Both 15:7 - Sơ̆p Hlabơar Nơ̆r 'Bok Kei-Dei

⁷ Mă-lei tơdah lăm dêh mă đơ̆ng Kră Yang 'Bok Kei-Dei asong ăn, oei đei bơngai dơnuh hin, na 'nĕ kơ kret kơ lu bơngai noh.

Both 15:7 Iomraidhean Croise

Ne 5:1

Kơplah noh đei kơtơ̆ng nơ̆r pơma jŏk tơtok tih lăm lu kon pơlei păng akăn lu 'nhŏng oh lu sư kơdih bơngai Juđa.

Esther 9:19

Yua kơ noh lu bơngai Juđa oei lăm pơlei iĕ, iŏk năr mơjĭt-puăn khei Adar pơih minh năr pơm sŏng sa tih chơt hiôk 'blŏk hơdơ̆r pơm năr giĕng pơdơh, lăm năr noh lu sư gơih băl tơmam lăng jơ̆ng ti tơduă lu sư.

Esther 9:22

yua kơ lăm năr păng khei ei lu bơngai Juđa klaih rơngei đơ̆ng lu bơngai ayăt kơ lu sư păng lu sư gơh đei rơnŭk rơnua. Tơdrong ơh sơ'ngon tơplih boih jing tơdrong chơt hiôk, tơdrong pơmat-tat tơplih boih jing năr sŏng sa chơt hiôk. Sư pơkă kơ lu sư pơm năr noh jing năr giĕng sŏng sa chơt hiôk tơăn băl tơmam lăng jơ̆ng ti păng tơgŭm bơngai dơnuh hin.

Le 22:25

Tơdah lu iĕm ăn kơ lu 'nhŏng oh dơnuh tŏk iŏk jên, 'nĕ kơ iŏk jên kiĕng thoi bơngai juăt ăn đe tŏk iŏk.

Tơdrông Pơđơk 19:17

Bơngai bu băt mơnat kơ bơngai dơnuh hoh, noh thoi ăn kơ Kră Yang mơng; Kră Yang pơkă wă tơwih ăn thoi tơdrong 'lơ̆ng sư pơm.

Tơdrông Pơđơk 21:13

Bơngai bu chĭt đon kuă kơ mơ̆ng nơ̆r lu bơngai dơnuh hin krao ôr, Bơngai noh đe kư̆m kuă kơ mơ̆ng drơ̆ng nơ̆r sư krao ôr mơ̆n.

Êsai 58:10

Tơdah iĕm đĭ jơhngơ̆m rong lu bơngai pơmat-tat păng asong ăn sa phĭ kơ lu bơngai pơngot, lei tơdrong hơdah ih gô pơchrang lăm măng mu, kơplah noh măng ih thoi lĕ kơ 'năr dơ̆ng.

Lêwi 25:35

Tơdah 'nhŏng oh oei hơdai ih jing dơnuh hin mŭk tơmam 'me sa kơdih akâu ưh kơmah, ih athei tơgŭm 'me rong sư, mă khan sư bơngai tơmoi oei tơ âu, wă kơ sư gơh oei hơdai ih.

Mathiơ 18:30

Mă-lei bơngai mă đêl hre kơ 'bok pơtao noh ưh kơ băt mơnat kơ bôl sư, sư tah bôl sư lăm hnam phak tơ̆p mă bôl sư duh tôm na tơlĕch.

Mathiơ 5:42

Bu apinh tơmam iĕm, iĕm athei asong; bu apinh mơng, iĕm athei ăn 'bônh.

Both 15:11

Yua kơ gô đei ling-lang lu bơngai dơnuh hin oei lăm dêh char, thoi noh, na inh hơpơi khan kơ iĕm; athei bơlang ti hơmrah asong kơ lu 'nhŏng oh bơngai dơnuh pơmat-tat mă oei hơdai lăm dêh char iĕm.

Both 15:9

Kơchăng bĕ, 'nĕ kơ răk mong tơchĕng kơnê̆ 'nâu: Sơnăm mă tơpơh jơ̆ sơnăm ăn rơngei wă truh boih! Kơchăng bĕ, wă kơ iĕm huay kơ đei jơhngơ̆m kơnê̆ hăm lu 'nhŏng oh iĕm bơngai dơnuh hin, ưh kơ ăn lu sư gơh tŏk iŏk kiơ, kơnh lu sư krao ôr Kră Yang tơmăk kơ iĕm, iĕm gô đei tơdrong yoch.

Both 24:14

Iĕm 'nĕ kơ pơm kơ lu bơngai dơnuh păng bơngai hoh kơ đei, mă khan 'nhŏng oh iĕm bơngai Isơrael dah bơngai tơmoi chă oei lăm pơlei iĕm.