Both 11:25 - Sơ̆p Hlabơar Nơ̆r 'Bok Kei-Dei

²⁵ Ưh kơ đei bơngai bu kĕ iung dơ̆ng blah 'bơ̆t anăp lu iĕm; Kră Yang 'Bok Kei-Dei lu iĕm gô pơm ăn kơ đe hli tơrơ kơ lu iĕm lăm jơ̆p kơ dêh lu iĕm juă, thoi Sư đei pơkă khan boih kơ lu iĕm.

Both 11:25 Iomraidhean Croise

I Ho 14:17

Anăn Đawit kơtơ̆ng ư-ang jơ̆p-jang kơ teh đak; Kră Yang pơm ăn kơ lu khŭl kon pơlei pơla hli kơ Đawit.

Le 23:27

inh gô ăn tơdrong hli krưp Inh năm adrol, pơm kơ lu teh đak hơwơ̆l hơwang, pơm kơ lu ayăt kơ iĕm kơdâu đĭ mưh iĕm năm truh tơ yơ pơm kơ đe hli tơrơ.

Both 2:25

Năr âu Inh gô pơm ăn kơ lu kon pơlei pơla mă oei lăm kơpal teh âu gô hli păng krưp dêh đei kơtơ̆ng roi gah iĕm, lu kon pơlei noh gô tơtơ̆ păng hli krưp dêh kơ iĕm.

Both 7:24

Sư gô pơjao lu pơtao lăm tơpang ti iĕm, na iĕm gô sŭt đĭ anăn lu sư đơ̆ng ala teh âu; ưh kơ đei bơngai bu kĕ dơ̆ng 'bơ̆t anăp iĕm, dĭng truh tơ iĕm pơlôch đĭ lu sư.

Jôsuê 1:5

Đĭ lăm chăl arih ih, ưh kơ đei bu kĕ blah ih, Inh gô oei hơdai hăm ih thoi Inh oei hơdai hăm Môis, Inh ưh kơ achăng ih păng ưh kơ lê̆ ih ôh.

Jôsuê 2:9

pơma khan: Inh băt Kră Yang ăn boih kơ lu iĕm dêh char âu, lu nhôn hli krưp dêh păng đĭ-đăng kon pơlei pơla lăm char âu jơhngơ̆m lu sư hli tơrơ dêh kơ lu iĕm tơpă.

Jôsuê 5:1

Kơplah pơtao đe Amôrit gah bơmơ̆t kơ đak Krong Jôrđăn păng đĭ-đăng lu pơtao đe Kanaan, oei jê̆ đak dơsĭ 'nao kơtơ̆ng khan Kră Yang đei pơm kơ Krong Jôrđăn hrơ̆ hrĕng, 'bơ̆t anăp lu kon pơlei Isơrael, dĭng mă lu sư yak tŏk hlôi kơ đak krong, na jơhngơ̆m lu pơtao hli tơtơ̆, mah pă pơ̆n tơ'bơ̆p hăm lu kon pơlei Isơrael.