Both 12:32 - Sơ̆p Hlabơar Nơ̆r 'Bok Kei-Dei

³² Lu iĕm athei kơchăng; pơm kiơ̆ mă trŏ thoi noh 'nĕ kơ hŭt dah pơthim kiơ.

Both 12:32 Iomraidhean Croise

II Pot 17:37

Lu tơdrong juăt nơ̆r tơtă, păng nơ̆r Kră Yang athei mă Sư chih ăn kơ lu iĕm; lu iĕm athei wei răk, pơm kiơ̆ ling-lang khŏm khŏm, 'nĕ kơkuh kơ lu yang nai.

Tơdrông Pơđơk 30:6

'Nĕ kơ thim kiơ lăm nơ̆r Sư. Kơnh Sư chrih kơ ih, păng jô̆ ih jing bơngai hơlĕnh.

Êsêkiên 44:5

Kră Yang khan kơ inh: “Ơ kon bơngai athei kơchăm lăng, lăng mă pơnhen; athei pơgling đon mơ̆ng dôm tơdrong Inh bơtho khan kơ ih, gah dôm tơdrong khôi juăt Kră Yang, gah hnam akŭm; athei lăng tơ lu bơngai mơ̆t tơ hnam akŭm păng đĭ-đăng lu bơngai lĕch đơ̆ng anih 'lơ̆ng rơgoh.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Both 13:18

Yua kơ iĕm chu nơ̆r Kră Yang 'Bok Kei-Dei iĕm, wei răk đĭ dôm nơ̆r Sư tơtă, mă inh bơtho ăn kơ iĕm năr 'nâu păng pơm tơdrong trŏ 'blep mă Kră Yang lăp đon.

Both 19:9

Yua kơ iĕm, pơm kiơ̆ dôm nơ̆r tơtă mă inh bơtho khan ăn kơ iĕm năr âu, athei 'mêm kơ Kră Yang 'Bok Kei-Dei, yak kiơ̆ trong Sư ling-lang, thoi noh iĕm athei lê̆ thim pêng tŏ pơlei plơ̆ng dơ̆ng,

Both 4:2

Lu iĕm 'nĕ kơ thim kiơ păng kư̆m 'nĕ kơ hŭt lê̆ kiơ dôm nơ̆r inh wă khan kơ iĕm, mă-lei athei wei răk dôm nơ̆r tơtă đơ̆ng Kră Yang 'Bok Kei-Dei lu iĕm, nơ̆r tơtă mă inh wă bơtho kơ lu iĕm.

Jôsuê 1:7

Ih athei chơ̆n jơhngơ̆m nuih pran păng pơm kiơ̆ kơ khôi juăt Môis đĭch đam Inh, mă tơbăt kơ ih, 'nĕ kơ weh gah 'ma gah 'ngiĕo, lei na mă năm tơ yơ gô đei tơdrong kĕ jei ih.