Both 19:19 - Sơ̆p Hlabơar Nơ̆r 'Bok Kei-Dei

¹⁹ Lei ih athei pơm kơ sư thoi sư đei pơm kơ 'nhŏng oh sư; lu iĕm athei pơm rơgoh tơdrong yoch đơ̆ng lăm kon pơlei iĕm thoi noh.

Both 19:19 Iomraidhean Croise

Tơdrông Pơđơk 19:5

Bơngai kơdranh hơlĕnh ưh kơ gơh klĕnh ôh đơ̆ng tơdrong phak; Bơngai pơma hơlĕnh kư̆m ưh kơ gơh klĕnh klaih.

Tơdrông Pơđơk 19:9

Bu pơm kơdranh hơlĕnh ưh kơ klĕnh hlôi ôh đơ̆ng phak. Bu pơma hơlĕnh gô hiong răm.

Je 14:15

Thoi noh Kră Yang khan: “Gah lu bơngai mă khan lê̆ adrol hơlĕnh, lu sư yua anăn Inh na khan lê̆ adrol Inh ưh kơ đei wơh, mă-lei lu sư khan. ‘Đao gưm hăm pơngot rơwĕt ưh kơ truh tơ dêh char âu ôh.’ Lu bơngai khan lê̆ adrol noh boih gô lôch kơ đao gưm păng pơngot rơwĕt.

Da 6:24

Kiơ̆ thoi pơtao đei athei, dôm lu bơngai đêl kêng Đaniel noh hăm lu kon akăn sư, athei đe klơ̆m lê̆ tơ lăm sơlŭng dăm-brang noh. Lu sư tam mă truh tơ kơđĕl sơlŭng ră mă-lei kơplah noh lu dăm-brang plŏng rôp hek hok kơting đĭ hloi.

Da 6:25

Đơ̆ng noh, pơtao Đarius chih tơbăt ăn kơ đĭ-đăng kon pơlei pơla, tơ jơ̆p dêh char, tơ rim adrĕch, rim nơ̆r pơma kơpal teh thoi âu: Hơpơi kơ lu iĕm đei tơdrong pŭn hiôk rai dêh.

Both 13:5

Athei pơlôch bơngai khan lê̆ adrol dah bơngai juăt apo noh, yua kơ sư pơhlŭ pơtơm iĕm iung blah Kră Yang 'Bok Kei-Dei lu iĕm, Tơ'ngla mă chông ba lu iĕm lĕch đơ̆ng dêh Êyiptơ, dŏng pơklaih lu iĕm đơ̆ng pơm đĭch, bơngai noh kư̆m chă đon wă pơm kơ iĕm achăng lê̆ trong Kră Yang 'Bok Kei-Dei iĕm tơhlâu tơ'bôh ăn kơ iĕm trong wă rok kiơ̆, athei pơlôch lu bơngai pơm kơnê̆ wă tơhiong lê̆ tơdrong yoch đơ̆ng lăm lu iĕm.

Both 13:6

Tơdah đei 'nhŏng oh pôm mĕ 'bă, kon drŏ-nglo dah kon drŏ-kăn iĕm, akăn iĕm mă 'mêm kơeng, dah buăl juăt iĕm năm pơtơm pơhlŭ iĕm, khan: Bĕ bơ̆n năm kơkuh kơ yang nai, mă iĕm hăm lu 'bok iĕm kư̆m ưh tam băt,

Both 17:7

Lu bơngai drơ̆ng athei yơ̆r ti adrol hloh pơlôch bơngai noh, pơtrơp đơ̆ng rŏng kơ noh ti lu kon pơlei. Thoi noh, gô pơlôch pơgoh lê̆ lu tơdrong kơnê̆ đơ̆ng lăm kon pơlei iĕm.

Both 19:20

Wă kơ lu bơngai kơtơ̆ng tơdrong noh gô hli, ưh pă pơm kơnê̆ chă jâu băl dơ̆ng lăm lu iĕm.

Both 22:21

Lei lu kră pơlei athei chông ba drŏ-kăn noh truh 'bơ̆t 'măng hnam 'bă sư, kon pơlei gô klơ̆m pơlôch drŏ-kăn noh hăm tơmo, yua kơ bơngai drŏ-kăn noh đei pơm tơdrong yoch kơnê̆ lăm Isơrael. Pơm pơyô ngôi kư̆ kă adrol kơ chă klo, kơplah sư oei lăm hnam 'bă sư. Thoi noh. Lu iĕm gô pơm rơgoh hŭt lê̆ tơdrong yoch kơnê̆ đơ̆ng lăm lu iĕm.

Both 22:24

Lu iĕm athei chông ba đĭ 'bar 'nu bơngai noh lĕch năm 'bơ̆t 'măng jang pơlei, na iŏk tơmo klơ̆m pơlôch măr sư; bơngai drŏ-kăn glăi yua kơ ưh kơ đei ôr krao lăm pơlei dŏng sư, bơngai drŏ-nglo glăi yua kơ pơm yoch hăm akăn bơngai nai; iĕm gô pơm rơgoh hŭt lê̆ tơdrong yoch kơnê̆ đơ̆ng lăm lu kon pơlei iĕm.

Both 24:7

Tơdah đei bơngai bu rôp tơtông iŏk lu 'nhŏng oh iĕm bơngai Isơrael păng rôp pơm đĭch, dah rôp tĕch, lei bơngai tơtông noh athei pơlôch. Lu iĕm athei hơpuih pơgoh lê̆ tơdrong kơnê̆ đơ̆ng lăm lu iĕm.