Both 15:4 - Sơ̆p Hlabơar Nơ̆r 'Bok Kei-Dei

⁴ Ưh kơ wă lăm lu iĕm đei bơngai dơnuh, yua kơ đei Kră Yang gô ăn pŭn hiôk rơkah rơkai lăm dêh mă Kră Yang ăn kơ iĕm đei iŏk teh bơ̆jang sa,

Both 15:4 Iomraidhean Croise

Tơdrông Pơđơk 14:21

Bơngai bu areh kơ rông 'bôt sư noh bơngai yoch; Mă-lei pŭn hiôk dêh kơ bơngai bu băt mơnat kơ bơngai dơnuh hin.

Tơdrông Pơđơk 28:27

Bơngai bu asong ăn kơ bơngai dơnuh hin ưh kơ kơ'bah ôh. Mă-lei bơngai bu ưh kơ băt mơnat gô đei đe blei hiap.

Both 14:29

Lu bơngai Lêwi, yua kơ lu ưh kơ đei mŭk tơmam teh jang sa tơ lăm lu iĕm ôh păng lu bơngai tơmoi, lu bơngai mơti păng lu bơngai yă adro mă oei hơdai lăm pơlei iĕm, kư̆m gô năm sa phĭ mah; thoi ei Kră Yang 'Bok Kei-Dei iĕm ăn pŭn kơ dôm tơdrong jang đơ̆ng tơpang ti iĕm kơdih pơm.

Both 15:5

Tơdah iĕm chu mơ̆ng kiơ̆ nơ̆r Kră Yang 'Bok Kei-Dei iĕm păng kơchăng pơm kiơ̆ nơ̆r tơtă mă inh đei bơtho khan ăn kơ iĕm năr âu.

Both 28:11

Kră Yang iĕm gô ăn kơ iĕm đei mŭk tơmam rơkah rơkai, tơ lăm dêh mă Kră Yang hlôi pơkă boih hăm lu 'bok iĕm wă ăn kơ iĕm ăn kơ lu kon sâu iĕm hrôh lơlang lơlap, sem dơrong chek lar păng hơnik nơnăm đơ̆ng teh pơgar iĕm gô đei thim rai lơ.

Both 3:18

Kơplah noh, inh tơtă kơ lu iĕm, khan, Kră Yang 'Bok Kei-Dei lu iĕm jao boih dêh âu kơ lu iĕm iŏk bơ̆jang sa; đĭ-đăng lu bơngai nuih kơtang lu iĕm athei chĕp đao hơlă yak năm adrol kơ lu 'nhŏng oh bơ̆n, kon pơlei Isơrael.

Both 4:21

Na Kră Yang hil kơ inh; yua kơ lu iĕm na Sư pơkăm khan ưh kơ ăn inh tŏk hlôi kơ đak Krong Jôrđăn păng ưh kơ ăn inh mơ̆t tơ dêh 'lơ̆ng rŏ mă Kră Yang 'Bok Kei-Dei lu iĕm wă ăn kơ lu iĕm bơ̆jang sa.