Both 12:12 - Sơ̆p Hlabơar Nơ̆r 'Bok Kei-Dei

¹² Tơ noh lu iĕm, kon drŏ-nglo, kon drŏ-kăn, đĭch drŏ-nglo păng đĭch drŏ-kăn lu iĕm lu bơngai Lêwi mă oei lăm pơlei hơdai lu iĕm, lu bơngai mă ưh kơ đei iŏk tơmam dah teh jang sa kơdih gô chơt hiôk 'bơ̆t anăp Kră Yang 'Bok Kei-Dei iĕm.

Both 12:12 Iomraidhean Croise

I Pot 8:66

Lăm năr mă tơhngam pơtao ăn kơ kon pơlei pơla brŏk; kon pơlei kư̆m krao khan hơpơi pŭn hiôk kơ pơtao kơplah lu sư brŏk tơ anih lu sư, lu sư chơt hiôk 'nă hal lăm jơhngơ̆m, yua kơ Kră Yang wei-lăng đĭch đam Sư Đawit hăm đĭ-đăng lu bơngai Isơrael, kon pơlei pơla Sư rơih.

II Ho 29:36

Hesekia păng đĭ-đăng kon pơlei lu sư chơt hiôk kơ Kră Yang 'Bok Kei-Dei đei asong ăn kơ lu kon pơlei Sư na tơdrong jang âu tĕnh jah keh đang.

Ne 8:9

Nêhêmi kră pơgơ̆r, Esơra 'bok soi păng pơm thây bơtho khôi juăt, lu bơngai Lêwi mă bơtho kon pơlei, kư̆m pơma khan kơ đĭ-đăng Isơrael thoi âu! 'Năr 'nâu jơ̆ 'lơ̆ng rơgoh ăn kơ Kră Yang 'Bok Kei-Dei lu iĕm; 'nĕ kơ sơ'ngon, kư̆m 'nĕ kơ nhơ̆m hmoi, yua kơ kon pơlei nhơ̆m kơplah lu sư kơtơ̆ng đŏk dôm lu nơ̆r khôi juăt.

Horiso 147:1

Bơnê ư-ang bĕ kơ Kră Yang! Trŏ 'lơ̆ng tơpă. Hiôk hơri bơnê kơ Kră Yang 'Bok Kei-Dei lu bơ̆n; Hiôk dêh tơpă trŏ hơri bơnê kơ Sư.

Lêwi 23:40

Năr mă mônh lu iĕm athei iŏk plei 'long 'lơ̆ng; dơng 'long gol, dơng tih đei hla lơ păng 'long hla prai, na lu iĕm et sa chơt hiôk 'bơ̆t anăp Kră Yang 'Bok Kei-Dei lu iĕm lăm tơpơh năr.

Jo 18:20

Kră Yang khan kơ Arôn: Lăm char bơngai Isơrael ih ưh kơ đei ôh teh jang sa păng ưh kơ đei asong ih tơmam kiơ ôh đơ̆ng adrĕch noh; Inh boih jing mŭk tơmam ih đơ̆ng lăm adrĕch Isơrael.

Jo 18:26

Ih athei khan ăn kơ bơngai Lêwi thoi âu: Tơdah layơ lu iĕm đei iŏk minh lăm mơjĭt mă Inh ăn đơ̆ng kon pơlei pơyơ̆r noh wă pơm mŭk tơmam iĕm, na iŏk bĕ minh lăm mơjĭt đơ̆ng tơmam noh na jing pơm tơmam pơyơ̆r soi ăn kơ Kră Yang.

Yo 13:8

Pêtrôs khan: “Inh ưh kơ hơnhŏ Ih ôp jơ̆ng inh na inh ưh kơ layơ ăn Ih ôp jơ̆ng ôh.” Yêsu khan: “Dah Inh ưh kơ ôp jơ̆ng ih, lei ih ưh pă pơm jơ̆ng 'bang Inh boih.”

Jang 8:21

'Bok Kei-Dei ưh kơ ăn kơ ih tơdrong âu ôh yua kơ Sư 'bôh jơhngơ̆m ih ưh kơ 'lơ̆ng păng Sư.

Both 10:9

Thoi noh lu bơngai Lêwi ưh kơ đei teh jang sa hơdai hăm lu 'nhŏng oh lu sư, Kră Yang boih jơ̆ tơmam lu sư, kiơ̆ thoi Kră Yang đei khan boih hăm lu sư.

Both 12:18

Mă-lei iĕm, kon drŏ-nglo, kon drŏ-kăn đĭch drŏ-nglo păng đam drŏ-kăn iĕm, hăm lu bơngai Lêwi oei hơdai lăm pơlei iĕm, athei sa lu kon sem tơmam noh 'bơ̆t anăp Kră Yang 'Bok Kei-Dei iĕm, tơ anih Sư rơih; lu iĕm gô chơt hiôk 'bơ̆t anăp Kră Yang 'Bok Kei-Dei iĕm, dôm tơdrong jang đơ̆ng tơpang ti iĕm kơdih.

Both 12:19

Đĭ chăl arih iĕm, athei kơchăng, 'nĕ kơ hiơt hŭt lê̆ bơngai Lêwi mă đei lăm dêh noh.

Both 12:7

Tơ noh 'bơ̆t anăp Kră Yang 'Bok Kei-Dei lu iĕm, chơt hiôk sŏng sa hăm hnam dơnŏ, yua kơ dôm tơdrong jang đơ̆ng tơpang ti iĕm kơdih, na đei Kră Yang 'Bok Kei-Dei lu iĕm ăn pŭn hiôk kơ iĕm.

Both 14:29

Lu bơngai Lêwi, yua kơ lu ưh kơ đei mŭk tơmam teh jang sa tơ lăm lu iĕm ôh păng lu bơngai tơmoi, lu bơngai mơti păng lu bơngai yă adro mă oei hơdai lăm pơlei iĕm, kư̆m gô năm sa phĭ mah; thoi ei Kră Yang 'Bok Kei-Dei iĕm ăn pŭn kơ dôm tơdrong jang đơ̆ng tơpang ti iĕm kơdih pơm.

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

Both 16:14

Hơdai hăm kon drŏ-nglo kon drŏ-kăn, đĭch drŏ-nglo đam drŏ-kăn, bơngai Lêwi, bơngai tơmoi, bơngai mơti păng bơngai adro oei hơdai lăm pơlei iĕm, kư̆m hơdai wăng hiôk chơt 'blŏk hơdơ̆r pơm giĕng.

Both 18:6

Tơdah đei minh 'nu bơngai Lêwi wă lê̆ pơlei mă sư oei lăm lu bơngai Isơrael, wă năm tơ anih Kră Yang rơih,

Both 26:11

Đơ̆ng noh iĕm, bơngai Lêwi păng lu bơngai tơmoi mă oei hơdai hăm lu iĕm, hăm hnam dơnŏ lu iĕm gô chơt hiôk gah tơdrong pŭn hiôk mă đơ̆ng Kră Yang 'Bok Kei-Dei iĕm ăn boih kơ lu iĕm.

Both 26:12

Kư̆ rim pêng sơnăm jơ̆ sơnăm pơyơ̆r minh lăm mơjĭt lu iĕm 'măn lê̆ pha dôm tơmam iĕm roi, na athei asong ăn kơ bơngai Lêwi, kơ bơngai tơmoi, bơngai mơti păng ăn kơ yă adro, wă kơ lu sư đei tơmam sa phĭ mah.

Both 27:7

Kŭm athei pơyơ̆r tơmam soi bơnê, sa kơtă hloi tơ anih noh hiôk chơt 'bơ̆t anăp Kră Yang 'Bok Kei-Dei iĕm.

Jôsuê 13:14

Mă-lei Môis ưh kơ đei asong ăn teh jang sa kơ lu adrĕch adrung bơngai Lêwi ôh: Yua kơ lu tơmam soi 'buh hăm ŭnh pơyơ̆r ăn kơ Kră Yang 'Bok Kei-Dei Isơrael, noh jing tơdrong jang sa lu sư, đơ̆ng Kră Yang pơkă khan kơ lu sư.

Jôsuê 13:33

Mă-lei Môis ưh kơ đei asong ăn teh jang kơ lu adrĕch Lêwi, yua kơ Kră Yang 'Bok Kei-Dei Isơrael boih jing teh lu sư jang sa kiơ̆ thoi Kră Yang đei pơkă hăm lu sư.

Jôsuê 14:4

Adrĕch adrung Jôsep klah asong kơ 'bar, adrĕch Manase păng Êphraim, lu sư ưh kơ đei asong ôh teh wă jang sa kơ lu adrĕch bơngai Lêwi, mă-lei ăn kơ lu sư teh pơm hnam, pơm pơlei oei păng lu teh tơmăn 'nhĕt jih pơlei wă kơ rong lu sem dơrong lu sư.