Both 16:15 - Sơ̆p Hlabơar Nơ̆r 'Bok Kei-Dei

¹⁵ Lăm tơpơh năr iĕm athei kơkuh kơ Kră Yang 'Bok Kei-Dei păng pơm năr giĕng âu, tơ anih mă Kră Yang gô rơih; yua kơ Kră Yang 'Bok Kei-Dei iĕm gô ăn pŭn hiôk kơ iĕm lăm đĭ phĕ plei boih păng dôm tơdrong jang đơ̆ng tơpang ti pơm kơdih; lei na iĕm gô chhôk ngă 'nă hal hơdai.

Both 16:15 Iomraidhean Croise

Ne 8:17

Kon pơlei khŭl akŭm lu bơngai đơ̆ng pơm bơnă gơh wih brŏk pơm bơsŭn păng oei tơ noh. Yua kơ đơ̆ng chăl Jôsuê kon drŏ-nglo Nun, truh tơ năr noh, kon pơlei Isơrael tam mă biơh pơm et sa tih thoi noh, đei tơdrong hiôk chơt tih dêh.

Esther 9:22

yua kơ lăm năr păng khei ei lu bơngai Juđa klaih rơngei đơ̆ng lu bơngai ayăt kơ lu sư păng lu sư gơh đei rơnŭk rơnua. Tơdrong ơh sơ'ngon tơplih boih jing tơdrong chơt hiôk, tơdrong pơmat-tat tơplih boih jing năr sŏng sa chơt hiôk. Sư pơkă kơ lu sư pơm năr noh jing năr giĕng sŏng sa chơt hiôk tơăn băl tơmam lăng jơ̆ng ti păng tơgŭm bơngai dơnuh hin.

Both 12:5

Mă-lei lu iĕm athei chă anih ayơ lăm adrĕch Isơrael, mă Kră Yang 'Bok Kei-Dei lu iĕm gô rơih iŏk pơm anih oei păng 'măn Anăn Sư, lu iĕm akŭm kơkuh.

Both 16:10

Đơ̆ng rŏng kơ noh iĕm athei pơm giĕng kơ lu tơpơh 'măng giĕng 'nâu ăn kơ Kră Yang 'Bok Kei-Dei iĕm ba tơmam pơyơ̆r hăm jơhngơ̆m hiôk, kiơ̆ kơ đơ̆ng Kră Yang 'Bok Kei-Dei ăn pŭn hiôk kơ iĕm.

Both 16:14

Hơdai hăm kon drŏ-nglo kon drŏ-kăn, đĭch drŏ-nglo đam drŏ-kăn, bơngai Lêwi, bơngai tơmoi, bơngai mơti păng bơngai adro oei hơdai lăm pơlei iĕm, kư̆m hơdai wăng hiôk chơt 'blŏk hơdơ̆r pơm giĕng.

Both 16:16

Rim 'nu bơngai drŏ-nglo, rim sơnăm pêng wơ̆t, athei năm kơkuh kơ Kră Yang 'Bok Kei-Dei iĕm, tơ anih mă Sư gô rơih, noh lăm năr pơm giĕng sa 'bĕng ưh kơ đei 'Buih Pông, pơm giĕng kĕch yuă phĕ păng pơm giĕng Bơsŭn; ưh kơ đei bu năm kơkuh kơ Kră Yang hăm tơpang ti hoh.

Both 30:16

Năr 'nâu inh athei iĕm 'mêm kơ Kră Yang 'Bok Kei-Dei, yak kiơ̆ trong Sư păng wei răk dôm lu nơ̆r tơtă, khôi juăt Sư păng nơ̆r Sư athei, wă kơ iĕm arih sot hrôh ngôh, Kră Yang 'Bok Kei-Dei ăn pŭn hiôk kơ lăm dêh char mă iĕm gô mơ̆t iŏk.

Both 7:13

Kră Yang sư 'mêm mơnat kơ iĕm, ăn tơdrong pŭn hiôk kơ iĕm ăn kơ lu kon sâu iĕm rai lơ hrôh ngôh; Sư gô ăn tơdrong pŭn hiôk kơ lu kon iĕm đơ̆ng blu pôih, ăn tơmam đơ̆ng teh, ăn phe 'ba, hơ'bo, plei hơmu păng đak rơmă plei 'long ôliwơ kơ iĕm, ăn rơmo, triu rai lơ lăm teh đak, mă sư đei pơkă pơkăm boih hăm 'bok iĕm, wă ăn kơ iĕm.