Both 16:21 - Sơ̆p Hlabơar Nơ̆r 'Bok Kei-Dei

²¹ 'Bơ̆t cheng chơnang soi kơ Kră Yang 'Bok Kei-Dei iĕm, 'nĕ kơ pơm gơ̆ng rup yang Asêrim.

Both 16:21 Iomraidhean Croise

I Pot 14:15

Kră Yang gô teh pơrăm lu bơngai Isơrael thoi 'nhĕt trang gơlăr hoch lăm đak, sư gô buch lê̆ đơ̆ng rơh lu bơngai Isơrael đơ̆ng lăm char 'lơ̆ng rŏ, mă Kră Yang ăn kơ 'bok kơdră lu sư păng pơm kơ lu sư tơklah tơklang tơ pah to đak krong Ơphrat, yua kơ lu sư pơm gơ̆ng rup yang Asera wă tơblĕk Kră Yang.

I Pot 16:33

Ahap kư̆m man minh pôm rup yang yă Asêra. Ahap pơm lơ tơdrong yoch kơnê̆, pơm tơblĕk Kră Yang 'Bok Kei-Dei đe Isơrael hloh kơ lu pơtao đe Isơrael adrol kơ sư.

II Pot 17:16

Lu sư achăng hŭt lê̆ đĭ-đăng dôm nơ̆r Kră Yang 'Bok Kei-Dei lu sư tơtă, lu sư man kơdih 'bar tŏ rup rơmo kon păng pơm rup yang Asêra păng kơkuh kơ đĭ-đăng lu yang kơpal rơwơ̆ng, păng kơkuh kơ yang Baal.

II Pot 21:3

Sư hơmet ming lu hnam kơkuh kơ rup yang tơ kơpal kông đêl 'bă sư Hesekia yuih pơrăm lê̆ bơih; sư pơm ming chơnang soi kơkuh kơ yang Baal, pơdơ̆ng pơm ming rup Asêra lei-lăi thoi Ahap, pơtao đe Isơrael hlôi pơm bơih sơ̆, Sư soi sơmah kơ đĭ-đăng lu yang kơpal plĕnh păng bơ̆jang ăn kơ lu sư.

II Pot 21:7

Sư dan rup Asêra mă sư đei pơm lăm hnam akŭm mă Kră Yang đei khan bơih kơ Đawit păng Sôlômôn, kon drŏ-nglo sư, noh: “Lăm hnam akŭm 'nâu păng lăm Pơlei Jêrusalem; pơlei mă Inh hlôi rơih lăm lu khŭl Isơrael Inh gô ăn anăn Inh oei lăm noh, ling-lang khŏm khŏm.

II Ho 33:3

Sư man pơdơ̆ng ming dơ̆ng lu anih kơjung mă 'bă sư Hesekia đei pơrăm lê̆, pơm tơiung chơnang soi ăn kơ yang Baal păng man rup yang Asêra, kơkuh kơ đĭ-đăng lu khei sơnglŏng tơ plĕnh, drap păng kơkuh kơ lu tơmam noh.

Le 34:13

Ih athei pơrăm lê̆ chơnang soi teh pơchah lê̆ gơ̆ng păng kăl tơpăk lê̆ rup yang Asêrim lu sư.

Lêwi 26:1

Lu iĕm 'nĕ kơ man rup yang, dah traih pơm păng 'long dah pơm hăm tơmo, 'nĕ kơ pơdơ̆ng minh pôm tơmo ayơ lăm tơring iĕm đei rup na drap kơkuh 'bơ̆t anăp rup noh, yua kơ Inh boih Kră Yang 'Bok Kei-Dei lu iĕm.

Both 7:5

Mă-lei 'nâu iĕm athei pơm kơ lu sư: Pơrăm lê̆ lu chơnang soi, teh pơchah lê̆ lu gơ̆ng pơm yang lu sư păng athei kăl tơpăk lê̆ yang Asêrim păng soh pơđĭ rup yang đơ̆ng sư man dah traih.

Lu 3:7

Kon pơlei Isơrael pơm tơdrong kơnê̆ 'bơ̆t anăp Kră Yang, hiơt kơ Kră Yang 'Bok Kei-Dei lu sư, bơ̆jang kơkuh kơ rup yang Baal păng yang Asêrôt.