Both 15:10 - Sơ̆p Hlabơar Nơ̆r 'Bok Kei-Dei

¹⁰ Iĕm athei ăn kơ đe tŏk iŏk mă hơlăng, 'nĕ ăn hăm jơhngơ̆m ưh kơ hiôk; thoi ei Kră Yang 'Bok Kei-Dei iĕm gô ăn pŭn hiôk lăm dôm tơdrong jang đơ̆ng tơpang ti pơm.

Both 15:10 Iomraidhean Croise

Tơdrông Pơđơk 22:9

Bơngai bu đei măt lăng mơnat sư gô đei pŭn hiôk. Yua kơ sư đei tơgŭm tơmam sa kơ lu bơngai dơnuh hin.

Bôk Bơthô 11:1

Gơih bĕ mŭk tơmam ih tơ kơpal đak, na ning-mônh kơnh ih gô đei sư dơ̆ng.

Êsai 32:8

Mă-lei lu bơngai 'lơ̆ng sư chă đon 'lơ̆ng, sư ling-lang jang hăm tơdrong 'lơ̆ng sư.

Êsai 58:10

Tơdah iĕm đĭ jơhngơ̆m rong lu bơngai pơmat-tat păng asong ăn sa phĭ kơ lu bơngai pơngot, lei tơdrong hơdah ih gô pơchrang lăm măng mu, kơplah noh măng ih thoi lĕ kơ 'năr dơ̆ng.

Mathiơ 25:40

Na Inh bơngai mă pơm Pơtao iĕm gô khan kơ iĕm thoi âu: ‘Inh khan kơ iĕm tơpă, yua kơ iĕm băt tơgŭm mơnat kơ lu 'nhŏng oh Inh âu mă iĕ hloh kơ lu iĕm đe sơ̆, tơdrong iĕm pơm noh dang iĕm tơgŭm Inh mơ̆n.’

Jang 20:35

Thoi noh lăm tôm tơdrong inh tơ'bôh kơ iĕm bơ̆n athei jang gleh 'mơ̆i na gơh đei tơmam 'me rong akâu kơdih hăm athei đei đon tơdŏng mơnat kơ lu bơngai dơnuh hoh. Bơ̆n 'nĕ hiơt mă âu nơ̆r Kră Yang Yêsu khan pơkă kơ bơ̆n hơdrol sơ̆ thoi âu: ‘Tơdah đe tơgŭm bơ̆n, jơhngơ̆m bơ̆n kư̆m hiôk mơ̆n; dah bơ̆n tơgŭm đe, jơhngơ̆m bơ̆n hiôk hloh loi.’ ”

Rom 12:8

Dah Sư ăn kơ bơ̆n hơgei gah tơdrong gơh pơlung đe lui kơjăp, bơ̆n kư̆m adrin gah tơdrong pơlung đe lui kơjăp. Sư wă kơ bơ̆n hơlăng kơ bơngai dơnuh tơmam, bơ̆n kư̆m adrin jang kiơ̆ thoi noh. Dah Sư ăn kơ bơ̆n wei-lăng đe, bơ̆n adrin wei-lăng đe. Dah Sư wă kơ bơ̆n tơgŭm lu bơngai pơmat-tat, bơ̆n athei tơgŭm lu bơngai pơmat-tat noh tơpă păng ăn kơ jơhngơ̆m bơ̆n pơm hiôk kơ lu sư.

Both 14:19

Kon sem kơep lep-ler đei pơnăr păr jing kơnê̆ kơ lu iĕm.

Both 14:29

Lu bơngai Lêwi, yua kơ lu ưh kơ đei mŭk tơmam teh jang sa tơ lăm lu iĕm ôh păng lu bơngai tơmoi, lu bơngai mơti păng lu bơngai yă adro mă oei hơdai lăm pơlei iĕm, kư̆m gô năm sa phĭ mah; thoi ei Kră Yang 'Bok Kei-Dei iĕm ăn pŭn kơ dôm tơdrong jang đơ̆ng tơpang ti iĕm kơdih pơm.

Both 15:18

'Nĕ kơ lăng hơnat ôh ăn kơ đĭch rơngei, yua kơ sư bơ̆jang kơ iĕm tơdrâu sơnăm boih, sa apah dang 'bar wơ̆t kơ minh 'nu bơngai jang hmă; thoi noh na Kră Yang 'Bok Kei-Dei gô ăn pŭn hiôk kơ iĕm lăm dôm tơdrong jang iĕm. Pơyơ̆r kon sem dơrong tuh blŭng-a

Both 15:4

Ưh kơ wă lăm lu iĕm đei bơngai dơnuh, yua kơ đei Kră Yang gô ăn pŭn hiôk rơkah rơkai lăm dêh mă Kră Yang ăn kơ iĕm đei iŏk teh bơ̆jang sa,

Both 23:20

Lu iĕm gơh iŏk kiĕng đơ̆ng lu bơngai 'nguaih, mă-lei 'nĕ kơ iŏk kiĕng đơ̆ng lu 'nhŏng oh iĕm kơdih, Isơrael, lei na Kră Yang 'Bok Kei-Dei iĕm ăn pŭn hiôk kơ iĕm lăm dôm tơdrong iĕm jang sa lăm dêh mă iĕm wă mơ̆t iŏk.

Both 24:19

Kơplah iĕm yuă 'ba tơ mir chŭn, na hiơt minh hơchô̆ 'ba oei tơ noh, 'nĕ pă năm wơ̆t iŏk dơ̆ng hơchô̆ 'ba noh lê̆ kơ lu bơngai tơmoi, lu bơngai mơti păng lu yă adro, wă kơ Kră Yang 'Bok Kei-Dei iĕm ăn pŭn hiôk kơ iĕm lăm dôm tơdrong jang đơ̆ng iĕm pơm.

Both 28:8

Kră Yang gô pơm ăn kơ iĕm pŭn hiôk, tơ lăm pơk 'ba păng tơ lăm lu tơdrong jang iĕm pơm; Sư gô ăn pŭn hiôk kơ iĕm lăm dêh char mă Kră Yang 'Bok Kei-Dei wă ăn.

Hêbrơ 13:16

Iĕm 'nĕ hiơt kơ tơdrong pơm 'lơ̆ng kơ đe, iĕm athei ra tơmam iĕm kơdih wă tơgŭm lu 'nhŏng oh dơnuh. Tơdrong noh kư̆m dang ra tơmam soi mơ̆n, wă pơhiôk kơ 'Bok Kei-Dei.

I Pet 4:11

Dah Sư ăn kơ bơ̆n hơgei bơtho đe tơdrong Sư, bơ̆n athei adrin bơtho tơbăt kơ đe tơdrong Sư tơpă. Dah Sư ăn kơ bơ̆n hơgei gah tơdrong tơgŭm đe, bơ̆n athei gơnang kơ Sư tơpă, na bơ̆n gơh jang tơdrong tơgŭm đe. Thoi noh na đe băt kơ tơdrong jang bơ̆n, na ư-ang 'Bok Kei-Dei păng đe gô băt kơ bơ̆n đơ̆ng Yêsu Krist tơgŭm, yua kơ Sư mơsêh mơyang pơgơ̆r tôm tơdrong ưh kơ layơ tôch. A-men.