Both 17:12 - Sơ̆p Hlabơar Nơ̆r 'Bok Kei-Dei

¹² Bơngai bu, ưh kơ chu kiơ̆ kơ 'bok soi dah 'bok sek tơlang oei bơ̆jang kơ Kră Yang 'Bok Kei-Dei iĕm, bơngai noh athei pơlôch. Iĕm athei sŭt pơgoh pă đei tơdrong kơnê̆ lăm Isơrael dơ̆ng.

Both 17:12 Iomraidhean Croise

Esơra 10:8

Lăm pêng năr, bơngai bu ưh kơ năm kiơ̆ thoi 'bok kuan tih păng đe kră tơtă, na mŭk tơmam sư noh đe gô pơdrâu iŏk pơđĭ, bơngai noh đe gô puh tơweh, kiơ̆ thoi lu kră păng lu bơngai pơgơ̆r ưh kơ ăn kơ sư akŭm hơdai kon pơlei mă 'nao brŏk dơ̆ng đơ̆ng pơm bơnă.

Horiso 19:13

Apinh Kră Yang bơwei lu đĭch đam Ih huay kơ pơrơ̆ng pơm yoch,d 'Nĕ ăn tơdrong yoch noh pơgơ̆r inh; na Ih huay chrih kơ inh, Păng huay kơ pơm tơdrong yoch tih.

Tơdrông Pơđơk 21:11

Kơplah đe phak lu bơngai blei hiap. Bơngai kơtul gô hơgei, Kơplah bơtho lu bơngai hơgei, sư đei iŏk đon hlôh wao.

Hôsia 4:4

Yua kơ thoi noh, iĕm 'nĕ tơ jô̆ băl, 'nĕ kơ tơchrih băl, 'nĕ kơ tơjâu băl ôh, Mă-lei Inh jô̆ iĕm yoch Ơ 'bok soi.

Sa 3:7

“Kră Yang Tih Hloh khan thoi âu: ‘Tơdah ih năm yak kiơ̆ lăm trong Inh, chu yom, wei răk dôm nơ̆r Inh bơtho, na ih gô wei-lăng hnam Inh păng bơwei cham hnam Inh, Inh gô ăn kơ ih nơnăm tŏk-bŏk lu bơngai mă oei kơkuh kơ Inh âu.

Jo 15:30

Mă-lei tơdah đei bơngai bu, kon pơlei Isơrael dah lu bơngai tơpŭ lăm char 'nâu, pơrơ̆ng pơm yoch, kuă kơ chu Kră Yang; bơngai noh gô tơlĕch sư đơ̆ng adrĕch kon pơlei sư kơdih,

Jo 15:31

yua kơ sư kuă kơ mơ̆ng kiơ̆ nơ̆r Kră Yang păng pơm glăi kơ nơ̆r Kră Yang tơtă; bơngai noh ăn đe pơrăm lê̆ sư tơdrong yoch kơnê̆ sư pơm gô tuh kơ sư kơdih.

Mathiơ 10:14

Anih hnam ayơ dah pơlei ayơ ưh kơ sơng iŏk iĕm păng ưh kơ wă mơ̆ng tơdrong iĕm bơtho sư, thoi noh na lăp iĕm brŏk đơ̆ng pơlei 'noh iĕm sơpuih 'bruih tơ jơ̆ng iĕm tơbăt ăn kơ lu sư 'Bok Kei-Dei wă phak lu sư ning-mônh.

Luka 10:16

Yêsu khan dơ̆ng kơ lu bơngai pơhrăm păng Sư: “Bơngai bu mơ̆ng iĕm, sư 'noh dang mơ̆ng Inh mơ̆n. Bơngai bu ưh kơ wă mơ̆ng iĕm, sư 'noh kư̆m ưh kơ wă mơ̆ng Inh mơ̆n. Bơngai bu ưh kơ wă mơ̆ng Inh, sư 'noh kư̆m dang ưh kơ wă mơ̆ng 'Bok Kei-Dei mă wơh Inh mơ̆n.”

Yo 12:48

Bơngai bu ưh kơ lui kơ Inh, 'Bok Kei-Dei gô phak sư năr tôch ning-mônh, yua kơ sư ưh kơ răk dôm nơ̆r Inh bơtho.

Yo 20:23

Dah lu iĕm mơnat ăn tơdrong yoch đe, lei 'Bok Kei-Dei kư̆m mơnat ăn kơ lu đe ei mơ̆n. Dah iĕm ưh kơ mơnat ăn tơdrong yoch đe, lei 'Bok Kei-Dei kư̆m ưh kơ mơnat ăn kơ lu bơngai ei.”

Both 1:43

Thoi noh inh đei roi dơ̆ng kơ lu iĕm, mă-lei lu iĕm ưh kơ wă mơ̆ng ôh, pơma plơ̆ kơ nơ̆r Kră Yang tơtă; lu iĕm 'bĕnh hăm tơdrong pơang, lu iĕm tơdui băl năm tŏk tơ dêh kông groi.

Both 10:8

Kơplah noh, Kră Yang klah lê̆ adrĕch Lêwi pha, wă tung hom pơgơ̆p Kră Yang dơ̆ng 'bơ̆t anăp Kră Yang wă bơ̆jang pơm 'bok soi kơ Sư păng yua anăn Kră Yang sơkat pŭn hiôk ăn kơ kon pơlei. Truh tơ dang ei,

Both 13:11

Thoi noh, na đĭ-đăng bơngai Isơrael gô kơtơ̆ng băt dôm tơdrong noh păng hli tơrơ, lei na ưh pă đei pơ̆n pơm minh tơdrong kơnê̆ noh dơ̆ng.

Both 13:5

Athei pơlôch bơngai khan lê̆ adrol dah bơngai juăt apo noh, yua kơ sư pơhlŭ pơtơm iĕm iung blah Kră Yang 'Bok Kei-Dei lu iĕm, Tơ'ngla mă chông ba lu iĕm lĕch đơ̆ng dêh Êyiptơ, dŏng pơklaih lu iĕm đơ̆ng pơm đĭch, bơngai noh kư̆m chă đon wă pơm kơ iĕm achăng lê̆ trong Kră Yang 'Bok Kei-Dei iĕm tơhlâu tơ'bôh ăn kơ iĕm trong wă rok kiơ̆, athei pơlôch lu bơngai pơm kơnê̆ wă tơhiong lê̆ tơdrong yoch đơ̆ng lăm lu iĕm.

Both 13:6

Tơdah đei 'nhŏng oh pôm mĕ 'bă, kon drŏ-nglo dah kon drŏ-kăn iĕm, akăn iĕm mă 'mêm kơeng, dah buăl juăt iĕm năm pơtơm pơhlŭ iĕm, khan: Bĕ bơ̆n năm kơkuh kơ yang nai, mă iĕm hăm lu 'bok iĕm kư̆m ưh tam băt,

Both 17:13

Đĭ-đăng kon pơlei pơla kơtơ̆ng tơdrong noh na gô hli tơrơ, ưh pă pơ̆n pơm tơdrong kơnê̆ dơ̆ng.

Both 17:7

Lu bơngai drơ̆ng athei yơ̆r ti adrol hloh pơlôch bơngai noh, pơtrơp đơ̆ng rŏng kơ noh ti lu kon pơlei. Thoi noh, gô pơlôch pơgoh lê̆ lu tơdrong kơnê̆ đơ̆ng lăm kon pơlei iĕm.

Both 18:20

Tơdah đei bơngai khan lê̆ adrol đei jơhngơ̆m pơang yua anăn Inh pơma dôm tơdrong kiơ mă Inh ưh kơ athei sư pơma, dah yua anăn lu yang nai, na lu bơngai thoi noh trŏ kơ pơlôch.

Both 18:5

Yua kơ Kră Yang 'Bok Kei-Dei hlôi rơih boih lu sư adrĕch Lêwi đơ̆ng lăm lu bơngai Isơrael wă kơ lu sư oei păng bơ̆jang kơ Kră Yang sư păng lu kon drŏ-nglo sư ling-lang ưh kơ layơ tôch.

Both 18:7

bơngai noh gơh bơ̆jang yua anăn Kră Yang 'Bok Kei-Dei sư, thoi đĭ-đăng lu 'nhŏng oh sư, bơngai Lêwi, oei bơ̆jang 'bơ̆t anăp Kră Yang.

I Tes 4:2

Iĕm băt boih dôm tơdrong Kră Yang Yêsu ăn kơ nhôn wă kơ nhôn bơtho iĕm.

I Tes 4:8

Thoi noh boih na bơngai bu mă ưh kơ chu iŏk nơ̆r nhôn bơtho âu, bơngai 'noh sư ưh kơ chu nơ̆r 'Bok Kei-Dei, yua kơ nhôn bơtho nơ̆r 'Bok Kei-Dei tơpă. 'Bok Kei-Dei ăn kơ iĕm Yang Bơhngol 'Lơ̆ng Sư, na iĕm athei pơm 'lơ̆ng tơpăt.

I Tim 5:20

Bơngai bu pơm yoch tơpă ih athei pơma khă sư 'bơ̆t anăp đe tơpôl lu bơngai lui wă kơ lu bơngai lui kơchăng đon ưh kơ wă pơm yoch thoi bơngai 'noh dơ̆ng.

Jôsuê 1:18

Bơngai bu ưh kơ chu pơm kiơ̆ nơ̆r ih bơtho pơkă păng dôm tơdrong jang kiơ ih athei, lu bơngai noh gô pơlôch sư, ih athei chơ̆n jơhngơ̆m nuih pran.”

Lu 20:13

Jao bĕ kơ lu nhôn lu bơngai kơnê̆ pơm kư̆ kă krưp dêh noh đơ̆ng lăm pơlei Gibêah, lê̆ lu nhôn pơlôch lu sư wă sŭt pơgoh đĭ tơdrong kơnê̆ noh đơ̆ng lăm bơngai Isơrael. Mă-lei lu bơngai Bênjamin ưh kơ đei wă mơ̆ng nơ̆r lu 'nhŏng lu sư, bơngai Isơrael athei.

I Sam 3:13

Inh đei khan lê̆ adrol bơih Inh gô phak hnam dơnŏ sư ling-lang, yua kơ sư băt boih bre kon drŏ-nglo sư pơm yoch pơjăm Kră Yang 'Bok Kei-Dei, mă-lei sư ưh kơ găn bre sư.