Both 18:1 - Sơ̆p Hlabơar Nơ̆r 'Bok Kei-Dei

¹ Lu 'bok soi bơngai Lêwi păng đĭ lu adrĕch bơngai Lêwi, ưh kơ đei teh bơ̆jang sa hơdai hăm lu bơngai Isơrael, lu sư arih sa đơ̆ng đe pơyơ̆r ăn kơ Kră Yang păng đơ̆ng tơmam Kră Yang.

Both 18:1 Iomraidhean Croise

Je 33:18

Lu 'bok soi bơngai Lêwi kư̆m ưh kơ khăi ôh wă dơ̆ng soh pơyơ̆r tơmam soi 'buh, păng tơmam soh pơyơ̆r phe 'ba păng tơmam soi pơyơ̆r nai 'bơ̆t anăp Inh.

Êsêkiên 44:28

'Nâu pă đei lu mŭk tơmam 'măn lê̆ kơ lu 'bok soi. Lu iĕm ưh pă klah asong mŭk tơmam kơ lu sư đơ̆ng lăm Isơrael; Inh boih jing mŭk tơmam lu sư.

Jo 18:20

Kră Yang khan kơ Arôn: Lăm char bơngai Isơrael ih ưh kơ đei ôh teh jang sa păng ưh kơ đei asong ih tơmam kiơ ôh đơ̆ng adrĕch noh; Inh boih jing mŭk tơmam ih đơ̆ng lăm adrĕch Isơrael.

Jo 26:62

Jô̆ đĭ-đăng lu kon drŏ-nglo iŏk đơ̆ng minh khei tơ kơpal, đei 'bar-jĭt pêng-rơbâu; adrĕch bơngai Lêwi đe ưh kơ đei jô̆ hơdai hăm adrĕch adrung Isơrael, yua kơ ưh kơ đei asong ôh teh jang sa hơdai lu kon pơlei Isơrael.

Both 10:9

Thoi noh lu bơngai Lêwi ưh kơ đei teh jang sa hơdai hăm lu 'nhŏng oh lu sư, Kră Yang boih jơ̆ tơmam lu sư, kiơ̆ thoi Kră Yang đei khan boih hăm lu sư.

Both 12:19

Đĭ chăl arih iĕm, athei kơchăng, 'nĕ kơ hiơt hŭt lê̆ bơngai Lêwi mă đei lăm dêh noh.

Jôsuê 13:14

Mă-lei Môis ưh kơ đei asong ăn teh jang sa kơ lu adrĕch adrung bơngai Lêwi ôh: Yua kơ lu tơmam soi 'buh hăm ŭnh pơyơ̆r ăn kơ Kră Yang 'Bok Kei-Dei Isơrael, noh jing tơdrong jang sa lu sư, đơ̆ng Kră Yang pơkă khan kơ lu sư.

Jôsuê 13:33

Mă-lei Môis ưh kơ đei asong ăn teh jang kơ lu adrĕch Lêwi, yua kơ Kră Yang 'Bok Kei-Dei Isơrael boih jing teh lu sư jang sa kiơ̆ thoi Kră Yang đei pơkă hăm lu sư.

Jôsuê 18:7

Mă-lei bơngai Lêwi ưh kơ đei asong ôh teh wă jang sa dơ̆ng lăm lu iĕm, yua kơ lu sư jing 'bok soi jang kơ Kră Yang noh jing tơdrong jang sa lu sư. Lu adrĕch Gat, Rubên păng minh puăt adrĕch Manase đei iŏk boih teh jang sa đơ̆ng Môis, đĭch đam Kră Yang, đei asong ăn kơ lu sư gah hơlĕch đak Krong Jôrđăn.