Both 13:2 - Sơ̆p Hlabơar Nơ̆r 'Bok Kei-Dei

² tơdah tơdra hlĭch păng khan lê̆ adrol noh đei trŏ tơpă na sư khan: Bĕ bơ̆n kiơ̆ lu yang nai; yang mă lu iĕm ưh tam băt, bĕ bơ̆n kơkuh kơ yang noh.

Both 13:2 Iomraidhean Croise

I Pot 13:3

Lăm năr noh, 'bok khan lê̆ adrol tơ'bôh minh tơdrong hlĭch, khan: “'Nâu tơdrong tơ'bôh hlĭch mă Kră Yang đei khan bơih: Chơnang soi gô pơchah tơnuh gô tơsĭ huŏng đĭ tơ teh.”

Le 22:19

Bơngai bu ngôi kư̆ kă păng sem brem đe gô pơlôch.

Le 7:22

Kơplah noh lu 'bok pơjâu tơwir bơngai Êyiptơ kư̆m gơh pơm tơwir lei-lăi thoi noh, na jơhngơ̆m Pharaôn, oei arăng ưh kơ chu, ưh kơ mơ̆ng Môis păng Arôn tŏ sĕt, trŏ thoi nơ̆r Kră Yang đei khan.

Je 23:32

Tơpă Inh gô blah lu bơngai khan lê̆ adrol yua nơ̆r hơlĕnh roi tơdrong apo pơm ăn kơ kon pơlei pơla Inh jrok kiơ̆ nơ̆r hơlĕnh kư̆ kă. Inh ưh kơ đei wơh păng ưh kơ đei athei lu sư ôh. Tơpă lu sư ưh kơ đei tơgŭm kiơ kơ kon pơlei pơla âu.” Noh Kră Yang khan.

Je 27:9

Bĕ iĕm, iĕm 'nĕ pă mơ̆ng lu bơngai khan lê̆ adrol iĕm, lu pơjâu chă pơma hăm Yang păng pơjâu juăt tơlang tơdrong apo, lu pơjâu chă pơma hăm atâu, lu 'bok lăng tơdra sơnglŏng păng đĭ lu pơjâu hơlĕnh kơ lu iĕm khan: ‘Lu iĕm ưh kơ đei pơm đĭch bơ̆jang kơ pơtao Babilôn ôh.’

Je 28:9

Mă-lei 'bok khan lê̆ adrol ayơ khan hiôk-hian rơnŭk rơnua, dah nơ̆r sư khan noh trŏ 'blep tơpă, 'bok noh đe băt kơ sư noh đơ̆ng Kră Yang wơh tơpă!”

Sa 10:2

Yua kơ lu rup man chă pơma pơhlŭ lu pơjâu 'bôh hơlĕnh đĕch; lu sư roi tơdrong lu sư hơpo hơlĕnh, sư pơlung ngôi đĕch ưh kơ đei yua kiơ. Thoi noh na kon pơlei tơklah tơklang thoi triu, đe pơmat lu sư yua kơ ưh pă đei bơngai wei.

Mathiơ 24:24

yua kơ năr noh kơnh đei lơ bơngai pơm Krist, đei lơ bơngai khan sư bơngai pơtruh nơ̆r 'Bok Kei-Dei. Lu sư kư̆m gơh pơm tơdrong mơsêh wă kơ lu bơngai mă 'Bok Kei-Dei rơih boih lui kơ lu sư pơhlŭ.

Both 13:13

đei lu bơngai kơnê̆ iung năm pơhlŭ pơlung kon pơlei noh, khan: Bĕ bơ̆n năm kơkuh kơ yang nai, yang mă lu iĕm tam lah băt,

Both 13:6

Tơdah đei 'nhŏng oh pôm mĕ 'bă, kon drŏ-nglo dah kon drŏ-kăn iĕm, akăn iĕm mă 'mêm kơeng, dah buăl juăt iĕm năm pơtơm pơhlŭ iĕm, khan: Bĕ bơ̆n năm kơkuh kơ yang nai, mă iĕm hăm lu 'bok iĕm kư̆m ưh tam băt,

Both 18:20

Tơdah đei bơngai khan lê̆ adrol đei jơhngơ̆m pơang yua anăn Inh pơma dôm tơdrong kiơ mă Inh ưh kơ athei sư pơma, dah yua anăn lu yang nai, na lu bơngai thoi noh trŏ kơ pơlôch.

Both 18:22

Tơdah bơngai khan lê̆ adrol yua anăn Kră Yang na pơma, nơ̆r pơma bơngai noh ưh kơ đei truh păng ưh kơ đei pơsĭt 'blep trŏ, noh ưh kơ nơ̆r Kră Yang mă bơtho khan, bơngai khan lê̆ adrol pơma lĕch đơ̆ng tơdrong sư pơang. 'Nĕ hli kơ sư ôh.