Both 19:13 - Sơ̆p Hlabơar Nơ̆r 'Bok Kei-Dei

¹³ Iĕm 'nĕ lăng khan mơnat kơ bơngai pơlôch đe, mă-lei athei pơlôch lê̆ lu bơngai pơlôch đe ưh kơ pơm yoch đơ̆ng dêh Isơrael, wă kơ lu iĕm đei pŭn hiôk.

Both 19:13 Iomraidhean Croise

Bl 9:6

Thoi noh bơngai bu mă pơlôch đe, na kư̆m đei đe nai pơlôch sư, yua kơ Kră Yang 'Bok Kei-Dei pơjing lu iĕm hơbŏ thoi rup sư.

II Sam 14:7

Na dang ei đĭ-đăng lu 'nhŏng oh lu sư iung ayăt hăm inh đam drŏ-kăn ih, lu sư khan: ‘Pơjao ăn bơngai pơlôch oh sư lê̆ kơ nhôn pơlôch sư, wă iung kơting pham kơ oh sư, mă khan sư bơngai pơtrơp ioi, lu bơ̆n kư̆m gô pơlôch sư!’ Na sư gô pĭt tŭk ngar ŭnh ngŭr oei oei, wă kơ klo inh ưh pă đei anăn păng bơngai pơtrơp ioi, adrĕch adrung kơpal teh.”

II Sam 21:1

Lăm chăl Đawit đei pơngot rơwĕt tih truh tơ pêng sơnăm. Pơtao Đawit krao apinh Kră Yang; Kră Yang tơl: “Tơdrong pơngot rơwĕt truh yua kơ Sôl păng hnam dơnŏ sư đei hre pham, yua kơ Sôl đei pơlôch lu bơngai Gibeôn.”

II Sam 21:14

Chĕp ba 'bŭ hơdai hăm kơting pơtao Sôl păng Jônathan kon pơtao, tơ Sêla lăm teh đak Bênjamin lăm bơsat Kis 'bă pơtao Sôl. Đơ̆ng rŏng kơ lu sư jang keh dôm tơdrong pơtao pơkă, Kră Yang 'Bok Kei-Dei tơl tơwih nơ̆r pơtao krao apinh păng tuh tơdrong pŭn hiôk ăn kơ teh đak.

I Pot 2:31

Pơtao Sôlômôn khan: “Pơm bĕ thoi sư nơ̆r khan. Pơlôch sư păng 'bŭ sư, lei na inh păng hnam 'bă inh huay pă pŭ boih pham mă Jôap tuh tơdrong kơ đei.

Êsêkiên 16:5

Ưh kơ đei bu lăng păng mơnat kơ ih, pơm tôm tơdrong noh kơ ih; đe klơ̆m tŭk ih tơ 'nguaih bri brah, yua kơ lăng ih krưp dêh năr 'nao tơpŭ kơ ih.

Lêwi 24:17

Bu mă pơlôch minh 'nu bơngai, đe gô pơlôch sư mơ̆n.

Lêwi 24:21

Bơngai bu pơlôch kon sem brem sư athei 'mong, na bơngai bu pơlôch bơngai đe gô pơlôch sư.

Jo 35:31

Lu iĕm 'nĕ kơ iŏk jên đơ̆ng lu bơngai pơlôch đe ăn wă huai tơdrong arih sư mă đe sek trŏ kơ wă pơlôch.

Both 13:8

Na iĕm 'nĕ kơ chu kiơ̆ sư, kư̆m 'nĕ kơ mơ̆ng sư, kư̆m 'nĕ kơ mơnat; păng kư̆m 'nĕ kơ bơwei dah dŏng lu sư.

Both 19:12

Na lu kră pơlei sư wơh athei đe rôp bơngai noh đơ̆ng pơlei ôn kơ'nơp na pơjao ăn kơ lu bơngai pơm 'mong pham pơlôch bơngai noh.

Both 19:21

'Nĕ khan mơnat, tơdrong arih 'mong tơdrong arih, măt 'mong măt, hơnĕnh 'mong hơnĕnh, ti 'mong ti, jơ̆ng 'mong jơ̆ng.

Both 21:9

Lu iĕm gô rơgoh 'lơ̆ng tơpăt 'bơ̆t anăp Kră Yang, na tơdrong tuh pham ưh kơ đei tơdrong yoch 'nâu pă đei tơpŭ kơ iĕm.

Both 25:12

Na iĕm ih athei chơ̆ng lê̆ ti bơngai drŏ-kăn noh; 'nĕ mơnat kơ sư.

Both 7:16

Iĕm athei pơrăm lê̆ đĭ lu adrĕch mă Kră Yang 'Bok Kei-Dei iĕm jao ăn kơ iĕm boih kư̆m 'nĕ kơ mơnat kơ lu sư păng kư̆m 'nĕ kơ kơkuh kơ lu yang sư; yua kơ tơdrong noh gô pơm hơđong hơ'năk kơ iĕm.

Both 7:2

Layơ Kră Yang 'Bok Kei-Dei jao lu adrĕch noh kơ iĕm păng iĕm blah pơrăm đĭ lu sư jei iĕm, kơplah noh iĕm athei pơlôch đĭ lu sư, 'nĕ kơ pơgơ̆p hơdai hăm lu sư păng kư̆m 'nĕ kơ mơnat kơ lu sư mơ̆n.