Both 17:8 - Sơ̆p Hlabơar Nơ̆r 'Bok Kei-Dei

⁸ Tơdah đei sek tơlang hơnat thoi pơlôch bơngai, sek tơlang tơdrong đe tơgar dih băl dah tơdrong pơm kơ đe rơka, dah đei tơdrong nai, minh tơdrong truh hơnat kơ iĕm tơpă, thoi noh lu iĕm athei chĕp ba tơdrong sek noh tơ anih mă Kră Yang 'Bok Kei-Dei iĕm gô rơih.

Both 17:8 Iomraidhean Croise

II Sam 15:2

Apsalôm juăt kơ iung đơ̆ng hrôih, dơ̆ng jê̆ cheng trong mơ̆t 'bơ̆t 'măng jang pơlei. Tơdah tơ'bơ̆p bơngai bu đei tơdrong kiơ năm tơ pơtao wă apinh sek tơlang, na Apsalôm krao bơngai noh apinh jet. “Ih đơ̆ng pơlei ayơ?” Dah sư tơl: “Đĭch đam ih đơ̆ng adrĕch 'nâu, adrĕch to lăm Isơrael,”

I Ho 26:29

Đơ̆ng lăm bơngai Ishar đei Kênania păng lu kon drŏ-nglo sư đe pôk pơm yŏng păng 'bok sek tơlang kơ bơngai Isơrael, lu sư athei wei-lăng tơdrong jang noh 'nguaih kơ hnam akŭm.

Le 18:15

Môis tơl: 'Noh yua kơ kon pơlei sư năm tơ inh wă kơ băt Kră Yang 'Bok Kei-Dei wă kơ lu sư pơm thoi yơ.

Le 18:26

lu sư chă sek tơlang kơ kon pơlei ling-lang. Dôm tơdrong anat lu sư ba ăn tơ Môis sek mă-lei lu sư sek tơlang dôm lu tơdrong iĕ 'bônh.

Le 21:20

Tơdah yŏng tơ'ngla iŏk 'long teh đĭch đam sư drŏ-nglo dah drŏ-kăn păng lôch hloi đơ̆ng ti sư, đe kư̆m athei phak tơmal sư,

Le 21:22

Tơdah đei tơtôn tơteh băl, hăm minh 'nu bơngai oei anăp, pơm kơ nge sư huŏng, mă-lei huay kơ đei jĭ răm nai, lei bơngai teh đe 'noh athei duh kiơ̆ kơ klo sư hơgăt păng ăn jên kư̆m kiơ̆ kơ 'bok sek tơlang.

Le 21:28

Tơdah đei rơmo tơ̆m bơngai drŏ-nglo dah drŏ-kăn na lôch hloi, rơmo 'noh athei klơ̆m pơlôch hăm tơmo, mă-lei đe ưh kơ gơh sa 'nhĕm sư ôh, na tơ'ngla rơmo, noh gơh klaih.

Le 22:2

tơdah bơngai tơtông klĕ oei chơkơ̆ 'măng na đe rôp păng teh pơlôch, bơngai teh pơlôch ưh kơ đei yoch.

Le 22:8

Tơdah ưh kơ đei rôp bơngai tơtông, tơ'ngla hnam wei jên noh athei năm pơdah sư kơdih 'bơ̆t anăp 'bok sek tơlang đơ̆ng Kră Yang 'Bok Kei-Dei, pơdah wă kơ tơbăt sư ưh kơ đei iŏk tơmam buôl buăl sư noh.

Êsêkiên 44:24

Tơdah đei tơdrong kiơ truh tơhil pơma băl lu sư gô sek tơlang kiơ̆ thoi Inh tơtă. Lu sư gô wei răk khôi juăt păng lu tơdrong juăt lăm tôm tơdrong kơ̆m giĕng Inh păng wei năr Sa'bat jing năr 'lơ̆ng rơgoh.

Hagai 2:11

“Kră Yang Tih Hloh khan: ‘Dang ei athei apinh lu 'bok soi gah khôi juăt khan thoi âu:

Malachi 2:7

Yua kơ hơkŭng 'bơ̆r 'bok soi athei wei tơdrong hlôh wao, lu đe chă tơdrong juăt đơ̆ng lăm 'bơ̆r lu sư, yua kơ lu sư jơ̆ bơngai đơ̆ng Kră Yang Tih Hloh.

Jo 35:11

athei rơih chă kơ iĕm pơlei tih wă pơm pơlei ôn kơ'nơp, anih kơ lu bơngai mă hơch 'bơm pơlôch đe, gơh kơdâu ôn.

Jo 35:16

Mă-lei dah sư teh đe hăm mam, na lôch hloi, lei bơngai noh jô̆ sư pơlôch bơngai; bơngai mă pơlôch đe noh pơlôch bĕ sư.

Both 1:17

Lăm tơdrong jang sek tơlang, lu iĕm 'nĕ kơ mơ̆t minh pah; athei mơ̆ng mă bơngai iĕ dah bơngai pơm tih, 'nĕ hli kơ bơngai bu, yua kơ tơdrong sek tơlang âu kiơ̆ kơ Kră Yang 'Bok Kei-Dei, tơdah đei tơdrong kiơ anat kơ lu iĕm, athei chông ba tơ inh, inh gô mơ̆ng lăm tơdrong noh.

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Both 12:14

Mă-lei lu iĕm athei pơyơ̆r tơmam soi 'buh tơ anih mă Kră Yang gô rơih minh anih đơ̆ng lăm teh đak lăm minh adrĕch, tơ anih noh lu iĕm athei pơm dôm tơdrong mă inh đei bơtho khan.

Both 12:5

Mă-lei lu iĕm athei chă anih ayơ lăm adrĕch Isơrael, mă Kră Yang 'Bok Kei-Dei lu iĕm gô rơih iŏk pơm anih oei păng 'măn Anăn Sư, lu iĕm akŭm kơkuh.

Both 19:17

'bar 'nu bre bơngai đe jâu, bơngai jâu noh gô năm 'bơ̆t anăp Kră Yang 'bơ̆t anăp 'bok soi păng lu kră sek tơlang oei jang kơplah noh.

Both 19:4

'Nâu boih tơdrong juăt kơ lu bơngai pơlôch bơngai ôn kơ'nơp tơ noh wă kơ gơh pơklaih tơdrong arih sư kơdih, bơngai bu hơch 'bơm pơlôch ưh kơ pơrơ̆ng, ưh kơ đei chă areh băl adrol.

Both 21:5

Lu 'bok soi, kon drŏ-nglo bơngai Lêwi, gô năm jê̆ tơ noh; yua kơ Kră Yang 'Bok Kei-Dei iĕm rơih iŏk lu sư boih wă jang kơ Sư păng yua anăn Kră Yang sơkat ăn pŭn hiôk athei sek tơlang lu tơdrong pơjah pơjăng păng đei pơjĭ băl.

Both 25:1

Tơdah đei tơdrong pơjah băl, 'bar pah athei năm apinh truh tơ anih sek tơlang, lu kră sek tơlang, sek tơpăt kơ bơngai 'lơ̆ng tơpăt păng sek phak lu bơngai mă đei yoch noh.