Both 12:6 - Sơ̆p Hlabơar Nơ̆r 'Bok Kei-Dei

⁶ Chĕp ba tơmam soi 'buh pơyơ̆r tơ noh, lu tơmam soi iŏk minh lăm mơjĭt, tơmam soi pha, lu tơmam soi pơsĭt đêl nơ̆r pơkă, tơmam soi hăm jơhngơ̆m lăp păng lu kon kơdră rơmo triu bơbe tuh blŭng-a.

Both 12:6 Iomraidhean Croise

II Ho 31:14

Kôrê kon drŏ-nglo Imna, bơngai Lêwi bơngai wei 'Măng Jang Hơlĕch, sư yŏng wei-lăng tơmam đe pơyơ̆r kơ Kră Yang 'Bok Kei-Dei hăm jơhngơ̆m hiôk păng lu tơmam 'lơ̆ng rơgoh.

II Ho 7:12

Lăm măng noh Kră Yang pơdah Sư kơ Sôlômôn păng khan: “Inh kơtơ̆ng boih nơ̆r ih krao khan păng Inh kư̆m rơih boih anih 'nâu wă pơm hnam pơyơ̆r tơmam soi kơ Inh.

Esơra 3:2

Kơplah noh, Jêsua, kon drŏ-nglo Jôsađăk păng lu 'bok soi hăm Serubabel, kon drŏ-nglo Sêathiel păng lu 'nhŏng oh sư, đĭ-đăng wang iung pơdơ̆ng chơnang soi Kră Yang 'Bok Kei-Dei đe Isơrael, wă pơyơ̆r tơmam soi 'buh tơ noh, kiơ̆ kơ đei chih lăm hla bơar khôi juăt Môis, bơngai Kră Yang 'Bok Kei-Dei.

Ne 10:36

Pơm kiơ̆ tơdrong juăt, ba hloi kon drŏ-nglo kơdră păng kon sem dơrong tuh blŭng-a, triu dah rơmo tơ hnam akŭm 'Bok Kei-Dei lu nhôn, na pơjao ăn kơ lu 'bok soi wă kơ bơ̆jang lăm hnam akŭm 'Bok Kei-Dei lu nhôn.

Ne 10:39

Yua kơ lu kon pơlei Isơrael păng lu bơngai Lêwi gô chĕp ba, 'ba mi, sik hơmu păng đak rơmă ôliwơ 'nao mơ̆t tơ anih 'măn tơmam, tơ anih lu pơnhan kơchŏk tơmam 'lơ̆ng rơgoh, kơ lu 'bok soi bơ̆jang awih awăn, lu bơngai gak 'măng jang păng lu bơngai hơri. “Thoi noh lu nhôn ưh kơ achăng lê̆ ôh hnam akŭm 'Bok Kei-Dei lu nhôn.”

Horiso 116:17

Inh gô pơyơ̆r tơmam soi bơnê kơ Ih Kră Yang. Păng krao apinh hăm anăn Kră Yang.

Êsêkiên 20:40

Kră Yang khan: Tơ kơpal kông rơgoh Inh, tơ kơpal kông Isơrael, tơ noh đĭ adrĕch Isơrael, đĭ-đăng kơ lu sư lăm dêh char gô awih awăn kơ Inh. Tơ noh Inh gô sơng iŏk lu sư; Inh gô iŏk tơmam pơyơ̆r păng tơmam pơyơ̆r plei blŭng-a, hăm tơmam soi 'lơ̆ng rơgoh lu sư.

Lêwi 1:3

Tơdah tơmam sư pơyơ̆r tơmam soi 'buh hăm rơmo, sư athei pơyơ̆r rơmo tơno ưh kơ đei tơdrong jĭ kiơ, ăn kơ sư pơyơ̆r tơ 'măng Bơsŭn Anih Akŭm, 'bơ̆t anăp Kră Yang wă kơ Sư lăp đon iŏk.

Malachi 3:10

Lu iĕm athei pơyơ̆r iŏk minh lăm mơjĭt tah tơ lăm pơk Inh, wă kơ đei tơmam sa lăm hnam Inh; păng đơ̆ng năr âu lu iĕm athei pơlong lăng Inh, Kră Yang Tih Hloh khan, lăng Inh hăm pơih lu 'măng-'mŏk tơ kơpal plĕnh ti tuh ăn tơdrong pŭn hiôk kơ lu iĕm dĭng truh anih mong pă đei!

Malachi 3:8

Kon bơngai gơh tơtông iŏk Kră Yang 'Bok Kei-Dei hă? Na iĕm tơtông Inh. Lu iĕm khan: ‘Tơ yơ khan lu nhôn tơtông Ih?’ Lu iĕm đei tơtông boih minh lăm mơjĭt đơ̆ng lăm lu tơmam iĕm pơyơ̆r.

Luka 11:42

“Ơ lu bơngai Pharisi, ning-mônh iĕm pơmat-tat dêh. Iĕm pơm hăt hot tĕch lu tơmam hơi thoi lĕ kơ hla gơsơ̆m, hla hla-kat, dôm hla 'nhot nai, iŏk jên noh pơm pơyơ̆r kơ 'Bok Kei-Dei minh lăm mơjĭt. Mă-lei gah tơdrong kăl hloh thoi lĕ kơ pơm 'lơ̆ng kơ đe păng 'mêm bơnê kơ 'Bok Kei-Dei, tơdrong noh iĕm pơm pơhơi, ưh kơ wă. Mă tơdrong iĕm pơyơ̆r tơmam hơi noh kư̆m trŏ mơ̆n, mă-lei iĕm athei pơm 'lơ̆ng kơ đe păng 'mêm bơnê kơ 'Bok Kei-Dei, 'noh kăl hloh.

Luka 18:12

Rim giĕng inh juăt kơ ơ̆t kơ por 'bar 'măng. Dôm tơmam inh đei inh juăt kơ pơyơ̆r minh lăm mơjĭt.’

Both 12:17

Lu iĕm ưh kơ gơh sa lăm pơlei iĕm kơdih, lu tơmam iŏk đơ̆ng minh lăm mơjĭt, 'ba, sik hơmu đak rơmă plei ôliwơ, dah lu kon rơmo triu bơbe tuh blŭng-a, dah tơmam kiơ iĕm drơ̆ng pơkă wă pơyơ̆r, dah iĕm pơyơ̆r hăm jơhngơ̆m wă, dah lu tơmam pơyơ̆r nai, lu iĕm ưh kơ gơh sa lăm pơlei iĕm kơdih.

Both 26:2

iĕm athei iŏk minh lăm mơjĭt đơ̆ng dôm plei blŭng-a mă đơ̆ng teh, lăm dêh mă Kră Yang 'Bok Kei-Dei iĕm ăn kơ lu iĕm, tah lăm minh pôm bai, năm ba tơ anih Kră Yang 'Bok Kei-Dei iĕm gô rơih, wă kơ 'măn anăn Sư tơ noh.

Jôsuê 22:27

Mă-lei chơnang soi âu boih gô pơm kơdranh tơ'bôh tŏk-bŏk lu nhôn păng 'nhŏng oh truh tơ kon sâu lu bơ̆n, lu nhôn gô kơkuh kơ Kră Yang tơ Hnam 'Lơ̆ng Rơgoh Sư. Hăm tơmam soi 'buh păng Tơmam soi 'blŏk bơnê hiôk-hian. Đơ̆ng âu tơ anăp, lu kon sâu 'nhŏng oh ưh pă pơma khan kơ lu kon sâu lu nhôn: Lu iĕm ưh kơ đei kiơ lăm Kră Yang ôh!

I Sam 1:21

Êlkana păng đĭ-đăng hnam dơnŏ sư tŏk năm wă pơyơ̆r kơ Kră Yang tơmam soi lăm rim sơnăm, wă pơsĭt tơdrong sư đei pơkă bơih.

I Sam 1:24

Truh tơ sư lê̆ mŏm bơih, Hana chông ba kon sư năm hơdai sư. Păng kư̆m dui ba rơmo tơno pêng sơnăm, minh êphac tơpŭng, minh pơm get akar sik hơmu. Sư chông kon sư tơ hnam Kră Yang tơ pơlei Silô. Kon hơ'lơ̆p sư noh oei 'lơ̆p.