Both 19:15 - Sơ̆p Hlabơar Nơ̆r 'Bok Kei-Dei

¹⁵ Kơtơ̆ng đơ̆ng minh 'nu bơngai pơm kơdranh ưh tam gơh ôh wă jô̆ kơ bu khan yoch mă khan sư pơm glăi dêh dah sư đei pơm glăi tơdrong kiơ; athei đei 'bar dah pêng 'nu bơngai pơm kơdranh, lei na gơh jô̆ sư glăi.

Both 19:15 Iomraidhean Croise

I Pot 21:10

Athei ăn 'bar 'nu bơngai pơm kơdranh hơlĕnh hơ-oei 'bơ̆t anăp sư, 'bar 'nu pơm kơdranh hơlĕnh khan. Nabôt hiap Kră Yang 'Bok Kei-Dei păng hiap pơtao. Đang kơ noh athei dui tơlĕch sư tơ jih pơlei klơ̆m pơlôch sư păng tơmo.”

I Pot 21:13

Đơ̆ng noh ăn 'bar 'nu bơngai hơ-oei 'bơ̆t anăp Nabôt; na jâu sư 'bơ̆t anăp kon pơlei pơla khan: “Nabôt hiap Kră Yang 'Bok Kei-Dei păng hiap pơtao.” Na lu sư dui Nabôt lĕch tơ jih pơlei klơ̆m pơlôch sư păng tơmo.

Jo 35:30

Tơdah đei bơngai bu pơlôch bơngai, lu iĕm kư̆ rôp sek kiơ̆ kơ đơ̆ng đe roi khai kơ sư na gơh pơlôch sư; mă-lei dah lăp minh 'nu bơngai đĕch roi, lei ưh tam gơh pơlôch bu ôh.

Mathiơ 18:16

Dah sư ưh kơ chu kơ nơ̆r iĕm khan, lei iĕm krao 'bar pêng 'nu 'nhŏng oh bơngai lui năm kiơ̆ mơ̆ng biĕm pơma băl, wă kơ lu bơngai mă kiơ̆ mơ̆ng biĕm noh, băt kơ tơdrong iĕm pơma dih băl noh thoi yơ.

Yo 7:51

“Kiơ̆ kơ tơdrong juăt bơ̆n, ưh kơ gơh phak đe ôh dah lu kră tam mă mơ̆ng păng sek tơlang bơngai mă đe jâu noh, yua kơ bơ̆n ưh kơ băt sư pơm 'lơ̆ng ră dah sư pơm yoch.”

Yo 8:17

Lăm tơdrong juăt iĕm, đei chih thoi âu: Dah đei bơngai đe wă sek tơlang, bơngai đe wă sek tơlang noh sư athei đei 'bar 'nu pơma bơ̆ng sư 'mơ̆i wă kơ đe băt sư pơma tơpăt dah ưh.

II Kor 13:1

Wă pêng 'măng kơ âu boih inh năm tơ iĕm, mă-lei ưh kơ sĭ năm chă jâu đe kư̆ kă ôh; tơ̆ng 'bar pêng 'nu 'bôh sư pơm yoch tơpă, na gơh pơma kơ sư.

Both 17:6

Athei kiơ̆ nơ̆r 'bar dah pêng 'nu bơngai pơm kơdranh drơ̆ng khan trŏ kơ pơlôch bơngai noh; ưh kơ gơh pơlôch bơngai bu tơdah đei lăp minh 'nu đĕch khan.

I Tim 5:19

Dah đe jâu kơnê̆ kơ kră wei-lăng bơngai lui, ih 'nĕ kơ mơ̆ng sư hŏ, dah minh 'nu bơngai đĕch jâu sư. Dah lu sư 'bar pêng 'nu wă pơma thoi noh tơpă, 'noh ih gơh mơ̆ng păng jet hloi lu sư khan: “Tơdrong kiơ iĕm jâu sư?”

Hêbrơ 10:28

Bơngai bu pơm yoch kơ tơdrong juăt Môis pơkă, đei 'bar pêng 'nu bơngai kư̆m 'bôh sư pơm yoch tơpă, bơngai noh đe athei pơlôch sư, ưh kơ gơh mơnat ăn kơ sư arih ôh.