Both 18:10 - Sơ̆p Hlabơar Nơ̆r 'Bok Kei-Dei

¹⁰ Mă-lei iĕm 'nĕ kơ đei bơngai bu pơyơ̆r kon drŏ-nglo kon drŏ-kăn sư 'buh arih pơm tơmam soi, kơ yang, 'nĕ kơ pơm bơngai chă tơng lăng, bơngai mă juăt lăng sơnglŏng khan lê̆ adrol tơdrong wă truh, bơngai pơjâu tơwir,

Both 18:10 Iomraidhean Croise

Bl 44:5

Kơchŏk 'nâu boih mă yŏng inh juăt kơ huch sik? Păng chă pơih tơdrong hlơp, lu iĕm pơm tơdrong noh kơnê̆ dêh.

II Pot 16:3

Mă-lei sư năm kiơ̆ trong lu pơtao đe Isơrael, sư pơyơ̆r kon drŏ-nglo sư pơm tơmam soi 'buh pơkhôi, pơm tơdrong kơnê̆ 'mê̆-'mach thoi lu adrĕch adrung nai đei pơm, mă Kră Yang 'Bok Kei-Dei puh lê̆ lu sư đơ̆ng lu bơngai Isơrael.

II Pot 17:15

Lu sư sơngah achăng lê̆ dôm tơdrong juăt păng tơdrong Kră Yang pơgơ̆p pơkă hăm lu yă 'bok lu sư păng dôm lu nơ̆r tơbăt wă kơ lu sư kơchăng. Lu sư năm kiơ̆ lu yang ưh kơ tơpă păng jing bơngai ưh kơ yua kiơ, lu sư rok adrĕch adrung lu bơngai tăp dăr kơ lu sư, mă Kră Yang đei khă kuă ăn rok kiơ̆ lu đe noh.

II Pot 17:17

Lu sư 'buh kon drŏ-nglo kon drŏ-kăn lu sư lăm ŭnh pơm tơmam soi sơmah kơ yang, lui kiơ̆ kơ pơjâu tơwir păng pơjâu lăng ti lu sư tĕch akâu lu sư kơdih pơm kơnê̆ 'bơ̆t anăp Kră Yang, wă tơblĕk Kră Yang.

II Pot 21:6

Sư soh pơyơ̆r kon drŏ-nglo sư lăm ŭnh pơm yang păng sư pơjuăt tơwir, hơđa sư lui kơ pơjâu krao bơhngol bơngai lôch, sư pơm lơ tơdrong kơnê̆ 'bơ̆t anăp Kră Yang tơblĕk Kră Yang.

II Pot 23:24

Jôsia kư̆m pơrăm pơpuh lê̆ đĭ lu bơngai pơjâu krao bơhngol bơngai lôch păng lu pơjâu tơwir, lu rup yang kơdih rim hnam păng lu rup yang hăm đĭ-đăng lu tơdrong kơnê̆ 'mê̆-'mach mă Kră Yang areh đei 'bôh lăm char Juđa păng tơ Pơlei Jêrusalem, wă pơm kiơ̆ kơjăp tơdrong juăt đei chih bơih lăm sơ̆p hla bơar mă 'bok soi Hilkia đei chă 'bôh đơ̆ng lăm hnam akŭm kơkuh kơ Kră Yang.

I Ho 10:13

Pơtao Sôl lôch, yua kơ sư pơm yoch ưh kơ hli gơnang kơ Kră Yang; sư ưh kơ kiơ̆ nơ̆r Kră Yang bơtho pơkă păng kư̆m kiơ̆ bơngai krao apinh yang atâu,

II Ho 28:3

Sư soh pơyơ̆r tơmam 'bâu phu lăm Thŭng Ben Hinôm păng 'buh pơyơ̆r lu kon drŏ-nglo sư kơdih lăm ŭnh pơm tơmam soi, kiơ̆ kơ tơdrong kơnê̆ krưp dêh tơpă lu kon pơlei mă Kră Yang puh tơweh lê̆ lu sư đơ̆ng anăp lu bơngai Isơrael.

II Ho 33:6

Sư 'buh pơyơ̆r kon drŏ-nglo sư pơm tơmam soi tơ lăm Thŭng Ben Hinôm sư chă tơdrong apo, lăng ti wă kơ băt adrol, chă lu pơjâu tơwir, kiơ̆ lu bơngai krao pơma dơnuh hăm atâu. Sư pơm yoch kơnê̆ rai dêh 'bơ̆t anăp Kră Yang pơm tơblĕk Sư.

Le 22:17

Tơdah 'bă adruh ưh kơ wă rôp ăn, bơngai 'noh kư̆m athei duh jên kiơ̆ kơ juăt đei hơgăt bơngai adruh oei hơlai.

Le 22:18

Ih 'nĕ kơ lê̆ minh 'nu drŏ-kăn pơjâu arih ôh.

Êsai 47:13

Jơhngơ̆m ih gleh glăn yua kơ đơ̆ng iĕm chă pơđâu tơ'bôh lơ tơdrong. Iung bĕ ơ lu bơngai mă băt hlôh gah plĕnh, lăng sơnglŏng, lăng khei tơ'bang blŭng-a, na tơng khan lê̆ adrol. Lê̆ lu sư pơklaih ih đơ̆ng dôm tơdrong gô truh kơ ih 'noh.

Je 27:10

Lu sư bơtho khan lê̆ adrol hơlĕnh, tơdah lu iĕm lui kơ lu sư đe chông ba lu iĕm ataih đơ̆ng teh đak iĕm, na Inh pơpuh tơlĕch lu iĕm păng lu iĕm gô lôch hiong đĭ.

Je 27:9

Bĕ iĕm, iĕm 'nĕ pă mơ̆ng lu bơngai khan lê̆ adrol iĕm, lu pơjâu chă pơma hăm Yang păng pơjâu juăt tơlang tơdrong apo, lu pơjâu chă pơma hăm atâu, lu 'bok lăng tơdra sơnglŏng păng đĭ lu pơjâu hơlĕnh kơ lu iĕm khan: ‘Lu iĕm ưh kơ đei pơm đĭch bơ̆jang kơ pơtao Babilôn ôh.’

Je 32:35

Lu sư man pơdơ̆ng boih anih tih kơjung kơ yang Baal lăm Thŭng Ben Hinôm, wă pơyơ̆r kơ yang Mơlek lu kon drŏ-nglo kon drŏ-kăn lu sư, noh tơdrong mă Inh ưh kơ đei bơtho; Inh ưh kơ đei tơchĕng. Lu sư mă đei pơm tơdrong kơnê̆ 'mê̆-'mach thoi noh na pơm kơ adrĕch Juđa yoch.

Je 7:31

Lu sư man dơ̆ng anih kơjung tơ Tôphet, lăm Thŭng Ben Hinôm, wă 'buh pơyơ̆r kon drŏ-nglo drŏ-kăn lăm ŭnh; tơdrong noh Inh ưh kơ đei bơtho tơtă, Inh kư̆m ưh kơ tơchĕng mơ̆n tơdrong noh.

Lêwi 19:26

Lu iĕm 'nĕ kơ sa 'nhĕm mă oei đei pham, 'nĕ kơ pơm pơjâu chă tơwir lăng tơdra.

Lêwi 19:31

'Nĕ kơ năm tơ lu bơngai mă juăt kơ pơma hăm yang kơnê̆ dah lu pơjâu, 'nĕ kơ chă apinh lu sư ôh kơnh pơm kơ iĕm jing kơnê̆ đơ̆ng lu sư, Inh boih Kră Yang 'Bok Kei-Dei lu iĕm.

Lêwi 20:6

Tơdah bu năm lăng tơ pơjâu păng bơngai pơma hăm yang kơnê̆ lui kiơ̆ na pơm pơyô ngôi kư̆ kă hăm lu sư, Inh gô hil mĭl kơ bơngai noh păng gô puh tơweh sư lĕch đơ̆ng kon pơlei pơla sư.

Mi 5:12

Inh gô pơrăm lu rup yang păng lu gơ̆ng soi đêl lu iĕm man. Na lu iĕm ưh pă đei bon kơkuh dơ̆ng.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Jang 19:19

Đei lơ bơngai pơm pơjâu nai dơ̆ng, lu sư năm tơ Pôl chĕp ba sơ̆p hla bơar tơdrong pơjâu sư, na soh lê̆ sơ̆p hla bơar ei 'bơ̆t anăp lu kon pơlei pơla hloi. Đe jô̆ jên răt hla bơar ei sơ̆ đei pơđăm-jĭt rơbâu jên hu.

Jang 8:9

Lăm pơlei ei đei minh 'nu bơngai anăn sư Simôn. Đơ̆ng sơ̆ sư pơm lơ tơdrong hlĭch tơpă na lu bơngai Samari sơleng kơ đon. Simôn sư pơang akâu kơdih khan sư bơngai hơgei tơpă.

Galati 5:20

sư oei kơkuh kơ yang so, sư pơm pơjâu chă sol đe; sư kơnam băl tơdrong, sư tôn teh băl, sư tơgar băl, sư hil kơ đe, sư kret, sư kuă kơ jang hơdai đe, sư wă tơklah kiơ̆ tơdrong sư kơdih,

Both 12:31

'Nĕ kơ bơ̆jang kơkuh kơ Kră Yang 'Bok Kei-Dei iĕm thoi noh, yua kơ lu sư đei pơm boih dôm tơdrong kơnê̆ krưp Kră Yang areh hloh kơ noh đơ̆ng lu sư soh pơyơ̆r kon drŏ-nglo kon drŏ-kăn lu sư kơdih tơ ŭnh pơm tơmam soi 'buh arih kơ yang kơnê̆.

I Sam 15:23

Hơngah ưh kơ pơm kiơ̆ noh kư̆m yoch thoi bơngai pơjâu hơlĕnh; Pơang kư̆m yoch thoi kơkuh kơ rup yang. Yua kơ đơ̆ng ih achăng lê̆ nơ̆r Kră Yang, na sư kư̆m achăng lê̆ ih ưh kơ ăn kơ ih pơm pơtao.

I Sam 28:3

Kơplah noh, Samuel lôch boih đĭ lu bơngai Isơrael nhơ̆m hmoi kơ sư păng 'bŭ sư tơ Rama, pơlei sư kơdih. Sôl puh tơweh đĭ lu bơngai pơm pơjâu.

I Sam 28:7

Sôl khan kơ lu đĭch đam sư: Chơchă kơ inh minh 'nu bơngai drŏ-kăn pơjâu inh gô năm apinh sư, lu đĭch đam tơl: Tơ Ênđôr đei minh 'nu bơngai drŏ-kăn pơjâu.

I Sam 28:8

Sôl sư pơm wă kơ đe ưh kơnăl hrŭk ao nai, năm chông ba 'bar 'nu bơngai kiơ̆, năm truh tơ hnam bơngai drŏ-kăn kơmăng, Sôl khan: Apinh ih krao tơgŭm ăn kơ inh tơdrong wă truh păng krao bơhngol bơngai lôch mă inh gô roi kơ ih.

I Sam 28:9

Bơngai drŏ-kăn tơl: Ih băt hơđăl boih dôm tơdrong Sôl pơm, sư pơlôch pơđĭ lu bơngai mă pơm pơjâu. Na, liơ ih pơm hơđong wă pơlôch inh?