Both 18:12 - Sơ̆p Hlabơar Nơ̆r 'Bok Kei-Dei

¹² Yua kơ Kră Yang areh păng lăng krưp dêh lu bơngai bu bơ̆jang pơm tơdrong noh păng yua kơ đĭ dôm tơdrong jang kơnê̆ krưp noh, na Kră Yang 'Bok Kei-Dei iĕm pơpuh lê̆ đĭ lu adrĕch adrung lu đe noh đơ̆ng 'bơ̆t anăp iĕm.

Both 18:12 Iomraidhean Croise

II Pot 23:24

Jôsia kư̆m pơrăm pơpuh lê̆ đĭ lu bơngai pơjâu krao bơhngol bơngai lôch păng lu pơjâu tơwir, lu rup yang kơdih rim hnam păng lu rup yang hăm đĭ-đăng lu tơdrong kơnê̆ 'mê̆-'mach mă Kră Yang areh đei 'bôh lăm char Juđa păng tơ Pơlei Jêrusalem, wă pơm kiơ̆ kơjăp tơdrong juăt đei chih bơih lăm sơ̆p hla bơar mă 'bok soi Hilkia đei chă 'bôh đơ̆ng lăm hnam akŭm kơkuh kơ Kră Yang.

Êsêkiên 31:11

Inh pơjao sư lăm tơpang ti bơngai yŏng pran kơtang lăm dêh char nai wă kơ bơngai noh pơm kơ sư trŏ thoi tơdrong kơnê̆ sư pơm. Inh achăng lê̆ sư boih.

Lêwi 18:24

Lu iĕm 'nĕ kơ pơm minh tơdrong kiơ lăm dôm tơdrong noh na pơm kơ akâu iĕm kơdih jing kơnê̆ 'mê̆-'mach, lu kon pơlei mă Inh puh tơweh đơ̆ng anăp măt lu iĕm, lu sư jing kơnê̆ 'mê̆-'mach bơih.

Lêwi 18:25

Teh âu, yua kơ lu sư na kơnê̆ 'mê̆-'mach boih, Inh gô phak tơdrong kơnê̆ lu sư, teh gô hăk tơlĕch lê̆ kon pơlei sư.

Lêwi 18:27

yua kơ dôm tơdrong kơnê̆ 'mê̆ brư̆ Inh areh noh, lu bơngai oei lăm char âu hlôi pơm, lu bơngai mă oei adrol kơ lu iĕm, yua kơ thoi noh na char âu jing kơnê̆ 'mê̆-'mach boih;

Both 14:27

'Nĕ kơ hiơt achăng lê̆ lu bơngai Lêwi mă oei hơdai lăm pơlei iĕm, yua kơ lu sư ưh kơ đei teh jang sa lăm lu iĕm.

Both 22:5

Bơngai drŏ-kăn ưh kơ gơh hrŭk hơbĕn ao bơngai drŏ-nglo păng bơngai drŏ-nglo kư̆m ưh kơ gơh hrŭk hơbĕn ao drŏ-kăn; yua, kơ Kră Yang 'Bok Kei-Dei iĕm lăng areh krưp dêh.

Both 9:4

Kơplah Kră Yang 'Bok Kei-Dei, blah puh lê̆ lu sư 'bơ̆t anăp iĕm, iĕm 'nĕ kơ tơchĕng khan: Noh yua kơ đơ̆ng tơdrong 'lơ̆ng tơpăt bơ̆n na mă Kră Yang chông bơ̆n mơ̆t iŏk dêh noh mă tơpă yua kơ đơ̆ng tơdrong yoch kơnê̆ adrĕch âu, na Kră Yang blah puh lu sư đơ̆ng anăp iĕm.

Both 9:5

Iĕm mơ̆t iŏk dêh đơ̆ng lu adrĕch âu ưh kơ sĭ yua kơ đơ̆ng tơdrong iĕm pơm 'lơ̆ng tơpăt ôh, dah kiơ̆ tơnăp ưh ôh, mă-lei yua kơ đơ̆ng tơdrong yoch kơnê̆ lu sư, na Kră Yang 'Bok Kei-Dei blah puh lê̆ lu sư đơ̆ng anăp iĕm, wă pơsĭt kơ nơ̆r sư pơkă pơkăm hăm lu 'bok iĕm Abraham, Isăk păng Jakôp.