Both 13:8 - Sơ̆p Hlabơar Nơ̆r 'Bok Kei-Dei

⁸ Na iĕm 'nĕ kơ chu kiơ̆ sư, kư̆m 'nĕ kơ mơ̆ng sư, kư̆m 'nĕ kơ mơnat; păng kư̆m 'nĕ kơ bơwei dah dŏng lu sư.

Both 13:8 Iomraidhean Croise

Le 20:3

Minh 'nu Inh đĕch, iĕm 'nĕ kơ đei lu yang nai.

Tơdrông Pơđơk 1:10

Ơ dăm, tơdah lu bơngai yoch wă pơhlŭ ih, ih 'nĕ kơ chu hŏ.

Êsêkiên 5:11

Lei na Kră Yang Tih Hloh khan: Tơpă thoi Inh oei arih, yua kơ ih pơm kơnê̆ 'mê̆-'mach lăm anih rơgoh Inh hăm pơm kơnê̆ krưp, mă Inh areh dêh. Thoi noh na Inh pơrăm ih, măt Inh ưh kơ wă lăng păng ưh pă mơnat.

Both 13:7

yang lu adrĕch adrung oei jum dăr kơ iĕm, jê̆ dah ataih, đơ̆ng dêh âu truh tơ tôch dêh to,

Both 19:13

Iĕm 'nĕ lăng khan mơnat kơ bơngai pơlôch đe, mă-lei athei pơlôch lê̆ lu bơngai pơlôch đe ưh kơ pơm yoch đơ̆ng dêh Isơrael, wă kơ lu iĕm đei pŭn hiôk.

Both 28:64

Kră Yang gô tơraih iĕm tơrak 'brak jơ̆p kơ teh đak, đơ̆ng tôch kơ teh đak 'nâu truh tôch kơ teh đak to. Tơ noh, lu iĕm gô kơkuh kơ lu yang nai pơm hăm 'long păng tơmo yang noh iĕm hăm lu 'bok iĕm ưh kơ lah băt ôh.

Both 32:17

Lu sư pơyơ̆r tơmam soi kơ lu yang kơnê̆, ưh kơ trŏ kơ Kră Yang 'Bok Kei-Dei ôh. Kơkuh kơ yang mă lu sư ưh kơ tam lah băt, Yang đơ̆ng ataih 'nao truh. Mă 'bok lu sư ưh kơ hli yom.

Both 7:16

Iĕm athei pơrăm lê̆ đĭ lu adrĕch mă Kră Yang 'Bok Kei-Dei iĕm jao ăn kơ iĕm boih kư̆m 'nĕ kơ mơnat kơ lu sư păng kư̆m 'nĕ kơ kơkuh kơ lu yang sư; yua kơ tơdrong noh gô pơm hơđong hơ'năk kơ iĕm.

Both 7:2

Layơ Kră Yang 'Bok Kei-Dei jao lu adrĕch noh kơ iĕm păng iĕm blah pơrăm đĭ lu sư jei iĕm, kơplah noh iĕm athei pơlôch đĭ lu sư, 'nĕ kơ pơgơ̆p hơdai hăm lu sư păng kư̆m 'nĕ kơ mơnat kơ lu sư mơ̆n.

I Yo 5:21

Ơ lu kon hơ'lơ̆p, iĕm athei weh ataih đơ̆ng dôm tơdrong yang kơnê̆ hŏ.

Lu 10:6

Đơ̆ng rŏng kơ noh lu bơngai Isơrael pơm dơ̆ng tơdrong kơnê̆ 'bơ̆t anăp Kră Yang lu sư kơkuh kơ lu yang Baal lu yang Astarôt, lu yang bơngai Aram, lu yang bơngai Siđôn, lu yang bơngai Môap, lu yang bơngai Ammôn păng lu yang kon pơlei Philistin. Lu sư achăng lê̆ Kră Yang păng ưh kơ chu kiơ̆ Sư.