Both 12:14 - Sơ̆p Hlabơar Nơ̆r 'Bok Kei-Dei

¹⁴ Mă-lei lu iĕm athei pơyơ̆r tơmam soi 'buh tơ anih mă Kră Yang gô rơih minh anih đơ̆ng lăm teh đak lăm minh adrĕch, tơ anih noh lu iĕm athei pơm dôm tơdrong mă inh đei bơtho khan.

Both 12:14 Iomraidhean Croise

I Pot 12:27

Tơdah lu kon pơlei 'nâu tŏk năm wă pơyơ̆r tơmam soi lăm Hnam Akŭm Kră Yang tơ pơlei Jêrusalem, lei jơhngơ̆m đon lu sư gô kiơ̆ pơtao lu sư Rôbôam pơtao đe Juđa,” lu sư gô pơlôch lê̆ inh, na lu sư gô brŏk tơ Rôbôam pơtao đe Juđa.

I Pot 8:29

Apinh măt Ih măng năr wei-lăng Hnam âu, anih mă Ih khan: Anăn Ih gô oei lăm hnam noh, wă kơ Ih mơ̆ng dôm nơ̆r lu đĭch đam Ih krao khan kơ anih 'nâu.

II Pot 18:22

Mă-lei tơdah ih khan kơ inh: “Lu nhôn gơnang kơ Kră Yang 'Bok Kei-Dei nhôn. Hăm trŏ Hesekia hlôi yuih lê̆ chơnang soi Kră Yang tơ anih kơjung păng khan kơ lu bơngai Juđa kon pơlei Jêrusalem:” Iĕm athei kơkuh kơ Kră Yang 'bơ̆t chơnang soi tơ Jêrusalem đĕch dah kiơ?

I Ho 22:1

Na Đawit khan. “'Bơ̆t âu gô pơm hnam Kră Yang 'Bok Kei-Dei; păng 'bơ̆t âu boih anih chơnang soi 'buh kơ lu bơngai Isơrael.”

Horiso 5:7

Gah inh gơnang kơ tơdrong 'mêm tih Ih, inh gô mơ̆t tơ lăm hnam Ih. Iŏk jơhngơ̆m hli yom kơ Ih na drap kơkuh 'bơ̆t anih 'lơ̆ng rơgoh Ih.

Horiso 9:11

Hơri bơnê bĕ kơ Kră Yang, Tơ'ngla oei lăm pơlei Siôn; Roi tơbăt kơ kon pơlei pơla tơdrong tih Sư pơm

Lêwi 17:3

Tơdah minh 'nu bơngai drŏ-nglo, đơ̆ng lăm hnam Isơrael koh pơlôch minh pôm rơmo, minh pôm kon triu dah minh pôm bơbe lăm anih kơđông dah 'nguaih kơ anih kơđông,

Lêwi 17:4

na ưh kơ dui ba tơ 'măng Bơsŭn Anih Akŭm, wă pơyơ̆r kơ Kră Yang 'bơ̆t anăp Bơsŭn Anih Akŭm kơkuh kơ Kră Yang, pham noh gô tuh tơpŭ tơdrong yoch kơ bơngai drŏ-nglo noh; sư 'bet tuh pham bơih; đe gô tơlĕch sư đơ̆ng kon pơlei Isơrael.

II Kor 5:19

'Bok Kei-Dei athei Yêsu Krist pơgơ̆p kon bơngai jơ̆p kơ teh đak, wă kơ kon bơngai 'lơ̆ng hăm Sư dơ̆ng. Sư ưh pă jô̆ yo boih dôm tơdrong yoch. Thoi noh na dang ei Sư wă kơ nhôn bơtho khan krao tơwih kon bơngai jing 'lơ̆ng hăm Sư dơ̆ng.

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Both 12:13

Thoi noh lu iĕm athei kơchăng ưh kơ gơh pơyơ̆r tơ lu anih nai mă lu iĕm wă.

Both 12:15

Mă tơ anih ayơ lăm pơlei lu iĕm kơdih, iĕm gơh koh sa lu sem dơrong mơ̆ng kơ iĕm, kiơ̆ kơ tơdrong pŭn hiôk mă Kră Yang 'Bok Kei-Dei asong ăn kơ lu iĕm; mă bơngai kơnê̆ 'mê̆-'mach dah bơngai 'lơ̆ng rơgoh kư̆m gơh sa 'nhĕm noh thoi iĕm sa 'nhĕm juei păng 'nhĕm kơtŏng jĭl bram.

Both 12:18

Mă-lei iĕm, kon drŏ-nglo, kon drŏ-kăn đĭch drŏ-nglo păng đam drŏ-kăn iĕm, hăm lu bơngai Lêwi oei hơdai lăm pơlei iĕm, athei sa lu kon sem tơmam noh 'bơ̆t anăp Kră Yang 'Bok Kei-Dei iĕm, tơ anih Sư rơih; lu iĕm gô chơt hiôk 'bơ̆t anăp Kră Yang 'Bok Kei-Dei iĕm, dôm tơdrong jang đơ̆ng tơpang ti iĕm kơdih.

Both 12:5

Mă-lei lu iĕm athei chă anih ayơ lăm adrĕch Isơrael, mă Kră Yang 'Bok Kei-Dei lu iĕm gô rơih iŏk pơm anih oei păng 'măn Anăn Sư, lu iĕm akŭm kơkuh.

Both 14:23

Lu iĕm gơh sa tơmam pơyơ̆r minh lăm mơjĭt noh lu phe 'ba, sik hơmu, đak rơmă, plei 'long ôliwơ păng lu kon gơgơ̆l rơmo kơdră dah triu 'bơ̆t anăp Kră Yang 'Bok Kei-Dei iĕm, lăm anih Sư gô rơih iŏk wă 'măn Anăn Sư wă kơ iĕm pơhrăm iŏk băt hli yom kơ Kră Yang 'Bok Kei-Dei iĕm ling-lang.

Both 15:20

Rim sơnăm iĕm păng hnam dơnŏ iĕm gô 'buh sa 'bơ̆t anăp Kră Yang 'Bok Kei-Dei iĕm, tơ anih mă Sư gô rơih.

Both 16:2

Tơ lăm anih mă Kră Yang gô rơih wă 'măn lê̆ Anăn Sư oei, iĕm athei iŏk triu dah rơmo, pơyơ̆r pơm Năm Brih ăn kơ Kră Yang 'Bok Kei-Dei.

Both 17:8

Tơdah đei sek tơlang hơnat thoi pơlôch bơngai, sek tơlang tơdrong đe tơgar dih băl dah tơdrong pơm kơ đe rơka, dah đei tơdrong nai, minh tơdrong truh hơnat kơ iĕm tơpă, thoi noh lu iĕm athei chĕp ba tơdrong sek noh tơ anih mă Kră Yang 'Bok Kei-Dei iĕm gô rơih.

Both 18:6

Tơdah đei minh 'nu bơngai Lêwi wă lê̆ pơlei mă sư oei lăm lu bơngai Isơrael, wă năm tơ anih Kră Yang rơih,

Both 31:11

Kơplah đĭ-đăng bơngai Isơrael năm kơkuh kơ Kră Yang 'Bok Kei-Dei iĕm, tơ anih mă Sư gô rơih, na lu iĕm athei đŏk ăn mă re kơ lu sư mơ̆ng khôi juăt 'nâu.

Hêbrơ 13:15

Thoi noh na bĕ bơ̆n gơnang kơ Yêsu, pơyơ̆r kơ 'Bok Kei-Dei akâu bơ̆n hăm nơ̆r pơma ư-ang Sư ling-lang.

Jôsuê 22:29

Dang ei lu nhôn ưh kơ đei layơ ayăt kơ Kră Yang păng ưh achăng lê̆ Kră Yang, na khan pơm chơnang soi plơ̆ng pha kơ chơnang soi Kră Yang 'Bok Kei-Dei lu bơ̆n, dan 'bơ̆t anăp bơsŭn anih akŭm wă pơyơ̆r tơmam soi 'buh, tơmam soi phe 'ba păng lu tơmam soi nai.

Jôsuê 9:27

Đơ̆ng năr noh chă wơh ăn lu sư chă kăl 'long ŭnh, chhŏ đak kơ khŭl tơpôl păng kơ chơnang soi Kră Yang kiơ̆ kơ anih mă Kră Yang đei rơih iŏk, noh tơdrong jang kơ lu sư noh dĭng truh tơ dang ei.