Both 13:16 - Sơ̆p Hlabơar Nơ̆r 'Bok Kei-Dei

¹⁶ Athei pơpôi iŏk pơđĭ lu tơmam đơ̆ng blah iŏk đơ̆ng lăm pơlei tih noh, năm tuh lê̆ tơ cham să na iŏk ŭnh soh pơlei noh păng đĭ-đăng mŭk tơmam lăm noh, thoi tơmam soi 'buh pơyơ̆r kơ Kră Yang 'Bok Kei-Dei iĕm, pơlei noh gô jing rơ̆m ngar ŭnh ling-lang hlŏng hloi, ưh pă bu gơh tơiung pơjing dơ̆ng.

Both 13:16 Iomraidhean Croise

Le 22:19

Bơngai bu ngôi kư̆ kă păng sem brem đe gô pơlôch.

Êsai 17:1

Nơ̆r Khan lê̆ adrol kơ pơlei Đamas: “Mơ̆ng bĕ Pơlei Đamas, ưh pă jô̆ jing pơlei tih dơ̆ng, mă-lei gô jing tơmam pơchah rơ̆m rĕk.

Êsai 25:2

Ih pơm bơih kơ lơ pơlei jing anih pôi teh rơ̆m rĕk, pơlei tih kơjăp jing pơchah hĕch. Pơlei hnam kơjăp lu yŏng pơtao lu bơngai tơmoi ưh pă jing pơlei dơ̆ng bơih, ưh pă đei layơ wă gơh man tơiung ming dơ̆ng.

Je 49:2

Mă-lei năr gô truh, Kră Yang khan; “Inh gô ăn nơ̆r ôr krao tơdrong tơblah tơ pơlei tih Rapba lăm char kon pơlei Ammôn; pơlei noh gô jing pôi rơ̆m rĕk. Lu pơlei iĕ tăp dăr kơ sư đe gô soh kơplah noh, lu bơngai Isơrael gô druh blah lu linh mă đêl druh blah lu sư, Noh Kră Yang khan.

Êsêkiên 26:14

Inh gô pơm kơ ih jing tơmo ih gô jing anih đe sơ̆k hơnhuăl; ưh pă đei gơh man pơdơ̆ng ming dơ̆ng; yua kơ Inh boih Kră Yang hlôi khan, Kră Yang khan thoi noh.

Mi 1:6

Thoi noh Inh gô pơm kơ pơlei Samari thoi hla đuih lăm bri, thoi anih mơ̆r đe pơtăm hơmu păng kư̆m gô pơm kơ lu tơmo đơ̆ng noh grŏl pơđĭ tơ lăm thŭng păng gô pơdră dôm hơnă sư tơ 'nguaih.

Both 7:25

Iĕm athei soh pơđĭ lu rup yang lu sư. 'Nĕ kơ hưch ham, 'nĕ kơ iŏk kơdih hu dah maih đơ̆ng lăm lu sư man rup noh, kơnh hli kơ iĕm 'leh hơđong; yua kơ tơmam 'noh yua kơ tơmam noh Kră Yang 'Bok Kei-Dei areh dêh.

Both 7:26

'Nĕ kơ chĕp ba tơmơ̆t lăm hnam iĕm tơmam mă trŏ areh dêh noh, kơnh hli kơ iĕm wang dai lôch răm. Iĕm athei lăng areh krưp, yua kơ tơmam noh trŏ kơ wă pơrăm.

Jôsuê 6:21

Iŏk đao pơlôch đĭ bơngai lăm pơlei noh, drŏ-nglo, kră, hơ'lơ̆p, truh tơ sem dơrong: Rơmo, triu păng aseh iĕ.

Jôsuê 6:24

Đơ̆ng noh lu sư soh rông chhông đĭ hnam lăm pơlei păng đĭ lu tơmam lăm noh, Hu, Maih, kong, mam đĕch tah lăm hnam mong tơmam Kră Yang.

Jôsuê 6:26

Kơplah noh Jôsuê pơma pơkă pơkăm thoi âu: Bơngai bu man pơdơ̆ng ming pơlei Jêrikô, đe gô hiap pơtê̆ 'bơ̆t anăp Kră Yang! Bu man pơdơ̆ng ming hơnă sư, kon drŏ-nglo kơdră sư gô lôch, bu man pơdơ̆ng ming măng jang pơlei, kon hơdruch sư gô lôch.

Jôsuê 8:28

Thoi noh Jôsuê prah ŭnh soh, pơm kơ pơlei Ahi pơchah răm jing juơ tơtŭng, dĭng truh tơ dang ei.