Both 13:6 - Sơ̆p Hlabơar Nơ̆r 'Bok Kei-Dei

⁶ Tơdah đei 'nhŏng oh pôm mĕ 'bă, kon drŏ-nglo dah kon drŏ-kăn iĕm, akăn iĕm mă 'mêm kơeng, dah buăl juăt iĕm năm pơtơm pơhlŭ iĕm, khan: Bĕ bơ̆n năm kơkuh kơ yang nai, mă iĕm hăm lu 'bok iĕm kư̆m ưh tam băt,

Both 13:6 Iomraidhean Croise

Bl 16:5

Sarai khan kơ Abram thoi âu: “Tơdrong mă inh chu iŏk mơlâu mak-ai kơ ih. Inh đei jao boih đam drŏ-kăn inh kơ ih, na dang ei sư 'bôh sư anăp boih, na sư areh kơ inh. Apinh Kră Yang sek tơlang kơ ba.”

II Sam 1:26

Ơ Jônathan, 'nhŏng inh, jơhngơ̆m inh ơh hang nuih kơ ih thoi đe 'bet; Inh 'mêm kơeng kơ ih dêh. Tơdrong buăl juăt ba hiôk hơiă dêh Hloh kơ tơdrong hưch wă kơ bơngai drŏ-kăn.

I Pot 18:40

Êli khan kơ lu sư: “Rôp bĕ đĭ lu bơngai khan lê̆ adrol gah yang Baal, 'nĕ kơ ăn minh 'nu bơngai ayơ klaih.” Lu sư rôp hloi lu bơngai 'noh. Êli chông ba lu sư jur tơ thong đak Kisôn păng pơlôch đĭ lu sư tơ noh.

II Pot 11:18

Đĭ-đăng kon pơlei lăm dêh char sư năm tơ anih hnam yang Baal, na yuih pơrăm lê̆ đĭ, teh pơchah lê̆ chơnang soi păng pôlôch lê̆ Mathan 'bok soi gah yang Baal 'bơ̆t anăp, Đơ̆ng noh Jêhôiada athei bơngai gak wei Hnam Akŭm kơkuh kơ Kră Yang.

II Ho 15:13

Bu mă ưh kơ chă Kră Yang 'Bok Kei-Dei Isơrael gô pơlôch, mă 'lơ̆p mă jŏ, drŏ-nglo dah drŏ-kăn.

II Ho 23:17

Đĭ-đăng lu kon pơlei năm tơ hnam yang Baal, pơrăm lê̆ lu chơnang soi păng rup man sư păng pơlôch Matan 'bok soi kơ yang Baal 'bơ̆t anăp chơnang soi.

Jop 31:27

Jơhngơ̆m inh đei pơhlŭ hơgơ̆m, păng 'bơ̆r inh chŭm chro ti inh rôp kơkuh pơyom,

Le 13:3

Môis pơma hăm kon pơlei, iĕm athei 'blŏk hơdơ̆r kơ năr 'nâu, yua năr 'nâu năr Kră Yang yua ti mơsêh Sư pơklaih lu iĕm đơ̆ng dêh Êyiptơ, klaih đơ̆ng teh đak pơm đĭch đam; na 'nĕ sa 'bĕng đei 'buih pông.

Le 32:27

Sư khan kơ đe noh: Kră Yang 'Bok Kei-Dei Isơrael khan thoi âu. Rim 'nu lu iĕm athei kiĕo đao tơ kơiĕng lu iĕm, chă yơyak jơ̆p lăm anih kon pơlei đơ̆ng 'măng jang 'nâu, tơ 'măng jang to păng rim 'nu lu iĕm athei pơlôch 'nhŏng oh iĕm, buăl juăt iĕm hăm lu bơngai tăp dăr kơ lu iĕm.

Tơdrông Pơđơk 18:24

Bơngai đei buăl juăt lơ pơmat kơ sư kơdih; Mă-lei bơngai đei minh 'nu buăl tơpăt juăt hloh kơ 'nhŏng oh pôm mĕ 'bă.

Tơdrông Pơđơk 5:20

Ơ dăm, yua kơ kiơ ih hưch kơ drŏ-kăn đi? Liơ ih hrăn kuăr akăn đe?

Je 28:15

Đơ̆ng noh Jêrêmi 'bok khan lê̆ adrol khan kơ Hanania 'bok khan lê̆ adrol: “Ơ Hanania, mơ̆ng bĕ, Kră Yang ưh kơ đei wơh ih ôh, mă-lei ih pơm kơ kon pơlei 'nâu gơnang kơ nơ̆r ih hơlĕnh.

Je 28:16

Thoi noh, Kră Yang khan: 'Nâu; Inh gô ba ih weh đơ̆ng kơpal teh âu; sơnăm âu ih gô lôch; yua kơ ih đei pơma iung blah hăm Kră Yang.”

Je 44:3

yua kơ đơ̆ng tơdrong yoch kon pơlei pơm wă tơblĕk Inh. Lu sư soh nhang păng kơkuh kơ lu rup yang nai, mă lu sư dah ih dah lu 'bok yă iĕm ưh tam băt ôh.

Sa 13:3

Đơ̆ng âu tơ anăp tơdah bu mă oei khan lê̆ adrol, na mĕ 'bă lu sư bơngai tơpŭ kơ lu sư, gô khan kơ lu sư thoi âu: ‘E ưh pă arih boih yua kơ e yua anăn Kră Yang pơma hơlĕnh.’ Mĕ 'bă lu sư gô 'bet sư tơdah sư khan lê̆ adrol.

II Kor 5:16

Thoi noh na dang ei nhôn ưh pă lăng đe thoi kon bơngai ala teh juăt kơ lăng dih băl boih. Sơ̆ nhôn lăng Yêsu Krist thoi lĕ kơ kon bơngai đĕch, mă dang ei nhôn ưh pă lăng Sư thoi kon bơngai boih.

Galati 2:4

Đei mơ̆n lu bơngai nai đĕch athei nhôn kăt tơdra akar Tĭt. Mă-lei lu bơngai noh ưh kơ trŏ bơngai lui tơpă ôh. Lu sư mơ̆t akŭm hơdai hăm nhôn, lăng sư thoi bơngai lui mơ̆n, mă tơpă lăm to sư ưh ôh. Bơ̆n bơngai rơngei yua kơ bơ̆n lui kơ Yêsu Krist. Bơ̆n ưh kơ kăl kiơ̆ dôm tơdrong juăt lu bơngai Juđê mă đơ̆ng Môis pơkă kơ sư. Lu sư mơ̆t akŭm hơdai nhôn wă chă lăng tơdrong bơ̆n lui thoi yơ, lu sư wă kơ bơ̆n kiơ̆ dôm tơdrong juăt lu bơngai Juđê. Tơdrong juăt bơngai Juđê anat tơpă, dah bu wă kiơ̆, bơngai 'noh sư dang jing đĭch.

Êphêsô 4:14

Thoi noh na bơ̆n ưh pă gơh kiơ̆ thoi lu bơngai hơ'lơ̆p lui kơ đe bơtho tơdrong kư̆ kă boih, pơtih gia đe hơlĕnh kơ bơ̆n, dah pơhlŭ bơ̆n, wă kơ bơ̆n hơwơ̆l jing jrok kư̆ kă.

Both 11:32

lu iĕm athei pơkă tơpă pơm kiơ̆ đĭ dôm tơdrong juăt păng nơ̆r tơtă mă inh đei bơtho tơ'bôh kơ lu iĕm năr 'nâu.

Both 13:2

tơdah tơdra hlĭch păng khan lê̆ adrol noh đei trŏ tơpă na sư khan: Bĕ bơ̆n kiơ̆ lu yang nai; yang mă lu iĕm ưh tam băt, bĕ bơ̆n kơkuh kơ yang noh.

Both 13:7

yang lu adrĕch adrung oei jum dăr kơ iĕm, jê̆ dah ataih, đơ̆ng dêh âu truh tơ tôch dêh to,

Both 17:12

Bơngai bu, ưh kơ chu kiơ̆ kơ 'bok soi dah 'bok sek tơlang oei bơ̆jang kơ Kră Yang 'Bok Kei-Dei iĕm, bơngai noh athei pơlôch. Iĕm athei sŭt pơgoh pă đei tơdrong kơnê̆ lăm Isơrael dơ̆ng.

Both 18:20

Tơdah đei bơngai khan lê̆ adrol đei jơhngơ̆m pơang yua anăn Inh pơma dôm tơdrong kiơ mă Inh ưh kơ athei sư pơma, dah yua anăn lu yang nai, na lu bơngai thoi noh trŏ kơ pơlôch.

Both 19:19

Lei ih athei pơm kơ sư thoi sư đei pơm kơ 'nhŏng oh sư; lu iĕm athei pơm rơgoh tơdrong yoch đơ̆ng lăm kon pơlei iĕm thoi noh.

Both 21:21

Đơ̆ng noh đĭ-đăng, lu drŏ-nglo lăm pơlei klơ̆m pơlôch sư păng tơmo; iĕm pơm rơgoh tơdrong kơnê̆ đơ̆ng lăm kon pơlei păng đĭ-đăng kon pơlei Isơrael gô kơtơ̆ng tơdrong noh na hli tơrơ.

Both 22:21

Lei lu kră pơlei athei chông ba drŏ-kăn noh truh 'bơ̆t 'măng hnam 'bă sư, kon pơlei gô klơ̆m pơlôch drŏ-kăn noh hăm tơmo, yua kơ bơngai drŏ-kăn noh đei pơm tơdrong yoch kơnê̆ lăm Isơrael. Pơm pơyô ngôi kư̆ kă adrol kơ chă klo, kơplah sư oei lăm hnam 'bă sư. Thoi noh. Lu iĕm gô pơm rơgoh hŭt lê̆ tơdrong yoch kơnê̆ đơ̆ng lăm lu iĕm.

Both 24:7

Tơdah đei bơngai bu rôp tơtông iŏk lu 'nhŏng oh iĕm bơngai Isơrael păng rôp pơm đĭch, dah rôp tĕch, lei bơngai tơtông noh athei pơlôch. Lu iĕm athei hơpuih pơgoh lê̆ tơdrong kơnê̆ đơ̆ng lăm lu iĕm.

Both 28:54

Kơplah đei lu ayăt wang tơ pơlei, pơm kơ iĕm tôch đon đĭ boih, bơngai drŏ-nglo mă 'lơ̆ng, iơ̆m dim hloh lăm lu iĕm gô jing kret kơ 'nhŏng oh sư, kon akăn sư mă oei arih.

Both 29:18

Athei kơchăng bĕ, 'nĕ kơ đei bu drŏ-nglo dah drŏ-kăn, hnam dơnŏ dah adrĕch adrung ayơ mă dơ̆ng tơ âu năr 'nâu achăng lê̆ Kră Yang 'Bok Kei-Dei lu bơ̆n, na năm kơkuh kơ lu yang adrĕch drung nai; lăm lu iĕm athei 'nĕ kơ ăn đei rơh kơnê̆ hơkăm chăt sôr tơ lăm lu iĕm.

Both 8:14

Athei kơchăng 'nĕ kơ pơang păng 'nĕ hiơt kơ Kră Yang 'Bok Kei-Dei iĕm, Tơ'ngla chông ba iĕm lĕch đơ̆ng dêh Êyiptơ, lĕch đơ̆ng pơm đĭch.

Kôlôsê 2:4

Inh khan lê̆ kơ iĕm hơdrol thoi noh, inh wă kơ iĕm huay kơ lui kơ đe pơhlŭ, khan sư hơgei boih, hlôh tơpă boih.

Jôsuê 7:13

Iung bĕ pơm kơ kon pơlei rơgoh păng khan: Hơmet bĕ lu iĕm kơdih mă rơgoh, kơ năr dơning, yua kơ 'nâu nơ̆r Kră Yang 'Bok Kei-Dei Isơrael đei khan: Ơ lu bơngai Isơrael, tơ lăm lu iĕm đei tơmam mă trŏ kơ pơyơ̆r păng pơrăm. Lu iĕm ưh kơ kĕ ôh tơblah hăm lu bơngai ayăt kơ iĕm, dĭng mă lu iĕm đei iŏk lê̆ tơmam noh đơ̆ng lăm lu iĕm.

II Pet 2:1

Kơplah noh sơ̆ đei lu bơngai mơ'nah hơlĕnh pơdăr khan sư bơngai pơtruh nơ̆r 'Bok Kei-Dei. Na đei 'bok bơtho lu iĕm mơ'nah dang ei kư̆m lei-lăi, lu sư mơ̆t chur tơ tŏk-bŏk lu iĕm pơm chă bơtho pơjing kơdih khan tơdrong 'Bok Kei-Dei. Tơdrong lu sư chă bơtho noh wă pơrăm lu bơngai lui đĕch păng lu sư sơngah kơ Yŏng bơ̆n Yêsu Krist tơ'ngla mă huai iŏk lu sư tăm. Lu sư pơm thoi noh, 'Bok Kei-Dei Sư ưh kơ anat ôh, Sư gô phak hloi tơpă.

Tơdrông Tơ'bôh 12:9

Na đe tơhuŏng sư păng đĭ lu linh sư tơ teh. Prao noh boih 'bih so sơ̆ mă đe anăn yŏng yang sơmăt păng yang Satan. Sư pơhlŭ đe jơ̆p kơ teh đak. Đe blah tơhuŏng sư păng lu linh sư đơ̆ng plĕnh tơ teh.

Tơdrông Tơ'bôh 13:14

Sem ei pơm tơ'bôh kơ đe tơdrong hlĭch kiơ̆ sem mă mônh ăn, thoi noh na sư pơhlŭ lu kon pơlei pơla oei tơ ala teh âu pơm minh pôm rup sem mă mônh, sem mă đei rơka đêl đe 'bet mă oei arih.

Tơdrông Tơ'bôh 20:3

na tơhuŏng sư tơ lăm sơlŭng jrŭ, tang 'măng khuă đơ̆ng kơpal păng pơklep tơdra 'măng 'noh hli kơ sư lĕch năm chă pơhlŭ đe jơ̆p kơ teh đak. Phak sư lăm sơlŭng jrŭ noh lăm minh-rơbâu sơnăm, klaih kơ noh achăng sư dơ̆ng, mă-lei ưh kơ đunh ôh.

Lu 10:6

Đơ̆ng rŏng kơ noh lu bơngai Isơrael pơm dơ̆ng tơdrong kơnê̆ 'bơ̆t anăp Kră Yang lu sư kơkuh kơ lu yang Baal lu yang Astarôt, lu yang bơngai Aram, lu yang bơngai Siđôn, lu yang bơngai Môap, lu yang bơngai Ammôn păng lu yang kon pơlei Philistin. Lu sư achăng lê̆ Kră Yang păng ưh kơ chu kiơ̆ Sư.

Lu 2:13

Thoi noh lu sư lê̆ Kră Yang drap kơkuh kơ yang Baal păng Astarôt.

Lu 20:13

Jao bĕ kơ lu nhôn lu bơngai kơnê̆ pơm kư̆ kă krưp dêh noh đơ̆ng lăm pơlei Gibêah, lê̆ lu nhôn pơlôch lu sư wă sŭt pơgoh đĭ tơdrong kơnê̆ noh đơ̆ng lăm bơngai Isơrael. Mă-lei lu bơngai Bênjamin ưh kơ đei wă mơ̆ng nơ̆r lu 'nhŏng lu sư, bơngai Isơrael athei.

Lu 5:8

Đe rơih iŏk boih lu yang 'nao; Na lu bơngai ayăt mơ̆t tơblah truh tơ 'măng dur pơlei. Lăm lu puăn-jĭt rơbâu 'nu lu bơngai Isơrael ưh kơ đei bu đei khêl kư̆m ưh kơ đei bu đei hơlă.

I Sam 18:1

Đawit pơma dơnuh hăm Sôl đang boih, Jônathan păng Đawit pơm buăl juăt yua, kơ Jônathan 'mêm kơ Đawit dêh thoi akâu sư kơdih.

I Sam 18:3

Jônathan pơgơ̆p hăm Đawit, yua kơ sư 'mêm kơ Đawit nhen thoi akâu sư kơdih.

I Sam 20:17

Jônathan 'mêm kơ Đawit thoi 'mêm kơ akâu sư kơdih, na athei Đawit pơkă. Kŭm 'mêm kơ sư.