiung kơting, blĕk dêh na druh bơngai mă pơlôch đe noh, yua kơ trong ataih dêh, druh tam na koh pơlôch hloi bơngai noh, mă khan bơngai noh ưh tam trŏ pơlôch ră, ưh kơ đei tơdrong đơ̆ng adrol ki sơ̆, sư tam lah chă tơhil areh băl hăm lu rông 'bôt sư.