Both 18:3 - Sơ̆p Hlabơar Nơ̆r 'Bok Kei-Dei

³ 'Nâu boih mă tơmam 'măn kơ lu 'bok soi gơh iŏk yua mưh kon pơlei pơyơ̆r tơmam soi minh pôm, rơmo tơno dah triu akăn; minh pah hơngiĕng dah meng tơ'bong păng hlŭng klak.

Both 18:3 Iomraidhean Croise

Le 29:27

Thoi noh ih athei iŏk 'nhĕm kơtơh păng blu kon triu tơno yua pơm tơmam soi tơpơng 'ma 'ngiĕo, pơm pơchĕp ăn jing 'bok soi kơ 'bok Arôn, hăm dôm lu kon drŏ-nglo sư, wă khan 'nhĕm kơtơh pơyơ̆r 'ma 'ngiĕo boih păng blu yua kơ noh jing tơmam soi pơyơ̆r.

Le 29:28

Tơmam soi 'nâu, đơ̆ng bơngai Isơrael pơyơ̆r ăn kơ Arôn hăm lu kon drŏ-nglo sư sa 'nâu tơmam soi pơyơ̆r đơ̆ng lu bơngai Isơrael pơyơ̆r 'blŏk bơnê hiôk-hian, ăn kơ Kră Yang.

Lêwi 22:7

Đang kơ 'năr mơ̆t bơih, sư jing rơgoh lei na gơh sa tơmam rơgoh yua kơ tơmam noh tơmam sa sư.

Jo 18:11

Tơmam 'nâu kư̆m 'măn kơ ih. Tơmam ayơ mă bơngai Isơrael pơyơ̆r tơpơng 'ma 'ngiĕo, na 'nâu tơdrong juăt yua ling-lang ăn kơ ih păng lu kon drŏ-nglo kon drŏ-kăn ih. Bơngai mă 'lơ̆ng rơgoh oei lăm hnam ih gơh sa tơmam noh.

Jo 18:12

Inh kư̆m đei ăn kơ ih dôm tơmam bơngai Isơrael pơyơ̆r plei blŭng-a kơ Kră Yang, đĭ-đăng pơyơ̆r tơmam blŭng-a, sik hơmu păng 'ba tơ'bâu iŏk lu 'lơ̆ng hloh.

Both 12:27

Tơ noh lu iĕm pơyơ̆r 'nhĕm păng pham pơm tơmam soi 'buh kơpal chơnang soi Kră Yang 'Bok Kei-Dei iĕm; mưh wă pơyơ̆r tơmam nai, iĕm tuh dan pham kơpal chơnang soi Kră Yang 'Bok Kei-Dei iĕm, na 'nhĕm noh iĕm gơh sa.