Both 18:20 - Sơ̆p Hlabơar Nơ̆r 'Bok Kei-Dei

²⁰ Tơdah đei bơngai khan lê̆ adrol đei jơhngơ̆m pơang yua anăn Inh pơma dôm tơdrong kiơ mă Inh ưh kơ athei sư pơma, dah yua anăn lu yang nai, na lu bơngai thoi noh trŏ kơ pơlôch.

Both 18:20 Iomraidhean Croise

I Pot 13:19

Thoi ei bơngai mă Kră Yang 'Bok Kei-Dei yua ei chu kiơ̆, sŏng sa nhă đak tơ hnam sư.

I Pot 18:19

Thoi noh ih athei bĕ đe năm krao akŭm đĭ-đăng lu bơngai Isơrael, tơ'bơ̆p inh tơ kông Karmel păng puăn-hrĕng pơđăm-jĭt 'nu lu bơngai khan lê̆ adrol gah yang Baal, păng puăn-hrĕng 'nu lu bơngai khan lê̆ adrol yang Asêra păng lu bơngai sŏng sa tơ gơ'bang Jêsebel.

I Pot 18:27

Truh năr dơ̆ng bơih Êli che bơle kơ lu sư khan: “Iĕm krao mă rơ̆n wăi, sư yang tơpă wăi. Băt Sư oei tơchĕng, băt sư oei krŭl tơ nai păng băt sư oei chă ngôi tơ ataih, dah mă oei tep, iĕm râu sư wăi.

I Pot 18:40

Êli khan kơ lu sư: “Rôp bĕ đĭ lu bơngai khan lê̆ adrol gah yang Baal, 'nĕ kơ ăn minh 'nu bơngai ayơ klaih.” Lu sư rôp hloi lu bơngai 'noh. Êli chông ba lu sư jur tơ thong đak Kisôn păng pơlôch đĭ lu sư tơ noh.

Je 2:8

Lu 'bok soi ưh pă jet: ‘Tơ yơ Kră Yang?’ Lu 'bok bơtho khôi juăt ưh pă băt kơ Inh dơ̆ng. Lu bơngai pơgơ̆r blah Inh. Lu 'bok khan lê̆ adrol yua anăn yang Baal na khan lê̆ adrol, kiơ̆ lu yang nai ưh kơ đei yua kiơ.

Je 23:30

Kră Yang khan. Thoi noh na 'nâu Inh gô blah lu bơngai khan lê̆ adrol mă tơtông iŏk băl nơ̆r inh đơ̆ng tơduă lu sư na khan nơ̆r Inh.

Je 23:31

Kră Yang khan: “'Nâu Inh gô blah lu bơngai khan lê̆ adrol, mă yua hơpiĕt lu sư kơdih khan: ‘'Nâu nơ̆r Kră Yang khan!’

Je 26:11

Lu 'bok soi, lu 'bok khan lê̆ adrol, pơma hăm lu kră pơgơ̆r păng đĭ-đăng kon pơlei pơla khan: Bơngai âu trŏ kơ pơlôch, yua kơ sư đei pơma khan lê̆ adrol wă pơm kơ pơlei âu, đon lu iĕm đei kơtơ̆ng boih.

Je 27:15

Kră Yang khan: “Inh ưh kơ đei wơh lu sư, lu sư yua anăn Inh khan lê̆ adrol hơlĕnh. Tơdah lui kơ lu sư Inh gô pơpuh tơweh lu iĕm păng pơlôch pơđĭ lu iĕm păng lu bơngai khan lê̆ adrol noh.”

Êsêkiên 13:6

Lu sư 'bôh tơdrong tơ'bôh hơlĕnh păng pơm pơjâu tơwir ưh kơ trŏ; lu sư khan Kră Yang khan thoi âu, mă-lei Kră Yang ưh kơ đei wơh lu sư; na lu sư hơpơi wă kơ nơ̆r lu sư khan noh gô đei sĭt.

Sa 13:2

Kră Yang Tih Hloh khan thoi âu: “Lăm năr noh kư̆m đei tơdrong truh, Inh gô tơhiong lê̆ đĭ dôm lu anăn rup yang đơ̆ng lăm teh đak, wă kơ lu sư ưh pă đei bu 'blŏk dơ̆ng; Inh kư̆m gô pơm kơ lu 'bok khan lê̆ adrol păng yang kơnê̆ 'mê̆-'mach weh lĕch đơ̆ng teh đak âu.

Sa 13:3

Đơ̆ng âu tơ anăp tơdah bu mă oei khan lê̆ adrol, na mĕ 'bă lu sư bơngai tơpŭ kơ lu sư, gô khan kơ lu sư thoi âu: ‘E ưh pă arih boih yua kơ e yua anăn Kră Yang pơma hơlĕnh.’ Mĕ 'bă lu sư gô 'bet sư tơdah sư khan lê̆ adrol.

Mathiơ 7:15

“Iĕm kơchăng kơ lu bơngai hơlĕnh khan sư bơngai pơtruh nơ̆r 'Bok Kei-Dei. Lu sư bơngai 'bơ̆r đak klak ŭnh. Bơ̆n lăng gah 'ngoaih sư hơbŏ dim thoi triu, mă-lei lăm to sư dang kŏ-so 'maih chă kăp đe.

Both 13:6

Tơdah đei 'nhŏng oh pôm mĕ 'bă, kon drŏ-nglo dah kon drŏ-kăn iĕm, akăn iĕm mă 'mêm kơeng, dah buăl juăt iĕm năm pơtơm pơhlŭ iĕm, khan: Bĕ bơ̆n năm kơkuh kơ yang nai, mă iĕm hăm lu 'bok iĕm kư̆m ưh tam băt,

Both 17:12

Bơngai bu, ưh kơ chu kiơ̆ kơ 'bok soi dah 'bok sek tơlang oei bơ̆jang kơ Kră Yang 'Bok Kei-Dei iĕm, bơngai noh athei pơlôch. Iĕm athei sŭt pơgoh pă đei tơdrong kơnê̆ lăm Isơrael dơ̆ng.

Both 18:21

Lu iĕm pơma lăm jơhngơ̆m khan: Liơ lu nhôn gơh băt kơnăl nơ̆r ayơ mă đơ̆ng Kră Yang bơtho khan?

Both 18:22

Tơdah bơngai khan lê̆ adrol yua anăn Kră Yang na pơma, nơ̆r pơma bơngai noh ưh kơ đei truh păng ưh kơ đei pơsĭt 'blep trŏ, noh ưh kơ nơ̆r Kră Yang mă bơtho khan, bơngai khan lê̆ adrol pơma lĕch đơ̆ng tơdrong sư pơang. 'Nĕ hli kơ sư ôh.

II Pet 2:12

Lu bơngai noh, lu sư thoi sem brem mă ưh kơ gơh tơchĕng, sư hơ̆r kơ wă pơm kiơ sư pơm hloi. Mĕ 'bă sem brem noh pơjing sư sơ̆ lăp pơjing ăn kơ đe rôp 'buh sa đĕch. Lu bơngai mă pơma kơnê̆ kơ đe kư̆m thoi noh, lu sư ưh kơ hlôh na lu sư gô răm thoi sem brem noh tơpă.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.

Lu 2:15

Mă lu sư năm tơ yơ yơ Kră Yang kư̆m ăn kơ lu sư đei tơdrong gleh pơmat 'blep thoi Kră Yang khan pơkă kơ lu sư. Lu sư đei tơdrong gleh pơmat tih dêh.