Both 17:14 - Sơ̆p Hlabơar Nơ̆r 'Bok Kei-Dei

¹⁴ Layơ iĕm mơ̆t truh lăm dêh mă Kră Yang 'Bok Kei-Dei ăn kơ iĕm đei iŏk oei tơ dêh noh boih, na iĕm khan: Lu bơ̆n rơih minh 'nu pơm pơtao wă pơgơ̆r, kư̆m thoi lu adrĕch adrung mă oei jum dăr kơ bơ̆n.

Both 17:14 Iomraidhean Croise

Lêwi 14:34

Layơ lu iĕm mơ̆t tơ char Kanaan, mă Inh gô ăn kơ lu iĕm jang sa păng Inh ăn tơdrong jĭ phơ̆k lăm minh pôm hnam, lăm char mă lu iĕm đei iŏk oei jang sa,

Jo 33:53

Lu iĕm gô iŏk hloi tơring char noh, oei hloi tơ noh teh noh Inh ăn kơ lu iĕm jang sa.

Both 11:31

Lu iĕm tŏk kơ Krong Jôrđăn, wă mơ̆t iŏk dêh mă Kră Yang 'Bok Kei-Dei lu iĕm ăn kơ lu iĕm. Mưh lu iĕm đei iŏk dêh păng bơ̆jang sa păng oei hloi tơ noh,

Both 18:9

Mưh lu iĕm mơ̆t boih lăm dêh mă Kră Yang 'Bok Kei-Dei iĕm ăn. 'Nĕ kơ pơhrăm pơm rok kiơ̆ dôm lu tơdrong kơnê̆ krưp lu adrĕch adrung noh pơm.

Both 26:1

Mưh lu iĕm mơ̆t lăm dêh char mă Kră Yang 'Bok Kei-Dei iĕm ăn kơ lu iĕm bơ̆jang sa, gơh iŏk asong păng oei tơ noh boih,

Both 26:9

Chông ba lu nhôn truh tơ âu, ăn kơ lu nhôn dêh char 'nâu, dêh char đak toh păng đak sut.

Both 7:1

Layơ Kră Yang 'Bok Kei-Dei iĕm chông ba iĕm mơ̆t iŏk dêh mă Sư pơkă păng puh tơweh đĭ lu adrĕch đe 'bơ̆t anăp iĕm, noh lu kon pơlei Hêtit, kon pơlei Girgasit kon pơlei Amôrit, kon pơlei Kanaan, kon pơlei Pêrisit, kon pơlei Hêwit păng kon pơlei Jêbus, wă khan tơpơh adrĕch tih păng pran hloh kơ iĕm.

Jôsuê 1:13

'Blŏk bĕ kơ nơ̆r Môis, đĭch đam Kră Yang đei pơkă kơ lu iĕm, sư khan: Kră Yang 'Bok Kei-Dei gô ăn kơ lu iĕm hiôk-hian păng đei pơkă ăn boih kơ lu iĕm teh đak âu.

Jôsuê 21:43

Thoi noh boih Kră Yang ăn kơ adrĕch Isơrael đĭ char mă Kră Yang pơkă boih kơ adrĕch adrung lu 'bok sư. Kon pơlei Isơrael iŏk klah asong bơ̆jang sa mir 'ba păng oei tơ lăm char noh.

I Sam 10:19

Mă-lei lu iĕm sơngah kơ Kră Yang 'Bok Kei-Dei lu iĕm, Tơ'ngla mă dŏng pơklaih iĕm đơ̆ng dôm tơdrong pơmat-tat păng hli hlơt; Lu iĕm đei apinh: Ăn kơ nhôn minh 'nu pơtao wă kơ pơgơ̆r lu nhôn! Na dang ei, hơmet bĕ dơ̆ng 'bơ̆t anăp Kră Yang pơrĕng kiơ̆ adrĕch adrung păng kiơ̆ kơtum kơtŏng.

I Sam 10:25

Samuel bơtho tơ'bôh tơdrong juăt kơ pơtao 'bơ̆t anăp kon pơlei, chih tơ sơ̆p hla bơar dan 'bơ̆t anăp Kră Yang. Đơ̆ng noh, Samuel ăn kơ kon pơlei brŏk tơ hnam lu sư kơdih kơdih.

I Sam 12:19

Đĭ-đăng lu sư khan kơ Samuel: Apinh ih krao khan apinh Kră Yang 'Bok Kei-Dei ih ăn kơ lu nhôn, wă kơ lu nhôn huay kơ lôch; lu nhôn đei apinh wă kơ đei pơtao noh nhôn pơthim ăn tơdrong yoch kơ lu nhôn.

I Sam 16:3

Ih krao Jese dai năm mơ̆n. Inh gô bơtho ăn kơ ih băt tơdrong kiơ ih gô pơm, Inh tơ'bôh ăn kơ ih bơngai bu ih gô tuh đak rơmă wă pơk sư pơm pơtao bơ̆jang kơ Inh.

I Sam 8:11

na khan: 'Nâu tơdrong mă pơtao iĕm gô pơgơ̆r lu iĕm. Sư gô rôp kon drŏ-nglo iĕm pơm linh wă huơ̆r gre aseh sư, dah ăn hao aseh, mơ'nah yak jơ̆ng wă kơ năm tơblah adrol kơ gre sư.