Both 17:2 - Sơ̆p Hlabơar Nơ̆r 'Bok Kei-Dei

² Tơdah đei bơngai oei hơdai, lăm pơlei mă Kră Yang 'Bok Kei-Dei ăn kơ iĕm, đei minh 'nu bơngai drŏ-nglo dah drŏ-kăn pơm tơdrong kơnê̆ 'bơ̆t anăp Kră Yang 'Bok Kei-Dei, noh pơm glăi tơdrong pơgơ̆p Sư,

Both 17:2 Iomraidhean Croise

II Pot 18:12

Noh, yua kơ lu sư ưh kơ chu kiơ̆ nơ̆r Kră Yang 'Bok Kei-Dei lu sư bơtho khan, mă-lei lu sư pơm glăi kơ tơdrong Kră Yang pơgơ̆p pơkă, lu sư ưh kơ wă, mơ̆ng păng kuă kơ pơm kiơ̆ dôm tơdrong mă Môis, đĭch đam Kră Yang hlôi bơtho.

II Pot 21:3

Sư hơmet ming lu hnam kơkuh kơ rup yang tơ kơpal kông đêl 'bă sư Hesekia yuih pơrăm lê̆ bơih; sư pơm ming chơnang soi kơkuh kơ yang Baal, pơdơ̆ng pơm ming rup Asêra lei-lăi thoi Ahap, pơtao đe Isơrael hlôi pơm bơih sơ̆, Sư soi sơmah kơ đĭ-đăng lu yang kơpal plĕnh păng bơ̆jang ăn kơ lu sư.

Jop 31:28

tơdrong 'noh minh tơdrong yoch kơnê̆ trŏ kơ sek pơlôch, Yua kơ inh sơngah kơ Kră Yang 'Bok Kei-Dei tơ kơpal ti.

Le 22:19

Bơngai bu ngôi kư̆ kă păng sem brem đe gô pơlôch.

Le 22:20

Bơngai bu kơkuh soi sơmah kơ lu yang nai ưh kơ trŏ kơ Kră Yang đe gô pơlôch sư.

Je 31:32

Nơ̆r pơgơ̆p 'nâu ưh kơ trŏ thoi nơ̆r pơgơ̆p Inh hăm lu 'bok yă lu sư lăm năr mă Inh rôp ti dui tơlĕch lu sư đơ̆ng char Êyiptơ sơ̆, yua kơ lu sư pơrăm lê̆ boih tơdrong pơgơ̆p Inh, mă Inh thoi klo lu sư ră.” Noh Kră Yang khan.

Je 34:18

Lu bơngai mă đei pơm yoch hăm nơ̆r pơgơ̆p Inh, ưh kơ kiơ̆ dôm nơ̆r pơgơ̆p mă lu sư đei pơkă boih 'bơ̆t anăp Inh, Inh gô ăn kơ lu sư thoi kon rơmo blah phơ̆ tŏk-bŏk, na yak rok sơlam 'bar pah 'nhĕm noh;

Êsêkiên 16:38

Inh gô sek tơlang phak ih thoi lu drŏ-kăn pơm pơyô kư̆ kă ưh kơ lăng klo sư păng tuh pham pơlôch đe; Inh gô tuh pham hil mĭl păng gar ih.

Hôsia 6:7

Mă-lei thoi Ađam,a lu sư pơm glăi boih kơ đêl nơ̆r pơkă pơgơ̆p, thoi noh lu sư pă tơpăt boih kơ Inh.

Hôsia 8:1

Dan bĕ tơgiĕp 'bơ̆t 'bơ̆r ih! Lu ayăt thoi sem grơ̆ năm blah bơngai Kră Yang, yua kơ kon pơlei pơm glăi boih kơ đêl nơ̆r pơgơ̆p, păng pơm yoch kơ tơdrong juăt Inh.

Lêwi 20:2

Ih athei khan kơ kon pơlei Isơrael. Tơdah bơngai bu lăm kon pơlei Isơrael dah bơngai tơmoi oei lăm char Isơrael jao minh 'nu kon hơ'lơ̆p sư ăn kơ yang Mơlŏk, a bơngai noh đe gô pơlôch sư, kon pơlei lăm char noh gô klơ̆m pơlôch sư hăm tơmo.

Lêwi 26:15

tơdah lu iĕm sơngah kơ nơ̆r Inh tơtă păng jơhngơ̆m iĕm areh kơ khôi juăt Inh, dĭng mah ưh pă pơm kiơ̆ nơ̆r Inh tơtă, pơm glăi kơ tơdrong Inh pơgơ̆p.

Lêwi 26:25

Inh gô ăn đao hơlă pơm kơ lu iĕm. Wă pơm 'mong đêl iĕm pơm glăi tơdrong pơgơ̆p Inh; tơdah lu iĕm akŭm băl lăm pơlei tih lu iĕm, Inh gô ăn tơdrong jĭ hơbuh 'bơm tơ lu iĕm păng jao iĕm lăm ti lu bơngai ayăt kơ iĕm.

Both 17:5

Na Iĕm athei chông ba bơngai drŏ-nglo dah drŏ-kăn mă pơm tơdrong kơnê̆ krưp noh 'bơ̆t 'măng jang pơlei, klơ̆m pơlôch sư păng tơmo.

Both 29:18

Athei kơchăng bĕ, 'nĕ kơ đei bu drŏ-nglo dah drŏ-kăn, hnam dơnŏ dah adrĕch adrung ayơ mă dơ̆ng tơ âu năr 'nâu achăng lê̆ Kră Yang 'Bok Kei-Dei lu bơ̆n, na năm kơkuh kơ lu yang adrĕch drung nai; lăm lu iĕm athei 'nĕ kơ ăn đei rơh kơnê̆ hơkăm chăt sôr tơ lăm lu iĕm.

Both 29:25

Nơ̆r đe tơl: Yua kơ kon pơlei âu sơngah kơ tơdrong pơgơ̆p Kră Yang 'Bok Kei-Dei lu 'bok lu sư, pơm boih hăm lu sư, kơplah Sư chông ba lĕch hlôi đơ̆ng dêh Êyiptơ;

Both 31:20

Đơ̆ng rŏng Inh chông ba lu sư mơ̆t lăm dêh char Inh hlôi pơkă boih hăm 'bok lu sư; dêh 'bĕnh kơ đak toh đak sut; lu sư gô sa phĭ păng bek, wơ̆t bơ̆jang kơkuh lu yang nai, lu sư gô pơdê lê̆ Inh păng pơm glăi kơ tơdrong pơgơ̆p Inh.

Both 4:23

Athei kơchăng bĕ kơdih akâu iĕm, 'nĕ kơ hiơt tơdrong pơgơ̆p đơ̆ng Kră Yang 'Bok Kei-Dei lu iĕm mă đei pơgơ̆p hăm lu iĕm păng 'nĕ kơ pơm rup yang, rup sem brem ayơ mă Kră Yang 'Bok Kei-Dei lu iĕm khă.

Hêbrơ 10:28

Bơngai bu pơm yoch kơ tơdrong juăt Môis pơkă, đei 'bar pêng 'nu bơngai kư̆m 'bôh sư pơm yoch tơpă, bơngai noh đe athei pơlôch sư, ưh kơ gơh mơnat ăn kơ sư arih ôh.

Jôsuê 23:16

Tơdah lu iĕm sơngah kơ tơdrong pơgơ̆p Kră Yang 'Bok Kei-Dei lu iĕm, đei hlôi bơtho pơkă, na lu iĕm achăng lê̆ Kră Yang, chă bơ̆jang awih awăn păng drap kơkuh kơ lu yang nai, lei tơdrong Kră Yang hil mĭl tih gô truh tơ lu iĕm, na lu iĕm gô lôch hiong răm đĭ đơ̆ng char 'lơ̆ng rŏ mă Kră Yang đei ăn boih.

Jôsuê 7:11

Bơngai Isơrael đei pơm tơdrong yoch boih, lu sư ưh kơ wă pơm kiơ̆ tơdrong pơgơ̆p mă Inh đei pơkă ăn kơ lu sư athei răk, lu sư iŏk bơih tơmam trŏ kơ pơyơ̆r păng pơrăm pơma hơlĕnh, lu sư tơtông iŏk tơmam noh tah lê̆ lăm kơdŭng lu sư kơdih,

Jôsuê 7:15

Bơngai bu mă đei tơhlâu, bơngai noh boih đei iŏk tơmam pơyơ̆r, pơlôch bơngai noh lăm ŭnh hơdai hăm lu tơmam sư, yua kơ sư pơm glăi kơ nơ̆r pơgơ̆p Kră Yang pơm ăn kơ adrĕch Isơrael mơlâu.

Lu 2:20

Yua kơ thoi noh Kră Yang blĕk kơ bơngai Isơrael păng Sư khan thoi âu: Yua kơ lu bơngai âu ưh kơ chu kiơ̆ nơ̆r Inh pơkă kơ yă 'bok lu sư păng lu sư kư̆m ưh kơ chu mơ̆ng kiơ̆ nơ̆r Inh khan,

Lu 6:31

Mă-lei Jôas tơl tơwih kơ lu bơngai wă pơm kơnê̆ hăm sư: Lu iĕm wă blah dŏng yang Baal hă? Lu iĕm wă dŏng sư dah kiơ? Bơngai bu wă blah dŏng sư gô lôch pơgê 'nâu. Dah Baal yang tơpă, lê̆ kơ sư năm tơblah kơdih bĕ, yua kơ chơnang soi sư đe pơrăm boih to.