Both 17:17 - Sơ̆p Hlabơar Nơ̆r 'Bok Kei-Dei

¹⁷ Pơtao ưh gơh đei akăn lơ, kơnh hli kơ pơm jơhngơ̆m sư wơ̆l jrok kư̆m ưh kơ gơh mong hu, maih lơ kơ sư kơdih.

Both 17:17 Iomraidhean Croise

Bl 2:24

Yua kơ thoi noh na bơngai drŏ-nglo gô tơklah đơ̆ng mĕ 'bă sư na oei hơdai hăm akăn sư, na 'bar 'nu bre sư jing minh sĕch minh akar.a

II Sam 12:11

Kră Yang khan: “Inh gô pơm đơ̆ng kơdih hnam dơnŏ ih iung blah pơm kơ ih, 'bơ̆t tơm măt ih; Inh gô rôp lu akăn ih pơjao ăn kơ minh 'nu bơngai jê̆ ih, sư gô pơ'brơh kơ lu akăn ih 'bơ̆t hơdah kơ'năr 'bơ̆t anăp lơ bơngai.

II Sam 5:13

Đơ̆ng rŏng kơ Đawit lĕch đơ̆ng pơlei Hêbrôn năm tơ pơlei Jêrusalem, sư chă lu akăn tơm păng akăn kơnhŏng dơ̆ng na đei pơjing ăn kơ sư lu kon drŏ-nglo drŏ-kăn dơ̆ng.

I Pot 10:21

Đĭ-đăng kơchŏk pơnhan wă nhă tă kơ pơm hăm maih ngăl păng đĭ-đăng dôm tơmam yua lăm hnam pơtao tơ Bri char Liban tă kơ pơm păng maih rơgoh, ưh kơ đei tơmam kiơ pơm păng hu. Lăm chăl pơtao Sôlômôn, hu ưh kơ gĭt ôh.

I Pot 10:27

Pơtao Sôlômôn pơm kơ hu đe lăng ưh kơ gĭt thoi tơmo hmă đĕch lăm pơlei Jêrusalem păng 'long hơngo lơ thoi 'long hơra chăt tơ jơ̆ng kông groi.

I Ho 14:3

Lăm Jêrusalem Đawit đei iŏk lơ akăn plơ̆ng, păng pơjing kơ lơ kon drŏ-nglo kon drŏ-kăn.

II Ho 1:15

Pơtao akŭm mong lu hu maih lăm Pơlei Jêrusalem lơ thoi tơmo hơga păng akŭm 'măn 'long hơngo lơ thoi 'long hơra bri lăm thŭng dơnă.

II Ho 11:21

Rêhôbôam 'mêm kơ Maaka kon adruh Apsalôm hloh kơ lu akăn sư nai; sư đei mơjĭt-tơhngam 'nu akăn tơm păng tơdrâu-jĭt 'nu akăn kơnhŏng, Sư đei 'bar-jĭt tơhngam 'nu kon drŏ-nglo păng tơdrâu-jĭt 'nu kon drŏ-kăn.

Ne 13:26

Ưh kơ trŏ kơ Sôlômôn, pơtao Isơrael, đei pơm yoch kơ tơdrong noh hă? Đei lơ adrĕch adrung kon bơngai ưh kơ đei minh 'nu pơtao ayơ nhen thoi sư; sư bơngai mă Kră Yang 'Bok Kei-Dei 'mêm, na Kră Yang 'Bok Kei-Dei pôk ăn kơ sư jing pơm pơtao kơ bơngai Isơrael. Mă-lei lu drŏ-kăn tơmoi adrĕch nai pơdrŭt pơhlŭ sư pơm yoch!

Horiso 62:10

'Nĕ gơnang kơ kĕ pơjuă đe. 'Nĕ gơnang hơmĕng kơ tơtông klĕ, Mă đei mŭk tơmam lơ, 'nĕ kơ hơđơ̆ng kơ noh.

Tơdrông Pơđơk 31:3

'Nĕ jao jơhngơ̆m pran ih kơ bơngai drŏ-kăn, Păng kư̆m 'nĕ bơ̆jang hơdai hăm bơngai wă pơrăm lu pơtao.

Malachi 2:15

Đơ̆ng noh, mă khan tơdrong arih Kră Yang 'Bok Kei-Dei đei lơ rơkah rơkai ră, mă-lei Sư pơjing ăn kơ ih lăp minh 'nu drŏ-kăn đĕch. Mă-lei yua kơ kiơ Sư pơjing ăn kơ ih lăp minh 'nu bơngai drŏ-kăn đĕch? Noh yua kơ wă chă adrĕch adrung 'lơ̆ng rơgoh, thoi noh lu iĕm athei mă kơchăng lăm jơhngơ̆m bơ̆n kơdih, 'nĕ kơ oei sa hơlĕnh pơdăr hăm akăn bơ̆n kơdih mă iŏk oei đơ̆ng 'lơ̆p.

Mathiơ 13:22

Lu mơ'nah thoi lĕ kơ găr 'ba huŏng 'bơ̆t 'nhĕt jơla. Lu sư kơtơ̆ng đe bơtho tơdrong 'Bok Kei-Dei ră mă-lei lu sư wă tơchĕng tơdrong arih sư kăl hloh, sư wă kơ mơdrŏng; thoi noh na tơdrong 'Bok Kei-Dei ưh kơ gơh wơ̆ păng ưh kơ đei plei.

Mathiơ 19:5

‘Yua kơ thoi noh na bơngai drŏ-nglo drŏ-kăn tơklah đơ̆ng mĕ 'bă sư kơdih na oei hơdai, bre sư jing minh sĕch minh akar.’

Luka 12:15

Yêsu pơma dơ̆ng kơ đĭ-đăng bơngai kiơ̆ ei: “Iĕm athei kơchăng kơdih 'nĕ kơ mah hăt kơ mŭk tơmam dêh. Arih chơt hiôk ưh kơ đơ̆ng mơdrŏng ôh.”

I Tim 6:17

Ih khan kơ lu bơngai mơdrŏng 'nĕ pơang akâu kơdih păng khan kơ sư 'nĕ gơnang kơ mŭk măk sư mơdrŏng. Athei sư tơchĕng gơnang kơ 'Bok Kei-Dei đĕch gơh tơgŭm sư. Tơdrong mơdrŏng ưh kơ kơjăp nhoi ôh. 'Bok Kei-Dei hơlăng, Sư ăn kơ bơ̆n tôm tơdrong bơ̆n kăl yua wă kơ bơ̆n chơt hiôk.

I Tim 6:9

Lu bơngai wă chă mơdrŏng, yang Satan gô pơhlŭ sư, na sư 'maih chă tơdrong âu, tơdrong to, tơdrong kư̆ kă, tơdrong ưh kơ 'lơ̆ng kơ sư, na sư gô đei răm 'Bok Kei-Dei phak.