Both 14:29 - Sơ̆p Hlabơar Nơ̆r 'Bok Kei-Dei

²⁹ Lu bơngai Lêwi, yua kơ lu ưh kơ đei mŭk tơmam teh jang sa tơ lăm lu iĕm ôh păng lu bơngai tơmoi, lu bơngai mơti păng lu bơngai yă adro mă oei hơdai lăm pơlei iĕm, kư̆m gô năm sa phĭ mah; thoi ei Kră Yang 'Bok Kei-Dei iĕm ăn pŭn kơ dôm tơdrong jang đơ̆ng tơpang ti iĕm kơdih pơm.

Both 14:29 Iomraidhean Croise

Horiso 41:1

Pŭn dêh bơngai bu mă 'blŏk tơtăm bơngai rơdu tơrăn! Lăm năr anat anot Kră Yang gô tơgŭm dŏng sư.

Horiso 41:2

Kră Yang gô wei-lăng păng wei wêr tơdrong arih sư. Sư gô đei pŭn hiôk kơpal teh păng Kră Yang ưh kơ đei lê̆ bơngai noh kiơ̆ thoi lu ayăt kơ sư wă,

Horiso 94:6

Lu sư pơlôch bơngai drŏ-kăn adro; Lu bơngai tơmoi. Păng kư̆m pơlôch lu bơngai mơti.

Tơdrông Pơđơk 11:24

Bơngai bu đei đon hơmrah, gô rai mơdrŏng dêh. Bơngai bu kret pơ'met rai kơmah kơ'bah rai dêh.

Tơdrông Pơđơk 19:17

Bơngai bu băt mơnat kơ bơngai dơnuh hoh, noh thoi ăn kơ Kră Yang mơng; Kră Yang pơkă wă tơwih ăn thoi tơdrong 'lơ̆ng sư pơm.

Êsai 1:17

Pơhrăm iŏk bĕ tơdrong 'lơ̆ng, chă lu tơdrong tơpăt, tơiung lu bơngai đe pơjuă, dŏng tơgŭm lu bơngai mơti, pơma dŏng lu bơngai adro.

Lêwi 19:34

Bơngai tơmoi mă chă oei pơdơh hơdai lu iĕm, athei lăng sư thoi kon pơlei iĕm kơdih. Athei 'mêm kơ lu sư thoi iĕm 'mêm akâu kơdih; yua kơ lu iĕm kư̆m đêl jing bơngai tơmoi oei tơ char Êyiptơ sơ̆. Inh boih Kră Yang 'Bok Kei-Dei lu iĕm.

Jo 18:20

Kră Yang khan kơ Arôn: Lăm char bơngai Isơrael ih ưh kơ đei ôh teh jang sa păng ưh kơ đei asong ih tơmam kiơ ôh đơ̆ng adrĕch noh; Inh boih jing mŭk tơmam ih đơ̆ng lăm adrĕch Isơrael.

Luka 11:41

Iĕm athei asong ăn kơ lu bơngai dơnuh hin tơmam sa iĕm lăm pơnhan noh na 'Bok Kei-Dei kư̆m lăng tôm tơdrong iĕm rơgoh 'lơ̆ng ngăl.

Luka 6:35

Thoi noh na iĕm athei 'mêm, pơm 'lơ̆ng kơ lu bơngai mă pơm kơnê̆ kơ iĕm. Iĕm athei ăn kơ đe mơng jên iĕm păng 'nĕ pă hơmĕng kơ jên noh. Tơ̆ng iĕm pơm thoi noh, 'Bok Kei-Dei gô apah iĕm tih tơpă păng iĕm jing kon Kră Yang Tih Hloh, yua kơ Sư kư̆m pơm 'lơ̆ng kơ lu bơngai kơnê̆ păng lu bơngai mă ưh kơ băt bơnê kơ Sư mơ̆n.

Both 10:9

Thoi noh lu bơngai Lêwi ưh kơ đei teh jang sa hơdai hăm lu 'nhŏng oh lu sư, Kră Yang boih jơ̆ tơmam lu sư, kiơ̆ thoi Kră Yang đei khan boih hăm lu sư.

Both 12:12

Tơ noh lu iĕm, kon drŏ-nglo, kon drŏ-kăn, đĭch drŏ-nglo păng đĭch drŏ-kăn lu iĕm lu bơngai Lêwi mă oei lăm pơlei hơdai lu iĕm, lu bơngai mă ưh kơ đei iŏk tơmam dah teh jang sa kơdih gô chơt hiôk 'bơ̆t anăp Kră Yang 'Bok Kei-Dei iĕm.

Both 14:27

'Nĕ kơ hiơt achăng lê̆ lu bơngai Lêwi mă oei hơdai lăm pơlei iĕm, yua kơ lu sư ưh kơ đei teh jang sa lăm lu iĕm.

Both 15:10

Iĕm athei ăn kơ đe tŏk iŏk mă hơlăng, 'nĕ ăn hăm jơhngơ̆m ưh kơ hiôk; thoi ei Kră Yang 'Bok Kei-Dei iĕm gô ăn pŭn hiôk lăm dôm tơdrong jang đơ̆ng tơpang ti pơm.

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

Both 16:14

Hơdai hăm kon drŏ-nglo kon drŏ-kăn, đĭch drŏ-nglo đam drŏ-kăn, bơngai Lêwi, bơngai tơmoi, bơngai mơti păng bơngai adro oei hơdai lăm pơlei iĕm, kư̆m hơdai wăng hiôk chơt 'blŏk hơdơ̆r pơm giĕng.

Both 23:21

Mưh lu iĕm pơkă pơkăm hăm Kră Yang 'Bok Kei-Dei iĕm, 'nĕ kơ pơhiơ̆ gô đunh, athei pơm pơkeh hloi, yua kơ Kră Yang 'Bok Kei-Dei lu iĕm athei iĕm pơm pơkeh tơdrong iĕm pơkă pơkăm ei; dah iĕm ưh kơ pơm pơkeh hloi, lei iĕm gô pŭ tơdrong yoch.

Both 28:8

Kră Yang gô pơm ăn kơ iĕm pŭn hiôk, tơ lăm pơk 'ba păng tơ lăm lu tơdrong jang iĕm pơm; Sư gô ăn pŭn hiôk kơ iĕm lăm dêh char mă Kră Yang 'Bok Kei-Dei wă ăn.

Both 6:11

Hnam oei 'bĕnh-'bang kơ mŭk tơmam 'lơ̆ng mă lu iĕm ưh kơ đei răt mong, lu sơlŭng đak mă lu iĕm ưh kơ đei sir, tơm hơmu păng 'long ôliwơ mă lu iĕm ưh kơ đei pơtăm, gô đei sa mah rơkah rơkai.

Hêbrơ 13:2

Tơmoi truh athei băt kơ sơng iŏk tơ hnam bơ̆n, mă khan bơ̆n ưh tam mă juăt kơ sư đơ̆ng sơ̆. Đei lu yă 'bok sơ̆, sư sơng iŏk bơngai tơmoi kư̆m thoi noh mơ̆n. Đơ̆ng sơ̆ sư ưh tam mă tơ'bơ̆p lu bơngai tơmoi noh ôh, sư ngêh kơ lu bơngai tơmoi noh kon bơngai bơ̆n đĕch, mă tă kơ lu linh jang 'lơ̆ng 'Bok Kei-Dei đơ̆ng plĕnh.

Ya 1:27

Bơngai lui bu băt kơ năm ngôi tơ lu kon mơti, lu bơngai adro apo pơmat-tat kơ'bah kơ'bôch păng sư ưh kơ kiơ̆ thoi lu bơngai tơ ala teh ưh kơ lui, bơngai noh boih 'Bă tơm bơ̆n 'Bok Kei-Dei jô̆ sư lui kơjăp hăm pơm tơpăt.