Both 15:11 - Sơ̆p Hlabơar Nơ̆r 'Bok Kei-Dei

¹¹ Yua kơ gô đei ling-lang lu bơngai dơnuh hin oei lăm dêh char, thoi noh, na inh hơpơi khan kơ iĕm; athei bơlang ti hơmrah asong kơ lu 'nhŏng oh bơngai dơnuh pơmat-tat mă oei hơdai lăm dêh char iĕm.

Both 15:11 Iomraidhean Croise

Le 23:11

mă-lei truh tơ sơnăm mă tơpơh ih ưh kơ choh pơtăm athei lê̆ teh pơdơh. Wă kơ lu bơngai dơnuh hin lăm kon pơlei pơla ih gơh yua iŏk plei đơ̆ng teh 'noh, oei đei đăi dôm yơ, lê̆ kơ sem bri sa kư̆m athei pơm thoi noh gah pơgar hơmu hăm pơgar 'long ôliwơ.

Tơdrông Pơđơk 19:17

Bơngai bu băt mơnat kơ bơngai dơnuh hoh, noh thoi ăn kơ Kră Yang mơng; Kră Yang pơkă wă tơwih ăn thoi tơdrong 'lơ̆ng sư pơm.

Tơdrông Pơđơk 22:2

Bơngai mơdrŏng bơngai dơnuh kư̆m lei-lăi. Bre sư đơ̆ng Kră Yang pơjing ngăl.

Tơdrông Pơđơk 31:20

Sư hơmrah tơgŭm lu bơngai dơnuh hoh. Ti sư tơpơng drơng dŏng tơgŭm lu bơngai pơmat-tat.

Êsêkiên 18:7

Ưh kơ pơjuă pơđep bu, pơdrâu tơmam kơ lu bơngai đêl iŏk hre, ưh kơ tơtông tơmam đe, ăn 'bĕng sa kơ lu bơngai pơngot, ăn ao hrŭk kơ lu bơngai koh hoh.

Mathiơ 26:11

Lu bơngai dơnuh hin sư oei păng iĕm ling-lang, gah Inh ưh kơ oei păng iĕm ling-lang ôh.

Mathiơ 5:42

Bu apinh tơmam iĕm, iĕm athei asong; bu apinh mơng, iĕm athei ăn 'bônh.

Markôs 14:7

Bơngai dơnuh sư oei păng iĕm ling-lang. Dah iĕm wă mơnat kơ sư mă layơ kư̆m gơh, yua kơ Inh âu ưh kơ oei păng iĕm ling-lang ôh.

Luka 12:33

Tĕch tơmam iĕm na tơgŭm lu bơngai dơnuh hin, na iĕm gô đei jên mă huay kơ hiong hiach oei 'măn lê̆ kơ iĕm tơ plĕnh ti. Tơ ei ưh kơ đei bơngai bu mă gơh tơtông iŏk dơ̆ng ôh. Tơ ei mua kư̆m ưh kơ gơh reh ngơ̆r tơmam iĕm mơ̆n.

Yo 12:8

Lu bơngai dơnuh hin sư oei hơdai hăm iĕm ling-lang tơ ala teh âu, mă-lei Inh âu ưh kơ oei hơdai hăm iĕm ling-lang ôh.”

Jang 2:45

Lu sư tĕch mŭk tơmam, chŭn mir sư, asong băl jên kơ rim 'nu lu sư kiơ̆ kơ kăl yua.

Both 15:7

Mă-lei tơdah lăm dêh mă đơ̆ng Kră Yang 'Bok Kei-Dei asong ăn, oei đei bơngai dơnuh hin, na 'nĕ kơ kret kơ lu bơngai noh.

Both 15:8

Mă-lei athei bơlang ti, asong ăn tŏk iŏk tôm tơmam kiơ mă lu sư kăl wă.