Both 18:16 - Sơ̆p Hlabơar Nơ̆r 'Bok Kei-Dei

¹⁶ Noh trŏ thoi iĕm krao apinh boih Kră Yang 'Bok Kei-Dei iĕm, tơ Hôrêp lăm năr akŭm tih khan: Nhôn krao apinh 'nĕ pă ăn nhôn kơtơ̆ng nơ̆r Kră Yang 'Bok Kei-Dei ôr dơ̆ng păng 'nĕ pă ăn nhôn 'bôh ŭnh sa khơ̆ng 'nâu dơ̆ng, kơnh nhôn lôch đĭ.

Both 18:16 Iomraidhean Croise

Le 20:18

Kơplah đĭ-đăng kon pơlei kơtơ̆ng grơ̆m păng jơwa tơgiĕp, 'bôh chêr 'blêt kơmlat, kông lĕch 'nhui, lu sư hli tơtey dơ̆ng tơ ataih.

Le 20:19

Kon pơlei khan kơ Môis: Apinh Ih jah pơma hăm lu nhôn na lu nhôn gô mơ̆ng 'nĕ ăn kơ Kră Yang 'Bok Kei-Dei pơma hăm lu nhôn, kơnh hli kơ lu nhôn lôch.

Je 1:9

Kră Yang yơ̆r ti Sư pel 'bơ̆r inh, Kră Yang khan kơ inh: “Âu, Inh dan boih nơ̆r Inh lăm 'bơ̆r ih.”

Both 1:6

Kră Yang 'Bok Kei-Dei lu bơ̆n đei khan boih hăm lu bơ̆n tơ Hôrêp thoi âu: Lu iĕm oei tơ kông đunh dêh bơih.

Both 10:4

Kră Yang sư chih tơ kơpal 'bar hlak tơmo noh nơ̆r sư đei chih thoi adrol ki, mă mơjĭt Khôi juăt tơtă mă Kră Yang pơma kơ lu iĕm đơ̆ng lăm ŭnh tơ kơpal kông, lăm năr iĕm akŭm. Đơ̆ng noh Kră Yang pơjao ăn tơmo lat kơ inh.

Both 9:10

na Kră Yang pơjao ăn kơ inh 'bar hlak tơmo lat, đơ̆ng hơnglâu ti Kră Yang 'Bok Kei-Dei chih 'mơ̆i; đei tôm dôm lu nơ̆r mă Kră Yang pơma đơ̆ng lăm tŏk-bŏk ŭnh tơ kơpal kông, lăm năr iĕm oei akŭm.

Hêbrơ 12:19

Lu bơngai noh sơ̆ lu sư kơtơ̆ng jơwa đe hlôm keng, re dêh păng kơtơ̆ng 'bơ̆r 'Bok Kei-Dei pơma. Lu sư khan kơ 'Bok Kei-Dei 'nĕ pă pơma kơ lu sư,