Both 11:17 - Sơ̆p Hlabơar Nơ̆r 'Bok Kei-Dei

¹⁷ Kơplah noh Kră Yang gô hil mĭl kơ lu iĕm, sư gô tang lê̆ plĕnh, na ưh pă đei đak 'mi dơ̆ng, teh pă đei plei sa: Lu iĕm gô lôch hiong đơ̆ng lăm dêh char 'lơ̆ng, mă đơ̆ng Kră Yang ăn kơ lu iĕm.

Both 11:17 Iomraidhean Croise

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

I Pot 8:35

Mưh plĕnh phang ưh kơ đei đak 'mi yua kơ đơ̆ng lu sư pơm yoch hăm Ih, mă-lei dah lu sư năm tơkan tơ anih âu krao khan hơdrĭ hăm anăn ih, hŭt lê̆ tơdrong yoch lu sư, yua kơ ih phak bơtho lu sư boih.

II Ho 6:26

Mưh plĕnh tang đĭ ưh kơ đei 'mi, yua kơ đơ̆ng kon pơlei Isơrael pơm yoch hăm Ih na lu sư tơkan tơ hnam âu krao pôk anăn Ih tơbral yoch kơdih yua kơ Ih phak lu sư pơmat-tat boih.

II Ho 7:13

Mưh Inh tang đĭ plĕnh ti, ưh kơ ăn 'mi jur, dah ăn kơ lep 'ba truh kăp sa lu hơnik hơnan păng dah ăn tơdrong lôch hơbuh truh tơ kon pơlei Inh,

Jop 12:15

Sư bơ̆ găn lê̆ đak, đak glung hrơ̆ hrĕng hloi; Sư ăn 'mi đak lơ̆p kơ teh hloi,

Lêwi 26:19

Inh gô pơglơh lê̆ tơdrong pơang jơhngơ̆m pran lu iĕm, Inh gô pơm kơ plĕnh kơpal lu iĕm arăng dang mam teh đak ala lu iĕm thoi kong.

Lêwi 26:20

Jơhngơ̆m pran lu iĕm gô hiong tơdrong kơ đei, teh đak ưh pă đei chăt lu hla 'nhot, tơm 'long lăm char lu iĕm kư̆m ưh pă đei plei sa.

Am 4:7

Inh kư̆m ưh kơ ăn đak 'mi jur tơ lu iĕm lăm pêng khei adrol kơ bơyan kĕch yuă inh ăn boih 'mi tơ pơlei tih 'nâu mă-lei ưh kơ ăn 'mi tơ pơlei tih nai. Chŭn âu đei 'mi boih, mă-lei mir to ưh kơ đei 'mi na jô kro đĭ.

Both 31:20

Đơ̆ng rŏng Inh chông ba lu sư mơ̆t lăm dêh char Inh hlôi pơkă boih hăm 'bok lu sư; dêh 'bĕnh kơ đak toh đak sut; lu sư gô sa phĭ păng bek, wơ̆t bơ̆jang kơkuh lu yang nai, lu sư gô pơdê lê̆ Inh păng pơm glăi kơ tơdrong pơgơ̆p Inh.

Both 4:26

Năr âu inh krao plĕnh păng teh pơm kơdranh kơ lu iĕm thoi âu dah lu iĕm ưh kơ chu pơm kiơ̆ Kră Yang, lu iĕm gô lôch hiong 'bônh đĕch đơ̆ng dêh iĕm wă năm iŏk tơ pah to đak Krong Jôrđăn. Lu iĕm ưh kơ oei tơ noh đunh ôh, mă-lei gô lôch đĭ.

Both 6:15

Yua kơ Kră Yang 'Bok Kei-Dei oei hơdai iĕm, jơ̆ Kră Yang 'Bok Kei-Dei băt gar, tơdah lu iĕm kơkuh kơ yang nai Kră Yang 'Bok Kei-Dei hil mĭl kơ iĕm păng Sư gô pơlôch tơhiong iĕm đơ̆ng kơpal teh âu,

Both 9:19

Inh hli kơ Kră Yang blĕk hil mĭl dĭng mah Sư wă pơlôch pơgoh lu iĕm: Mă-lei Kră Yang oei mơ̆ng nơ̆r inh mơ̆n.