Both 12:7 - Sơ̆p Hlabơar Nơ̆r 'Bok Kei-Dei

⁷ Tơ noh 'bơ̆t anăp Kră Yang 'Bok Kei-Dei lu iĕm, chơt hiôk sŏng sa hăm hnam dơnŏ, yua kơ dôm tơdrong jang đơ̆ng tơpang ti iĕm kơdih, na đei Kră Yang 'Bok Kei-Dei lu iĕm ăn pŭn hiôk kơ iĕm.

Both 12:7 Iomraidhean Croise

I Ho 29:22

lăm năr noh, lu sư sa et hiôk chơt 'bơ̆t anăp Kră Yang. Đơ̆ng rŏng noh wơ̆t mă 'bar lu sư pôk pơyom Sôlômôn kon drŏ-nglo Đawit pơm pơtao, lu sư tuh đak pơgang 'bâu phu kơ sư 'bơ̆t anăp Kră Yang, păng pôk ăn Sađôk pơm 'bok soi.

Ne 8:9

Nêhêmi kră pơgơ̆r, Esơra 'bok soi păng pơm thây bơtho khôi juăt, lu bơngai Lêwi mă bơtho kon pơlei, kư̆m pơma khan kơ đĭ-đăng Isơrael thoi âu! 'Năr 'nâu jơ̆ 'lơ̆ng rơgoh ăn kơ Kră Yang 'Bok Kei-Dei lu iĕm; 'nĕ kơ sơ'ngon, kư̆m 'nĕ kơ nhơ̆m hmoi, yua kơ kon pơlei nhơ̆m kơplah lu sư kơtơ̆ng đŏk dôm lu nơ̆r khôi juăt.

Bôk Bơthô 3:12

Lei na, inh băt 'bôh lăm chăl arih kon bơngai ưh kơ đei kiơ 'lơ̆ng hloh kơ hiôk chơt păng pơm 'lơ̆ng lăm đĭ chăl arih âu.

Bôk Bơthô 3:13

Đĭ-đăng bơ̆n athei hiôk mă sŏng sa, nhă, dah lăm tơdrong jang bơ̆n, noh đơ̆ng Kră Yang 'Bok Kei-Dei asong ăn.

Bôk Bơthô 5:18

Inh 'bôh tơdrong mă 'lơ̆ng kơ kon bơngai noh sŏng sa păng hiôk chơt lăm tơdrong jang gleh hrat tơ ala teh mă bơ̆n đei pơm noh, đĭ khei sơnăm lăm chăl arih âu mă Kră Yang 'Bok Kei-Dei đei ăn boih, noh tơdrong mă đei 'măn lê̆ kơ bơ̆n.

Êsai 23:18

Mă-lei mŭk tơmam sư đei lơi yua noh gô klah 'măn kơ Kră Yang, sư ưh kơ đei mong dah tah 'măn ôn lê̆ ôh, yua kơ tơmam đei lơi noh gô yua lăm tơmam sa, ao hrŭk 'lơ̆ng kơ lu bơngai oei 'bơ̆t anăp Kră Yang.

Êsai 62:9

Mă-lei lu bơngai yuă kĕch 'ba mi bơih lu sư gô đei sŏng sa 'ba mi noh, păng hơri bơnê ư-ang kơ Kră Yang, păng lu bơngai phĕ plei hơmu gô huch sik hơmu sư tơ lăm cham hnam 'lơ̆ng rơgoh Inh.”

Êsêkiên 44:3

Lăp pơtao đĕch, yua kơ sư yŏng na gơh ngôi tơ noh păng sa 'bĕng 'bơ̆t anăp Kră Yang gô mơ̆t rok trong kơdeng 'măng jang păng lĕch kư̆m trong noh.”

Jôel 1:16

Tơmam sa pơtôch boih đơ̆ng anăp lu bơ̆n, păng tơdrong chơt hiôk 'nă hal 'Bok Kei-Dei lu bơ̆n tôch boih đơ̆ng hnam Sư, hăm trŏ?

Jôel 2:26

Lu iĕm gô phĭ jơnap sŏng sa rơkah rơkai, na lu iĕm gô bơnê ư-ang kơ Anăn Inh Kră Yang 'Bok Kei-Dei iĕm, Tơ'ngla mă đei ăn kơ lu iĕm dôm tơdrong hlĭch chrơp. Đơ̆ng âu tơ anăp kon pơlei Inh đe ưh pă wă pơjăm dơ̆ng.

Lêwi 23:40

Năr mă mônh lu iĕm athei iŏk plei 'long 'lơ̆ng; dơng 'long gol, dơng tih đei hla lơ păng 'long hla prai, na lu iĕm et sa chơt hiôk 'bơ̆t anăp Kră Yang 'Bok Kei-Dei lu iĕm lăm tơpơh năr.

Malachi 2:13

Lu iĕm kư̆m oei pơm tơdrong âu: Lu iĕm nhơ̆m hmoi, hơdrĭ hơdrôi, đak măt lĕch gom lê̆ gơ'bang soi Kră Yang, Sư ưh pă iŏk boih tơmam soi lu iĕm păng kư̆m ưh pă lăp đon iŏk tơmam pơyơ̆r đơ̆ng ti lu iĕm.

Jang 2:46

Rim năr lu sư akŭm tơ hnam akŭm 'Bok Kei-Dei tơm, hăm akŭm tơ lăm hnam sư kơdih. Lu sư sŏng sa hơdai dih băl 'blŏk hơdơ̆r kơ Yêsu. Lu sư chơt hiôk tơpă.

Both 12:12

Tơ noh lu iĕm, kon drŏ-nglo, kon drŏ-kăn, đĭch drŏ-nglo păng đĭch drŏ-kăn lu iĕm lu bơngai Lêwi mă oei lăm pơlei hơdai lu iĕm, lu bơngai mă ưh kơ đei iŏk tơmam dah teh jang sa kơdih gô chơt hiôk 'bơ̆t anăp Kră Yang 'Bok Kei-Dei iĕm.

Both 12:18

Mă-lei iĕm, kon drŏ-nglo, kon drŏ-kăn đĭch drŏ-nglo păng đam drŏ-kăn iĕm, hăm lu bơngai Lêwi oei hơdai lăm pơlei iĕm, athei sa lu kon sem tơmam noh 'bơ̆t anăp Kră Yang 'Bok Kei-Dei iĕm, tơ anih Sư rơih; lu iĕm gô chơt hiôk 'bơ̆t anăp Kră Yang 'Bok Kei-Dei iĕm, dôm tơdrong jang đơ̆ng tơpang ti iĕm kơdih.

Both 12:8

'Nĕ kơ pơm thoi lu bơ̆n oei pơm năr âu tơ âu, noh rim 'nu pơm kiơ̆ kơ đon sư tơchĕng kơdih khan trŏ.

Both 14:23

Lu iĕm gơh sa tơmam pơyơ̆r minh lăm mơjĭt noh lu phe 'ba, sik hơmu, đak rơmă, plei 'long ôliwơ păng lu kon gơgơ̆l rơmo kơdră dah triu 'bơ̆t anăp Kră Yang 'Bok Kei-Dei iĕm, lăm anih Sư gô rơih iŏk wă 'măn Anăn Sư wă kơ iĕm pơhrăm iŏk băt hli yom kơ Kră Yang 'Bok Kei-Dei iĕm ling-lang.

Both 14:26

Lu iĕm iŏk jên hu noh răt dôm tơmam kiơ mă iĕm wă, rơmo dah triu, sik hơmu, dah tơdrô kơtang, tơmam sa kiơ mă iĕm 'maih wă sa; na iĕm păng hnam dơnŏ gô huch sa chơt hiôk 'bơ̆t anăp Kră Yang 'Bok Kei-Dei iĕm.

Both 15:20

Rim sơnăm iĕm păng hnam dơnŏ iĕm gô 'buh sa 'bơ̆t anăp Kră Yang 'Bok Kei-Dei iĕm, tơ anih mă Sư gô rơih.

Both 26:11

Đơ̆ng noh iĕm, bơngai Lêwi păng lu bơngai tơmoi mă oei hơdai hăm lu iĕm, hăm hnam dơnŏ lu iĕm gô chơt hiôk gah tơdrong pŭn hiôk mă đơ̆ng Kră Yang 'Bok Kei-Dei iĕm ăn boih kơ lu iĕm.

Both 27:7

Kŭm athei pơyơ̆r tơmam soi bơnê, sa kơtă hloi tơ anih noh hiôk chơt 'bơ̆t anăp Kră Yang 'Bok Kei-Dei iĕm.

Both 28:47

Kơplah đei mŭk tơmam rơkah rơkai, iĕm ưh tam lăp đon jơhngơ̆m hiôk bơ̆jang kơ Kră Yang 'Bok Kei-Dei.

Philip 4:4

Hiôk bĕ iĕm yua kơ iĕm lui kơ Kră Yang Yêsu Krist boih. Inh wă khan kơ iĕm dơ̆ng: Hiôk bĕ iĕm.