Both 16:7 - Sơ̆p Hlabơar Nơ̆r 'Bok Kei-Dei

⁷ Iĕm athei pai sa 'nhĕm tơmam soi noh tơ anih mă Kră Yang 'Bok Kei-Dei gô rơih; truh pơgê dơning wih brŏk tơ bơsŭn iĕm pơdơh.

Both 16:7 Iomraidhean Croise

II Pot 23:23

Mă-lei lăm sơnăm mă mơjĭt-tơhngam, chăl pơtao Jôsia pơgơ̆r, lu sư đei pơm giĕng Năm Brih kơ Kră Yang tơ Pơlei Jêrusalem.

II Ho 35:13

Kiơ̆ kơ tơdrong juăt, lu sư phang lu 'nhĕm kon triu kơ giĕng Năm Brih thoi đei tơtă; bĕ lu 'nhĕm 'lơ̆ng rơgoh đe pai lăm gŏ 'bŭng păng lăm gŏ glah, na lu sư asong ăn hloi kơ đĭ-đăng bơngai.

Yo 11:55

Hơtai ei Năr Giĕng Năm Brih đe Juđê wă jê̆ truh boih, na lơ bơngai Juđê đơ̆ng pơlei nai năm tơ Pơlei Jêrusalem hơdrol kơ năr giĕng ei. Lu sư năm tơ lu 'bok soi wă pơm rơgoh kơdih tơdrong yoch hơdrol kơ Năr Giĕng Năm Brih ei.

Yo 2:13

Hơtai ei wă jê̆ truh năr đe pơm Giĕng Năm Brih, na Yêsu năm tơ Pơlei Jêrusalem.

Yo 2:23

Kơplah Yêsu oei tơ Pơlei Jêrusalem lăm năr đe pơm Giĕng Năm Brih, na Sư tơ'bôh kơ đe tơdrong mơsêh mơyang Sư. Na đei lơ bơngai lui kơ Sư.

Both 12:5

Mă-lei lu iĕm athei chă anih ayơ lăm adrĕch Isơrael, mă Kră Yang 'Bok Kei-Dei lu iĕm gô rơih iŏk pơm anih oei păng 'măn Anăn Sư, lu iĕm akŭm kơkuh.

Both 16:2

Tơ lăm anih mă Kră Yang gô rơih wă 'măn lê̆ Anăn Sư oei, iĕm athei iŏk triu dah rơmo, pơyơ̆r pơm Năm Brih ăn kơ Kră Yang 'Bok Kei-Dei.

Both 16:6

mă-lei athei pơyơ̆r tơ anih mă Sư gô rơih wă 'măn Anăn Sư oei tơ noh, iĕm gô pơyơ̆r sem dơrong pơm giĕng Năm Brih, gah kơsơ̆, lăp kơplah 'năr mơ̆t, kơnhăm trŏ jơ mă iĕm lĕch hlôi đơ̆ng dêh Êyiptơ.