Both 16:4 - Sơ̆p Hlabơar Nơ̆r 'Bok Kei-Dei

⁴ Lăm tơpơh năr jơ̆p kơ lăm teh char iĕm oei, ưh kơ đei bu gơh 'măn 'buih păng 'nhĕm mă pơyơ̆r kơsơ̆ năr mă mônh, 'nĕ kơ lê̆ rơkah truh tơ pơgê dơning.

Both 16:4 Iomraidhean Croise

Le 12:10

Lu iĕm 'nĕ sa 'măn truh tơ pơgê dơning; mă-lei tơdah oei đei rơkah athei 'buh pơđĭ lê̆:

Le 12:15

Lăm tơpơh năr athei sa 'bĕng ưh kơ đei 'buih pông Lăm năr blŭng-a, athei iŏk hŭt lê̆ 'buih đơ̆ng lăm hnam lu iĕm; tơdah bơngai bu sa 'bĕng đei păng 'buih pông đơ̆ng năr blŭng-a mă truh tơ năr tơpơh, lei đe gô puh tơweh bơngai 'noh đơ̆ng lu bơngai Isơrael.

Le 12:6

Đơ̆ng noh lu iĕm rong lê̆ truh năr mơjĭt-puăn khei 'nâu; na đĭ-đăng lu bơngai Isơrael athei rôp ba 'bet pơlôch til kơsơ̆ măng.

Le 12:8

Măng 'noh lu sư gô sa 'nhĕm kon triu 'buh phang hăm 'bĕng ưh kơ đei 'buih păng hla 'nhot tăng.

Le 13:7

Athei sa 'bĕng ưh kơ đei 'buih pông lăm tơpơh năr, lăm tơring iĕm 'nĕ ăn kơ đei 'bôh 'buih pông.

Le 23:18

Ih 'nĕ pơyơ̆r Pham tơmam soi 'buh hrâu, hăm tơpŭng đei 'buih pông Rơmă wă pơyơ̆r pơyom kơ Inh 'nĕ 'măn truh kơ pơgê.

Le 34:25

Ih 'nĕ kơ pơyơ̆r pham tơmam soi hơdai hăm 'bĕng đei 'buih pông, 'nhĕm tơmam soi giĕng Năm Brih noh ưh kơ gơh mơmăn truh tơ pơgê dơning.

Mathiơ 13:33

Yêsu oei bơtho pơtih gia kơ lu sư dơ̆ng: “Tơdrong 'Bok Kei-Dei pơgơ̆r kon bơngai thoi lĕ kơ 'buih pông. Minh 'nu drŏ-kăn iŏk 'buih pông tŏ sĕt bơlŭ păng tơpŭng mi minh kơthŭng na tơpŭng noh kư̆m pông pơđĭ kơ minh kơthŭng noh mơ̆n.”

Both 16:5

Iĕm ưh kơ gơh pơyơ̆r tơmam soi năr giĕng Năm Brih lăm minh anih ayơ lăm dêh mă Kră Yang iĕm gô ăn kơ iĕm,