Both 14:1 - Sơ̆p Hlabơar Nơ̆r 'Bok Kei-Dei

¹ Lu iĕm jing kon Kră Yang 'Bok Kei-Dei lu iĕm, dah đei bơngai lôch 'nĕ kơ 'bet akâu kơdih, dah hơkôih sŏk klĕng;

Both 14:1 Iomraidhean Croise

Bl 6:2

Lu kon tơdăm yang 'bôh kon adruh kon bơngai 'lơ̆ng hơbŏ na iŏk oei, adruh ayơ mă sư lăp đon.

Bl 6:4

Chăl noh păng chăl đơ̆ng rŏng kơ noh đei lu bơngai mă tih kơjung arih kơpal teh, yua kơ tơdăm yang oei hơdai hăm lu adruh kon bơngai na pơjing kon hơ'lơ̆p; noh lu bơngai nuih kơtang sơ̆ đe ư-ang kơ lu sư.

I Pot 18:28

Kơtơ̆ng lei lu sư krao ôr rai rơ̆n, iŏk đao tơju raih akâu lu sư kơdih pham lĕch djrông djrang mang.

Êsai 63:16

Mă-lei Ih bơih 'Bă lu nhôn mă khan Abraham ưh kơ băt kơ lu nhôn Isơrael kư̆m ưh kơ jô̆ lu nhôn; Ơ Kră Yang Ih jơ̆ 'Bă lu nhôn. Anăn Ih jơ̆ Tơ'ngla dŏng pơklaih lu nhôn ling-lang đơ̆ng sơ̆.

Je 16:6

“Đĭ bơngai pơm tih păng bơngai hmă gô lôch lăm teh đak âu. Ưh kơ đei bu 'bŭ păng kư̆m ưh kơ đei bu nhơ̆m hmoi kơ lu sư. Ưh kơ đei bu raih akâu dah yuă sŏk yua kơ lu sư.

Je 3:19

Gah Inh hơpơi: “Rŏ kơ Inh lăng iĕm thoi kon drŏ-nglo Inh, Inh ăn kơ lu iĕm dêh char 'lơ̆ng, teh jang sa 'lơ̆ng hloh kơ đĭ-đăng lu char nai! Inh hơpơi wă kơ iĕm krao Inh ‘'Bă’ Păng ưh pă weh achăng lê̆ Inh.

Je 31:9

Lu sư brŏk hăm nhơ̆m hmoi, păng krao khan, Inh gô pơlung păng chông ba lu sư, Inh gô bơrơng lu sư rok cheng đak glung, rok trong dơhnă, lu sư huay kơtơih pơ̆k, yua kơ Inh boih 'bă kơ lu adrĕch Isơrael, păng Êphraim kon kơdră Inh.

Je 41:5

đei tơhngam-jĭt 'nu bơngai drŏ-nglo hơkôih sŏk kang hek hơbĕn ao, raih akâu lu sư kơdih hăm săng, lu sư năm đơ̆ng pơlei Sichem, Silô păng Samari, chĕp ba lu tơmam phe 'ba păng lu tơmam 'bâu phu wă năm pơyơ̆r tơ hnam Kră Yang.

Je 47:5

Kon pơlei Gasa sơ'ngon gô hơkôih sŏk kơ̆l; kon pơlei Askalon ngăn đĭ, Ơ lu kon pơlei Anakim mă oei oei lăm tơmăn dơnă, lu iĕm wă raih chrek akâu iĕm dĭng dang yơ?

Hôsia 1:10

Mă-lei ră kon sâu Isơrael gô jing lơ thoi chuơh cheng đak dơsĭ, ưh kơ kĕ kơ jô̆, pă kĕ tơng. Kơplah noh kơnh, ki Inh krao lu iĕm âu ưh pă trŏ kon pơlei Inh boih, na dang ei Inh gô krao lu iĕm jing kon Kră Yang 'Bok Kei-Dei mă arih ling-lang.

Lêwi 21:5

Lu 'bok soi ưh kơ gơh hơkôih sŏk kơ̆l pơm kơ sư jing kơ̆l 'ngôch, 'nĕ kơ hơkôih sŏk kang sư kơdih kư̆m 'nĕ kơ 'bet akâu sư kơdih mơ̆n.

Yo 1:12

Na dôm lu bơngai mă sơng iŏk Sư tơpă păng dôm lu bơngai lui kơ Sư, Sư ăn kơ lu bơngai 'noh jing kon 'Bok Kei-Dei.

Yo 11:52

Mă tơpă ưh kơ sĭ Sư lôch tang lu bơngai Juđê đĕch ôh. Sư lôch tang đĭ-đăng dôm lu kon 'Bok Kei-Dei oei jơ̆p-jang ala teh âu.

Rom 8:16

Yang Bơhngol 'Lơ̆ng, Sư oei lăm bơ̆n, Sư tơbăt ăn kơ bơ̆n hlôh gah tơdrong bơ̆n jing kon 'Bok Kei-Dei tơpă.

Rom 9:26

Mă tơ yơ yơ đe jô̆ lu sư khan ưh kơ trŏ kơ kon Inh, tơ noh đe gô jô̆ kơ lu sư kon Inh mơ̆n; yua kơ Inh Yang, 'Bă lu sư mă arih ling-lang.”

Rom 9:4

Lu sư boih đe anăn bơngai Isơrael, lu sư boih 'Bok Kei-Dei jô̆ khan kon Sư; 'Bok Kei-Dei oei hơdai hăm lu sư, pơkă khan wă tơgŭm lu sư. 'Bok Kei-Dei pơkă kơ lu sư tơdrong juăt wă kơ lu sư kiơ̆ păng bơtho lu sư soi sơmah kơkuh kiơ̆ trŏ thoi Sư wă.

Rom 9:8

Yua kơ thoi noh na bơ̆n băt đĭ-đăng bơngai Isơrael ưh kơ jing kon 'Bok Kei-Dei ngăl ôh, pôm lu bơngai mă lĕch đơ̆ng adrĕch 'Bok Kei-Dei anăn đĕch jing kon 'Bok Kei-Dei.

II Kor 6:18

Thoi noh na Inh trŏ kơ pơm 'Bă iĕm, iĕm jing kon tơdăm kon adruh Inh. 'Noh tơdrong Kră Yang tơm rơh tih hloh khan kơ bơ̆n.”

Galati 3:26

Dang ei đĭ-đăng kơ bơ̆n jing kon 'Bok Kei-Dei boih yua kơ bơ̆n lui kơ Yêsu.

Both 13:18

Yua kơ iĕm chu nơ̆r Kră Yang 'Bok Kei-Dei iĕm, wei răk đĭ dôm nơ̆r Sư tơtă, mă inh bơtho ăn kơ iĕm năr 'nâu păng pơm tơdrong trŏ 'blep mă Kră Yang lăp đon.

Both 32:6

Ơ kon pơlei kơhlôh kơwao ưh kơ đei đon tơchĕng, lu iĕm pơm kơ Kră Yang thoi noh hă? Ưh kơ trŏ kơ 'Bă lu iĕm hă, ưh kơ tơ'ngla pơjing iĕm hă? Ưh kơ trŏ Sư pơjing iĕm jing adrĕch adrung Sư hă?

I Tes 4:13

Ơ 'nhŏng oh, nhôn roi tơpăt kơ iĕm wă kơ iĕm băt gah lu bơngai lui lôch boih sư gô iung arih dơ̆ng. Apinh iĕm 'nĕ kơ sơ'ngon thoi lu bơngai ưh kơ lui sư khan lôch ưh kơ gơh iung arih dơ̆ng.

Hêbrơ 2:10

'Bok Kei-Dei pơjing tôm tơdrong. Tôm tơdrong Sư pơjing, noh Sư wă kơ đe ư-ang kơ Sư. Thoi noh na trŏ kơ Sư ăn kơ Yêsu đei tơdrong pơmat-tat, wă kơ Yêsu iŏk tôm tơdrong thoi kon bơngai bơ̆n wă kơ Sư gơh anhăk ba lơ bơngai klaih đơ̆ng tơdrong yoch. Thoi noh na đĭ-đăng lu kon Sư nai kư̆m hiôk lei-lăi thoi Yêsu.

I Yo 3:10

Bơ̆n gơh kơnăl tơduă bơngai bơ̆n, bơngai bu kon 'Bok Kei-Dei, bơngai bu kon yang Satan sư phara thoi âu: Bơngai bu ưh kơ pơm 'lơ̆ng tơpăt păng ưh kơ 'mêm kơ 'nhŏng oh sư, bơngai 'noh ưh kơ sĭ kon 'Bok Kei-Dei ôh.

I Yo 5:2

Thoi noh dah bơ̆n 'mêm kơ 'Bok Kei-Dei păng răk dôm tơdrong Sư pơkă, lei bơ̆n kư̆m 'mêm kơ lu kon Sư lei-lăi mơ̆n.