Both 13:11 - Sơ̆p Hlabơar Nơ̆r 'Bok Kei-Dei

¹¹ Thoi noh, na đĭ-đăng bơngai Isơrael gô kơtơ̆ng băt dôm tơdrong noh păng hli tơrơ, lei na ưh pă đei pơ̆n pơm minh tơdrong kơnê̆ noh dơ̆ng.

Both 13:11 Iomraidhean Croise

Le 13:3

Môis pơma hăm kon pơlei, iĕm athei 'blŏk hơdơ̆r kơ năr 'nâu, yua năr 'nâu năr Kră Yang yua ti mơsêh Sư pơklaih lu iĕm đơ̆ng dêh Êyiptơ, klaih đơ̆ng teh đak pơm đĭch đam; na 'nĕ sa 'bĕng đei 'buih pông.

Tơdrông Pơđơk 19:25

Teh bĕ bơngai pơm kơnê̆, lê̆ kơ bơngai kơwao hŏk iŏk băt hlôh. Bơtho hơmet bĕ bơngai băt hlôh, sư 'bôh thim tơdrong gơh hơgei.

Tơdrông Pơđơk 21:11

Kơplah đe phak lu bơngai blei hiap. Bơngai kơtul gô hơgei, Kơplah bơtho lu bơngai hơgei, sư đei iŏk đon hlôh wao.

Lêwi 20:2

Ih athei khan kơ kon pơlei Isơrael. Tơdah bơngai bu lăm kon pơlei Isơrael dah bơngai tơmoi oei lăm char Isơrael jao minh 'nu kon hơ'lơ̆p sư ăn kơ yang Mơlŏk, a bơngai noh đe gô pơlôch sư, kon pơlei lăm char noh gô klơ̆m pơlôch sư hăm tơmo.

Jo 25:4

Kră Yang khan kơ Môis thoi âu: Rôp đĭ-đăng lu yŏng pơgơ̆r kon pơlei păng hrek atol lu sư 'bơ̆t tŏ, anăp Kră Yang wă kơ tơdrong Kră Yang hil mĭl weh đơ̆ng Isơrael.

Both 13:12

Tơdah iĕm đei kơtơ̆ng ang minh lăm lu pơlei tih Kră Yang 'Bok Kei-Dei iĕm ăn kơ iĕm,

Both 17:13

Đĭ-đăng kon pơlei pơla kơtơ̆ng tơdrong noh na gô hli tơrơ, ưh pă pơ̆n pơm tơdrong kơnê̆ dơ̆ng.

Both 19:20

Wă kơ lu bơngai kơtơ̆ng tơdrong noh gô hli, ưh pă pơm kơnê̆ chă jâu băl dơ̆ng lăm lu iĕm.

Both 21:21

Đơ̆ng noh đĭ-đăng, lu drŏ-nglo lăm pơlei klơ̆m pơlôch sư păng tơmo; iĕm pơm rơgoh tơdrong kơnê̆ đơ̆ng lăm kon pơlei păng đĭ-đăng kon pơlei Isơrael gô kơtơ̆ng tơdrong noh na hli tơrơ.

I Tim 5:20

Bơngai bu pơm yoch tơpă ih athei pơma khă sư 'bơ̆t anăp đe tơpôl lu bơngai lui wă kơ lu bơngai lui kơchăng đon ưh kơ wă pơm yoch thoi bơngai 'noh dơ̆ng.

Jôsuê 7:25

Jôsuê khan: Yua kơ kiơ ih pơm tơdrong răm kơ lu bơ̆n? Kră Yang kư̆m pơrăm ih thoi noh mơ̆n năr 'nâu, đĭ-đăng kon pơlei Isơrael, klơ̆m tơmo tơ Akan. Đơ̆ng rŏng kơ klơ̆m tơmo đĭ-đăng hnam dơnŏ sư, đe iŏk ŭnh soh pơlôch đĭ lu sư.