Both 16:18 - Sơ̆p Hlabơar Nơ̆r 'Bok Kei-Dei

¹⁸ Athei pôk ăn lu 'bok sek tơlang păng yŏng pơgơ̆r lăm lu adrĕch tơ lăm lu pơlei mă Kră Yang 'Bok Kei-Dei ăn kơ iĕm; wă gô sek tơlang kon pơlei hăm tơdrong tơpăt.

Both 16:18 Iomraidhean Croise

I Ho 23:4

Đawit khan. “Lăm lu bơngai noh, đei 'bar-jĭt puăn-rơbâu 'nu bơngai wei-lăng tơdrong jang lăm hnam Kră Yang; tơdrâu 'nu bơngai pơm bơngai wei-lăng păng pơm kră sek tơlang.

I Ho 26:29

Đơ̆ng lăm bơngai Ishar đei Kênania păng lu kon drŏ-nglo sư đe pôk pơm yŏng păng 'bok sek tơlang kơ bơngai Isơrael, lu sư athei wei-lăng tơdrong jang noh 'nguaih kơ hnam akŭm.

Esơra 7:25

Gah ih, ơ Esơra, kiơ̆ kơ tơdrong hơgei Kră Yang 'Bok Kei-Dei ih, đei boih lăm ti ih, pơjing bĕ lu 'bok wei-lăng, 'bok sek tơlang, jĭ lu bơngai hlôh băt tôm khôi juăt Kră Yang 'Bok Kei-Dei ăn kơ ih, wă kơ lu sư sek tơlang ăn đĭ kon pơlei oei gah bơmơ̆t kơ đak krong; na lu đe bu mă ưh kơ băt khôi juăt, ih athei bơtho lu sư wă kơ băt.

Le 18:21

Lei na rơih iŏk bĕ lăm kon pơlei dôm bơngai drŏ-nglo gơh hơgei hlôh wao, băt hli yom kơ Kră Yang 'Bok Kei-Dei mă tơpă, areh kơ tơdrong ưh kơ trŏ, na pôk lu sư pơm bơngai wei-lăng minh-rơbâu 'nu, minh-hrĕng 'nu, kơ pơđăm-jĭt 'nu, kơ mơjĭt 'nu bơngai.

Le 21:22

Tơdah đei tơtôn tơteh băl, hăm minh 'nu bơngai oei anăp, pơm kơ nge sư huŏng, mă-lei huay kơ đei jĭ răm nai, lei bơngai teh đe 'noh athei duh kiơ̆ kơ klo sư hơgăt păng ăn jên kư̆m kiơ̆ kơ 'bok sek tơlang.

Le 21:6

lei yŏng tơ'ngla sư gô chông ba sư năm 'bơ̆t anăp 'bok sek tơlang đơ̆ng Kră Yang 'Bok Kei-Dei, na athei sư năm jê̆ tơ 'măng dah năm jê̆ jrăng 'măng, đơ̆ng noh tơ'ngla sư athei iŏk kơnho tôt đon sư; na sư gô bơ̆jang kơ tơ'ngla sư dĭng đĭ chăl arih.

Tơdrông Pơđơk 31:23

Đe 'bôh kơnăl kơ klo sư 'bơ̆t 'măng jang, Sư ngôi hơdai hăm lu kră pơlei oei lăm dêh sư.

Mathiơ 5:21

“Iĕm kơtơ̆ng boih đe bơtho tơdrong juăt kră sơ̆ khan: ‘Iĕm 'nĕ pơlôch đe,’ ‘dah bơngai bu pơlôch đe bơngai 'noh đe rôp sek tơlang sư.’

Mathiơ 5:22

Na Inh bơtho iĕm dang ei thoi âu: Bơngai bu hil areh kơ 'nhŏng oh sư, bơngai 'noh trŏ kơ đe kư̆m rôp sek tơlang sư mơ̆n; bơngai bu pơjăm pơjuă 'nhŏng oh sư, bơngai 'noh trŏ kơ đe rôp sư tŏk sek tơlang tơ lu 'bok tih; bơngai bu pơjăm pơjuă 'nhŏng oh sư kơtul kơhlôh kơwao, lu bơngai thoi noh trŏ kơ 'Bok Kei-Dei wă phak sư lăm dơnâu ŭnh ning-mônh.

Both 16:17

Rim 'nu gô pơyơ̆r kiơ̆ kơ tơmam lu sư đei, kiơ̆ kơ đei pŭn hiôk mă Kră Yang 'Bok Kei-Dei đei ăn.

Both 16:19

'Nĕ kơ pơm glăi kơ tơdrong tơpăt; 'nĕ kơ mơ̆t minh pah; 'nĕ kơ sa tơmam đe răt apah, yua kơ tơmam đe răt apah noh pơm ăn kơ lu bơngai rơngei măt tol păng gơwĕch lê̆ nơ̆r bơngai tơpăt.

Both 17:12

Bơngai bu, ưh kơ chu kiơ̆ kơ 'bok soi dah 'bok sek tơlang oei bơ̆jang kơ Kră Yang 'Bok Kei-Dei iĕm, bơngai noh athei pơlôch. Iĕm athei sŭt pơgoh pă đei tơdrong kơnê̆ lăm Isơrael dơ̆ng.

Both 17:9

Năm roi kơ lu 'bok soi tơm adrĕch bơngai Lêwi păng kră sek tơlang hơgei mă oei jang lăm chăl noh, na apinh lu sư gô tơ'bôh ăn kơ iĕm băt sek tơlang trŏ.

Both 21:2

na lu đe kră pơlei păng lu bơngai sek tơlang athei pơtŏ lăng đơ̆ng bơngai lôch noh truh tơ lu pơlei jum dăr noh ataih dang yơ.

Both 25:1

Tơdah đei tơdrong pơjah băl, 'bar pah athei năm apinh truh tơ anih sek tơlang, lu kră sek tơlang, sek tơpăt kơ bơngai 'lơ̆ng tơpăt păng sek phak lu bơngai mă đei yoch noh.

I Sam 8:1

Kơplah Samuel đĭ kră bơih, na pơjao ăn kơ lu kon drŏ-nglo sư pơgơ̆r pơm 'bok sek tơlang kơ bơngai Isơrael.