Both 12:21 - Sơ̆p Hlabơar Nơ̆r 'Bok Kei-Dei

²¹ Tơdah anih mă Kră Yang 'Bok Kei-Dei iĕm rơih boih wă dan Anăn Sư, ataih đơ̆ng iĕm oei, iĕm gơh 'bet sa rơmo dah triu lăm khŭl mă Kră Yang iĕm ăn kơ iĕm kư̆m thoi Inh pơkă kơ iĕm; iĕm gơh sa 'nhĕm mơ̆ng kơ wă sa lăm pơlei iĕm kơdih.

Both 12:21 Iomraidhean Croise

I Pot 14:21

Rôbôam kon drŏ-nglo Sôlômôn pơgơ̆r lăm dêh char Juđa; kơplah sư tŏk pơgơ̆r, sư puăn-jĭt mônh sơnăm bơih; sư pơgơ̆r mơjĭt-tơpơh sơnăm tơ Pơlei Jêrusalem, pơlei mă Kră Yang rơih đơ̆ng lăm rim adrĕch adrung Isơrael, wă 'măn Anăn Sư tơ noh. Mĕ pơtao anăn Naama bơngai Ammôn.

II Ho 12:13

Thoi noh pơtao Rêhôbôam pơm kơ sư kơdih kơjăp oei lăm pơlei Jêrusalem, Rêhôbôam 'nao puăn-jĭt mônh sơnăm kơplah sư pơm pơtao, sư pơgơ̆r lăm mơjĭt-tơpơh sơnăm lăm pơlei Jêrusalem, pơlei mă Kră Yang đei rơih iŏk đơ̆ng lăm adrĕch Isơrael, wă 'măn anăn Sư tơ noh; mĕ Rêhôbôam anăn Naama, bơngai Ammôn.

Esơra 6:12

Apinh Kră Yang 'Bok Kei-Dei, Tơ'ngla mă pơm ăn kơ anăn Sư oei lăm hnam akŭm noh, pơrăm lê̆ pơtao ayơ, kon pơlei ayơ mă pơ̆n yơ̆r ti pơjah hăm nơ̆r đei tơjur âu wă pơrăm hnam akŭm Kră Yang 'Bok Kei-Dei tơ pơlei Jêrusalem. Inh Đarius đei chih tơjur nơ̆r tơtă âu. Athei pơm kiơ̆ nơ̆r âu mă pơ'lơ̆ng!

Le 20:24

Ih athei pơm kơ Inh minh pôm chơnang soi păng teh, kơpal noh athei pơyơ̆r tơmam soi 'buh hăm tơmam soi hiôk-hian triu dah rơmo, tơ rim anih ayơ mă Inh ăn athei 'blŏk hơdơ̆r kơ Anăn Inh, Inh gô năm tuh ăn tơdrong pŭn hiôk kơ ih tơ noh.

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Both 12:15

Mă tơ anih ayơ lăm pơlei lu iĕm kơdih, iĕm gơh koh sa lu sem dơrong mơ̆ng kơ iĕm, kiơ̆ kơ tơdrong pŭn hiôk mă Kră Yang 'Bok Kei-Dei asong ăn kơ lu iĕm; mă bơngai kơnê̆ 'mê̆-'mach dah bơngai 'lơ̆ng rơgoh kư̆m gơh sa 'nhĕm noh thoi iĕm sa 'nhĕm juei păng 'nhĕm kơtŏng jĭl bram.

Both 12:20

Kơplah Kră Yang 'Bok Kei-Dei iĕm pơih hơdral rai să ăn kơ iĕm, thoi Sư đei pơkă khan kơ iĕm, yua kơ iĕm hơpơi 'maih sa 'nhĕm na khan: “Inh gô sa 'nhĕm,” iĕm gô sa mơ̆ng kơ iĕm wă sa dôm yơ.

Both 12:22

Lu iĕm gơh sa 'nhĕm thoi sa 'nhĕm kơtŏng păng jĭl bram; đĭ-đăng bơngai yoch kơnê̆ dah bơngai 'lơ̆ng rơgoh kư̆m gơh sa.

Both 12:5

Mă-lei lu iĕm athei chă anih ayơ lăm adrĕch Isơrael, mă Kră Yang 'Bok Kei-Dei lu iĕm gô rơih iŏk pơm anih oei păng 'măn Anăn Sư, lu iĕm akŭm kơkuh.

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

Both 16:6

mă-lei athei pơyơ̆r tơ anih mă Sư gô rơih wă 'măn Anăn Sư oei tơ noh, iĕm gô pơyơ̆r sem dơrong pơm giĕng Năm Brih, gah kơsơ̆, lăp kơplah 'năr mơ̆t, kơnhăm trŏ jơ mă iĕm lĕch hlôi đơ̆ng dêh Êyiptơ.

Both 26:2

iĕm athei iŏk minh lăm mơjĭt đơ̆ng dôm plei blŭng-a mă đơ̆ng teh, lăm dêh mă Kră Yang 'Bok Kei-Dei iĕm ăn kơ lu iĕm, tah lăm minh pôm bai, năm ba tơ anih Kră Yang 'Bok Kei-Dei iĕm gô rơih, wă kơ 'măn anăn Sư tơ noh.