Both 16:13 - Sơ̆p Hlabơar Nơ̆r 'Bok Kei-Dei

¹³ Iĕm kĕch yuă iŏk 'ba păng phĕ plei hơmu đang boih, iĕm athei pơm giĕng Bơsŭn lăm tơpơh năr.

Both 16:13 Iomraidhean Croise

II Ho 5:3

Đĭ-đăng lu drŏ-nglo bơngai Isơrael akŭm năm tơ pơtao wă pơm giĕng trŏ lăm khei tơpơh.

II Ho 8:13

Sư pơyơ̆r rim năr kiơ̆ kơ Môis pơkă boih pơyơ̆r lăm năr giĕng Sa'bat, năr khei tơ'bang păng pêng kơ̆m giĕng lăm sơnăm noh lu năr giĕng sa 'bĕng ưh kơ đei 'Buih pông, kơ̆m giĕng phĕ kĕch, năr giĕng Bơsŭn.

Esơra 3:4

Lu sư kư̆m bơwei giĕng bơsŭn, kiơ̆ thoi đei chih păng soi pơyơ̆r lu tơmam soi 'buh, kiơ̆ kơ đei hơgăt kơ rim năr.

Le 23:16

Ih athei wei năr 'blŏk hơdơ̆r kơ bơyan phĕ kĕch yuă wă khan bơyan plei 'long blŭng-a đơ̆ng ih bơ̆jang păng dôm adrĕch ih rei boih tơ chŭn mir; păng 'blŏk hơdơ̆r kơ bơyan phĕ kĕch yuă wă hlôi, kơplah lu iĕm đei phĕ kĕch yuă plei đơ̆ng chŭn mir,

Le 34:22

Ih athei 'blŏk răk năr giĕng, bơyan blŭng-a ih kĕch phĕ, yuă 'ba mi, hăm bơyan ih phĕ kĕch yuă tuch-luch lăm sơnăm.

Je 40:10

Inh athei oei lăm pơlei Mispa, tang măt kơ lu iĕm chă pơma dơnuh hăm lu bơngai Kalđê dah lu sư truh tơ bơ̆n; gah lu iĕm gơh chă phĕ plei hơmu, plei đum bơyan phang păng plei ôliwơ, na hmĕt đak sư mong lăm ge, na oei bĕ lăm pơlei mă iĕm đei oei boih.”

Jo 15:20

Iĕm iŏk minh tơpei 'bĕng wă pơm tơmam soi, wă khan đơ̆ng tơpŭng blŭng-a iĕm tam mă bơlŭ hrâu; lu iĕm pơyơ̆r lei-lăi thoi tơmam soi đơ̆ng anih đe preh 'ba noh mơ̆n.

Yo 7:2

Lăp wă jê̆ truh năr giĕng đe Juđê mă đe anăn Giĕng Bơsŭn,

Both 31:10

Păng pơkă kơ lu sư: Tôch rim kơ tơpơh sơnăm, lăm sơnăm ăn rơngei đơ̆ng hre, lăm năr pơm Giĕng Bơsŭn.