Both 12:9 - Sơ̆p Hlabơar Nơ̆r 'Bok Kei-Dei

⁹ Dang ei lu iĕm tam mă mơ̆t tơ anih pơdơh păng tam mă đei iŏk teh bơ̆jang sa mă Kră Yang 'Bok Kei-Dei iĕm wă ăn.

Both 12:9 Iomraidhean Croise

I Pot 8:56

“Bơnê kơkuh ư-ang kơ Kră Yang mă ăn tơdrong hiôk hơđơ̆ng kơ lu bơngai Isơrael, kiơ̆ thoi dôm nơ̆r ih pơkă! Nơ̆r 'lơ̆ng tơpăt, mă ih yua 'bơ̆r Môis đĭch đam Ih bơtho, Ih khan ưh kơ đei nơ̆r ayơ mă ưh kơ đei pơm pơkeh.

I Ho 23:25

Yua kơ noh Đawit đei khan: Kră Yang 'Bok Kei-Dei Isơrael đei ăn tơdrong hiôk-hian kơ kon pơlei Sư păng Kră Yang oei tơ Jêrusalem ling-lang.

Horiso 95:11

Yua kơ noh na Inh hil păng pơkă khan: “Lu sư ưh kơ đei layơ mơ̆t pơdơh lăm tơdrong hiôk Inh.”

Je 31:2

Kră Yang khan: “Minh adrĕch adrung klaih đơ̆ng đao gưm đei boih pŭn hiôk lăm char glă, kơplah Inh ăn kơ lu bơngai Isơrael pơdơh hiôk-hian.”

Mi 2:10

Lu iĕm iung bĕ! Weh bĕ! Yua kơ 'nâu ưh kơ sĭ ăn kơ iĕm pơdơh hiôk ôh, yua kơ tơdrong kơnê̆ 'mê̆-'mach pơrăm boih, tơnat pat dêh tơpă.

Both 12:8

'Nĕ kơ pơm thoi lu bơ̆n oei pơm năr âu tơ âu, noh rim 'nu pơm kiơ̆ kơ đon sư tơchĕng kơdih khan trŏ.

Both 25:19

Layơ Kră Yang 'Bok Kei-Dei lu iĕm ăn tơdrong hiôk hơđơ̆ng pơdơh đơ̆ng lu bơngai dăr wang tăp dăr kơ iĕm lăm dêh mă Kră Yang 'Bok Kei-Dei iĕm ăn kơ lu iĕm iŏk bơ̆jang sa, asong băl athei sŭt lê̆ tơdrong 'blŏk đơ̆ng Amalek đơ̆ng ala teh âu, 'nĕ kơ hiơt hŏ.

Both 3:20

Dĭng mă Kră Yang ăn 'nhŏng oh lu iĕm đei tơdrong pơdơh hiôk thoi bơ̆n păng lu 'nhŏng oh iĕm kư̆m gơh iŏk boih dêh mă Kră Yang 'Bok Kei-Dei lu iĕm ăn kơ lu sư tơ gah pah to đak Krong Jôrđăn; klaih kơ noh đĭ-đăng kơ lu iĕm gơh wih brŏk bơ̆jang sa mă teh inh đei ăn boih kơ lu iĕm.

Both 4:21

Na Kră Yang hil kơ inh; yua kơ lu iĕm na Sư pơkăm khan ưh kơ ăn inh tŏk hlôi kơ đak Krong Jôrđăn păng ưh kơ ăn inh mơ̆t tơ dêh 'lơ̆ng rŏ mă Kră Yang 'Bok Kei-Dei lu iĕm wă ăn kơ lu iĕm bơ̆jang sa.

Jôsuê 11:23

Jôsuê blah iŏk đĭ-đăng tơring char 'nâu, kiơ̆ tôm tơdrong thoi Kră Yang khan pơkă kơ Môis păng Jôsuê asong ăn teh kơ lu bơngai Isơrael jang sa mir 'ba păng klah asong kiơ̆ rim kơ khŭl adrĕch adrung lu sư. Kơplah noh tơring char 'nao đei rơngei hiôk-hian pă đei tơdrong tơblah dơ̆ng.