Both 15:6 - Sơ̆p Hlabơar Nơ̆r 'Bok Kei-Dei

⁶ Kră Yang 'Bok Kei-Dei iĕm gô ăn pŭn hiôk kơ iĕm kiơ̆ thoi nơ̆r Sư đei pơkă; iĕm gô ăn kơ lơ teh đak gơh tŏk iŏk, mă gah iĕm huay kơ tŏk iŏk đơ̆ng teh đak nai; iĕm gô pơgơ̆r lơ teh đak, teh đak nai ưh kơ gơh pơgơ̆r teh đak iĕm.

Both 15:6 Iomraidhean Croise

I Pot 4:21

Pơtao Sôlômôn pơgơ̆r kon pơlei pơla lăm dêh char sư, iŏk đơ̆ng đak Krong Ơphrat truh tơ dêh char Philistin păng truh tơ hơdral Êyiptơ. Rim kơ teh đak chu bơ̆jang păng ra ăn kơ pơtao Sôlômôn truh đĭ chăl arih sư.

I Pot 4:24

Sôlômôn pơgơ̆r jơ̆p kơ dêh char gah bơmơ̆t kơ đak Krong Ơphrat, sư pơgơ̆r hloi lu pơtao dêh char noh, đơ̆ng pơlei Tipsa truh tơ pơlei Gasa păng sư oei hiôk hơiă hăm kon pơlei pơla jum dăr kơ sư.a

I Ho 17:27

Ih hiôk ăn tơdrong pŭn hiôk kơ hnam đĭch đam Ih, wă kơ sư gơh oei đei ling-lang khŏm khŏm 'bơ̆t anăp Ih, yua kơ, ơ Kră Yang, tơmam kiơ ih ăn pŭn hiôk, gô đei pŭn hiôk ling-lang khŏm khŏm!”

II Ho 9:26

Sư pơgơ̆r lu pơtao, iŏk đơ̆ng đak Krong Ơphrat truh tơ char Philistin păng dĭng truh tơ hơdral hăm char Êyiptơ.

Esơra 4:20

Tơ pơlei Jêrusalem kư̆m đei boih lu pơtao pran kơtang, wei-lăng pơgơ̆r đĭ jơ̆p kơ dêh char gah to đak krong păng lu đe tuh pơyơ̆r ăn tơmam, ăn jên thuê̆ păng ăn jên trong kơ lu pơtao noh.

Ne 9:27

Yua kơ thoi noh Ih jao boih lu sư lăm tơpang ti đe ayăt kơ lu sư; lu đe pơmat pơm kơnê̆ kơ lu sư, lăm lu sư đei tơdrong pơmat-tat lu sư ôr krao chă Ih păng Ih đơ̆ng kơpal plĕnh mơ̆ng lu sư; jơhngơ̆m 'mêm Ih tih dêh, Ih yua lu bơngai nuih pran kơtang dŏng pơklaih đơ̆ng lu bơngai ayăt kơ lu sư.

Horiso 112:5

Pŭn dêh kơ bu băt mơnat păng ăn kơ đe tŏk iŏk. Bơngai 'noh sư jang 'lơ̆ng tơpăt.

Horiso 37:21

Lu bơngai kơnê̆ tŏk iŏk, na pơdrâu ưh kơ kĕ. Gah lu bơngai tơpăt hơmrah păng asong tŏk iŏk.

Horiso 37:26

Rim năr sư hơmrah păng asong ăn đe tŏk iŏk; Kon sâu sư đei pŭn hiôk.

Tơdrông Pơđơk 22:7

Bơngai mơdrŏng jing yŏng lu bơngai dơnuh, Bơngai bu tŏk iŏk jing đĭch kơ bơngai ăn iŏk.

Luka 6:35

Thoi noh na iĕm athei 'mêm, pơm 'lơ̆ng kơ lu bơngai mă pơm kơnê̆ kơ iĕm. Iĕm athei ăn kơ đe mơng jên iĕm păng 'nĕ pă hơmĕng kơ jên noh. Tơ̆ng iĕm pơm thoi noh, 'Bok Kei-Dei gô apah iĕm tih tơpă păng iĕm jing kon Kră Yang Tih Hloh, yua kơ Sư kư̆m pơm 'lơ̆ng kơ lu bơngai kơnê̆ păng lu bơngai mă ưh kơ băt bơnê kơ Sư mơ̆n.

Both 15:5

Tơdah iĕm chu mơ̆ng kiơ̆ nơ̆r Kră Yang 'Bok Kei-Dei iĕm păng kơchăng pơm kiơ̆ nơ̆r tơtă mă inh đei bơtho khan ăn kơ iĕm năr âu.

Both 28:44

Lu sư ăn kơ iĕm tŏk iŏk, mă-lei gah iĕm ưh kơ đei ăn kơ bu tŏk iŏk; lu sư gô pơm kơ̆l, gah iĕm jing kiĕng.